بحر الفيروز

رحلة كبيسة

إذا رأيت اللَّه يؤنسك بذكرِه، فقد احبَّك.

الإمام عليّ بن أبي طالب ..❤️

*_______________________*

لَعَمري لأهل العشقِ فيما يُصيبُهُم
أحقٌّ بِأنْ يُبگى عَلَيهِم مِنَ المَوْتَى ؟

العباس بن الأحنف

*_______________________*

تعالوا نبعد شوية عن هموم الدنيا ونصلي ع النبي اللي هيشفعلنا يوم القيامة ❤️

*_______________________*
آ

سفة على التأخير بس كان عندي امتحانات ولله هفكركم سريعاً كدة بالبارت اللي فات اشطا ؟❤️😉 البارت اللي فات كان خلصان على ان آية كانت بتكلم مراد ان يروحوا يشتغلوا سوا في شركة الحمزاوي هو كمحامي وهي كمساعدة المدير ، واخر مشهد كان ان علي راح لعبد الرحمن الشركة يتقدم ل ليلى ، بس كدة ❤️😂 يلا نسمي الله ونبدأ كدة ، قراءة ممتعة ❤️

*______________________*

ارتدى ملابسه وخرج ليقابل شريكيه في مكانهم المعروف فهو في أشد الحاجة للانفجار ولن يتمكن من هذا هنا

وصل لذلك المكان المجهول بعد ان استدعى عميل ب وعميل ج قبل خروجه من البيت وفور ان دخل ووجدهما امامه وهما يعلمان سبب طلبه مقابلتهما هب الإعصار

عميل أ بعصبية : شوفتوا ؟ شوفتوا اللي حصل شوفتوا ابن الراجحي عمل ايه ؟ شوفتوا خد مني حلم حياتي قدام عينيا وانا واقف اتفرج ازاي .. كنت ناوي اتقدملها من يومين في الكافيه اللي وريتهولكو بس غيرت رأيي وكنت هتقدملها في فرح نور عشان اقولها تبقى الفرحة فرحتين .. المفروض ديه كانت تبقى ليلتي انا .. انا مش هو ، المفروض العريس كان هيبقى انا مش هو ، المفروض مريم كانت تتكتب على اسمي انا مش هو .. ليه ؟ ليه بيحصل معايا كدة ليه كل احلامي يا اما بيحققها هو مش انا يا اما بياخدها مني ليييييييه؟؟؟؟

قال الاخيرة وهو يضرب بقبضته عدة اكواب زجاجية امامه لتسقط مهشمة على الأرض بالإضافة لبعض الدماء التي سقطت من يده من أثر شدة الضربة ودموعه تجاهد لكي لا تسقط وقد اصبحت عيناه حمراء بشدة ووجهه

هب العميل ب بفزع ليوقفه ويقوم بتهدأته لكن امسك عميل ج بذراعه يجلسه مجددا بملامح جامدة

فهم عميل ب ان عميل ج يريد منه تركه ليفرغ بركان غضبه فجلس مرة أخرى

أخذ عميل أ يضرب ويحطم كل ما يصادفه وهو يصرخ بكل ما يحمله اتجاه زين ويتوعده حتى سقط على ركبتيه ودموعه تنهمر وعروق رقبته بارزة من شدة العصبية والانفعال

ذهب عميل ب وجلس على ركبتيه ارضاً قبالته ينظر إليه بحزن

عميل أ بصوت خافت متألم كأنه يحدث نفسه وهو ينظر أرضاً دون حيلة : قلبي بيوجعني اووي .. بقت مع حد تاني .. بقت ملك لراجل تاني .. وممكن بعد فترة تبقى ام لأولاد راجل تاني .. ومش اي راجل .. ده يبقى ....