Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
မီးရောင်စုံတွေ ပန်းတွေနဲ့အလှဆင်ထားတဲ့ ညစာစားပွဲလေးက မြက်ခင်းပြင်မှာ Romantic ဆန်ဆန်လေးရှိသည်။တယောကို ပုခုံးပေါ်တင်လို့ အနောက်တိုင်းတေးသွားကို တီးခတ်နေသော တူရိယာရှင်များကလည်း စားပွဲဝိုင်းတစ်ခုကိုတစ်ယောက်စီ။ လူအယောက် ငါးဆယ်လောက်သာ ဖိတ်ထားသည်မို့ မြက်ခင်းစိမ်းစိမ်းမှာစားပွဲဝိုင်းလှလှလေးတွေက ဆယ်ခုရှိသည်။
ငြိမ့်ငြောင်းတဲ့ သံစဉ်နဲ့ လှပတဲ့မြင်ကွင်းတွေကြားသူ့စိတ်တွေ တစ်ခနမျှအေးချမ်းသွားရသလို ဘေးကလူကိုငဲ့စောင်းကြည့်မိ၏။
အဖြူရောင် couple suit လေးနဲ့ နုနယ်ချောမော တဲ့မျက်နှာလေးက အောက်နှုတ်ခမ်းလေးကို ဖိကိုက်လို့။
ဒီအပြုအမူက စိတ်လှုပ်ရှားတိုင်းပြုတတ်တဲ့ ၀မ်ရိပေါ်ရဲ့အကျင့်ဖြစ်သည်။
၀မ်ရိပေါ်ကသူ့အကြည့်ကိုခံစားမိသလို သူ့ဆီအကြည့်ရောက်လာလျှင်မျက်လုံးကို မှေးစင်း၍ပြန်ကြည့်ပေးလိုက်သည်။အဟွန်း ! ထပ်မကြည့်ရဲတော့ဘူး။သူ တရုတ်ကပြန်လာပြီးထဲက ၀မ်ရိပေါ်က သူနဲ့အကြည့်ဆုံတိုင်း မျက်လုံးလွှဲသွားတာဖြစ်သည်။
“ရှောင်း လာ ！ ၀မ်သခင်လေးရော ဒီခေါ်ခဲ့ ”
သူတို့လက်ထပ်ပွဲကို ကြွရောက်ချီးမြှင့်ပေးတဲ့ ဧည့်သည်တွေကို ရှောင်းကျန့်ကျေးဇူးတင်စကား နည်းနည်းပြောပေးလိုက်သည်။ကင်မရာမီးရောင် တဖျပ်ဖျပ် အောက်မှာ ၀မ်ရိပေါ်က စိတ်လှုပ်ရှားလာသလို လက်ကတုန်ယင်နေတာကိုသတိထားမိရင် သူလက်ကြီးတွေနဲ့ ထပ်အုပ်ကိုင်လို့ ဆုပ်ထားပေးမိသည်
