My Boyfriend is a Villain 😈(Complete)

Ep 6

Taehyung နေမကောင်းဖြစ်သွားတာနဲ့သုံးရက်လောက်အိပ်ယာထဲလဲနေရသည်..ဆေးသောက်ပျင်းတဲ့သူက နေမကောင်းဖြစ်တဲ့ရက်ရှည်တာ အကျင့်တစ်ခုလိုဖြစ်နေသည်...

ကျောင်းမသွားတဲ့ရက်တွေအတွင်းမှာလည်း Villain ကမင်းသားနှစ်ယောက်ကိုဘယ်လိုနှောက်ယှက်နေလဲမသိ..ဝတ္ထုထဲမှာတော့ Namjoon ကအမြဲလိုလိုဒဏ်ရာရနေတတ်တဲ့အကြောင်းကိုပဲဖော်ပြထားပြီး ဇာတ်ရှိန်မြင့်တဲ့အခန်းတွေကိုသာအတိအကျဖော်ပြထားတာဖြစ်သည်...

ထို့ကြောင့် Jimin အိမ်ကိုလာတော့မှ Jungkook အကြောင်းကို Taehyung မေးဖြစ်သည်..Jimin ကသူ့ထက် Jungkook ကိုတန်းတနေတဲ့ Taehyung ကိုဆူနေပြန်သည်..

"မင်းအခုလိုဖြစ်တာ ဘယ်သူ့ကြောင့်လဲ..အဲ့တာကိုမင်းကအဲ့ Jungkook အကြောင်းမေးသေးတယ်နော် "

"သူနဲ့မဆိုင်ပါဘူးကွာ ငါရေစိုစိုကြီးအိပ်မိသွားလို့ကို "

"အေးအေး ကာပြောပေးနေလိုက်..ဟိုကဖြင့်မင်းကိုဖင်ကြားထဲတောင်မညှပ်ဘဲနဲ့ "

နှုတ်ခမ်းထော်ထော်ပြီးပြောနေတဲ့ Jimin ကို Taehyung အူယားနေရသည်..ဒီနေ့အိမ်လာတော့ Jimin ကကျောင်းမှာလိုပန့်ပုံစံမဝတ်ထားဘဲ အိမ်နေရင်းပေါ့ပေါ့ပါးပါးလေးသာဝတ်ထားသည်..ဒီလိုလေးကျတော့ Jimin ကချစ်စရာကောင်းတာအမှန်..ဘာလို့များစာရေးဆရာမကပုံဆိုးပန်းဆိုးကာရိုက်တာထည့်ထားပေးရတာပါလိမ့်...

Taehyung က Jimin ရဲ့ခပ်ထော်ထော်နှုတ်ခမ်းလေးကိုလက်နဲ့စုကိုင်လိုက်ပြီး...

"အိုက်ရား...တော်ပါတော့ကြက်ပေါက်ရယ် မင်းကကိုယ့်သူငယ်ချင်းကိုယ်အထင်သေးနေတာပဲ "

"အာ့..ငါ့နှုတ်ခမ်းကိုဘာလို့ဆွဲညစ်နေရတာလဲ "

"ညစ်ချင်လို့လေ ဘာဖြစ်လဲ "

"Ya....ငါမင်းနေမကောင်းလို့အလျှော့ပေးလိုက်မယ် ဟမ့် "

"အွန်းပါ..အခုပြောပြတော့ Jungkook ဘယ်လိုနေလဲ "

Jimin ကမနိုင်ဘူးဆိုတဲ့ပုံစံနဲ့သက်ပြင်းချကာ..

"အဲ့ကောင်ကထုံးစံအတိုင်းပေါ့ အခုထိ Namjoon နဲ့ Seokjin ကိုလိုက်အနိုင်ကျင့်နေတုန်းပဲ...အာဟုတ်သားပဲမင်းမလာတဲ့နှစ်ရက်အတွင်းသူကောင်မလေးတစ်ယောက်နဲ့တွဲလိုက်သေးတယ် "