{ أيها الناس، إنما المؤمنون إخوة، ولا يَحلُّ لامرئٍ مالُ أخيه إلا عن طيب نفسٍ منه، ألا هل بلغت، اللهم فاشهد، فلا ترجعوا بعدي كفَّارًا يَضرب بعضُكم رقابَ بعض، فإني قد تركتُ فيكم ما إن تمسكتم به لن تضلوا بعده؛ كتاب الله. }
- من خطبة الوداع لسيدنا محمد صلى الله عليه وسلم ♥️🦋
*____________________________*
لا تنسَ أن تلحّ بـ" اللهم اهدِ لي قلبي" ، فإنه والله لو هُدي هان عليك كل شئ .♥️
*____________________________*
المرادي مش هعتذر على التأخير ، لإني كنت ناوية اوقف الرواية اصلا للأسف 😅💙 بس فيه بنوتة اسمها مريم هي اللي اقنعتني اكمل وبشكرها جدا 💙 كدة كدة الرواية معتش فيها غير بارتات معدودة وهتخلص بإذن الله ويا رب تبقى ختامها مسك وتستحملوني الفترة ديه 💙😂
كنا واقفين البارت اللي فات عند آية راحت اتخانقت مع ياسر لما عرفت انه هيخطب رندة واتهمته انه ضحك عليها واستغل نهى
ياسر جاله تليفون في آخر البارت بيقول ان رندة وباباها اتقبض عليهم
ادهم ولانا كتبوا كتابهم
زين كان طلب ايد مريم من اول وجديد
واخيرا متنسوش ان كمال والشرطة لقوا في المخزن موبايل ودبابيس صفراء متعلقة في هدوم المجرمين وقبضوا على كام واحد منهم والباقي هرب بالخزنة
عشان الجزئية ديه لسة هتنفعنا 💙
يلا صلوا على النبي وادخلوا البارت بالرجل اليمين 💙😂
قراءة ممتعة يا رب ويا رب يعجبكم البارت 💙
في سيارة مراد
مراد بصدمة : معقولة ياسر يعمل كدة ؟
آية : انا اتصدمت زيك .. حسيت ان عقلي وقف فجأة اول ما نهى قالتلي .. مكنتش مستوعبة بجد ازاي ممكن حد يعمل كدة .. ليه اصلا يعني استفاد ايه لما خلاني اساعده وبعد ما نجحت في كدة ساب هو كل حاجة ومشى ؟
مراد : مش ممكن يكون ده كل الموضوع .. ياسر ميطلعش منه كدة .. فيه طرف خيط ناقص احنا مش عارفينه
آية : معرفش .. كدة ولا كدة خلاص الموضوع انتهى .. كل مشكلتي بس هصلح علاقتي مع نهى ازاي بعد اللي حصل .. حاسة اني مليش وش اقابلها
مراد : لا لا متقوليش كدة .. نهى طيبة جدا وهتتفهم مع الوقت ان كان غرضك سليم .. ولو ان رغم كدة انا بحملك ذنب
آية وهي تلتفت إليه عاقدة حاجبيها باستغراب : ليه ؟ انا عملت ايه ؟
مراد : ازاي توافقي تعملي كدة اصلا من الاول ازاي تعملي كل حاجة ممكنة عشان يبقى قلب نهى مع ياسر يا آية بأي حق ؟
آية : انا كنت معتبراه راجل قد كلمته .. كان ممكن يحاول يرتبط بيها ويعمل حاجات غلط بس مرضاش وفضّل ان الموضوع يمشي بعيد عنه .. بإنه يبقى عن طريقي انا .. مكنتش بحاول اخليها تعجب بيه ولا اعشمها بـ حبه ليها ولا اي حاجة ولا اعلقها بيه حتى .. انا كنت بحاول الفت نظرها بس له وانه شخص كويس عشان لما ييجي يتقدم ابقى ضامنة موافقتها وده اللي طلبه مني .. هي مكانتش واخدة بالها من وجوده اصلا ، انا بس كنت بلفت نظرها
أنت تقرأ
بحر الفيروز
Randomللهِ ثغرٌ بَيني و بَينهُ ما بينَ البينِ بَيْنٌ ، شيءٌ مِنَ اللاشيءْ ، كقافٍ بعدَ الشينِ وماقَبلَ الشينِ عينٌ _ لقائلها تصميم الغلاف / جنة أشرف
