I am your ALPHA and you are my OMEGA

Part 25

နေ့တွေတစ်နေ့ပြီး တစ်နေ့ကုန်လွန်လာပေမယ့် မပြောင်းလဲတာကတော့ ဝေ့ရင်းကလန်ကျန့်သွားလေရာနောက် တကောက်ကောက်လိုက်နေတာပဲ ။
လန်ကျန့်လာတယ်ဆိုတာနဲ့ နောက်ကဝေ့ရင်းပါလာတတ်မှန်း ကြာပန်းစံအိမ်တစ်ခုလုံးမသိတဲ့သူမရှိသလောက်ပဲ ။
ဝေ့ရင်းက နောက်ကတကောက်ကောက်လိုက်နေရုံပဲလို့ထင်လား ၊တစ်ခါတည်းလူအများရှေ့မှာ လန်ကျန့်ကိုချစ်နေကြောင်းကြေညာထားတာ။
လက်မသွက်ရင် ဝေ့ရင်းဘယ်ပီသမလဲ ။
အဲ့နေ့ကတည်းက အရှက်ကြီးတဲ့ လန်ကျန့်ကအခန်းပြင်မထွက်တော့ဘူး ။
တံခါးလာခေါက်သူမှန်သမျှ အကုန်နှင်လွှတ်တာ ၊သူ့အကိုတော်တောင်မှ အနားကပ်မရ ။
အခုဆိုရင် လန်ကျန့်မျက်နှာက အချိန်ပြည့်နီနေတော့တာပဲ ။
alpha ကောင်ဝေ့ရင်းက လူကြားထဲအရှက်မရှိပြောရဲပေမယ့် သူကတော့မရဘူး ။
" ဒီကောင်ကွာ ၊ လူတွေအများကြီးရှေ့ပြောရဲတယ်လို့ ၊ မူးနေလို့ပဲ အရှက်မရှိတာလား "

လန်ကျန့်လဲ သူ့အခန်းရဲ့ ပြတင်းပေါက်ကေိုခဏဖွင့်ပြီး ဥယျာဥ်ဘက်က ကလေးတွေပြေးလွှားဆော့နေတာကိုငေးရင်း အတွေးတွေဖြန့်ကျက်လို့နေတယ် ။
အဲ့အချိန်မှာပဲ ခေါင်းမိုးပေါ်ကခြေသံကြားလိုက်ရတော့ လန်ကျန့်လဲတော်တော် ကဲတဲ့ကလေးတွေလို့တွေးမိလိုက်ပေမယ့် သူ့အတွေးမဆုံးခင်မှာပဲ သူ့ပြတင်းပေါက်ကိုခုန်ဝင်လာတဲ့လူတစ်ယောက် ။
" မင်း ဘာလာလုပ်တာလဲ ဝေ့ ဝူ ရှန့် "
" ငါက ငါ့ရဲ့ချစ်လှစွာသော omega လေးကိုတွေ့ချင်လို့ပါ "
" အရှက်မရှိလိုက်တာ ၊ ငါ့အခန်းထဲကိုငါ့ခွင့်ပြုချက်မတောင်းဘဲ ဘာလို့ဝင်လာတာလဲ ၊ ဒါကရိုင်းစိုင်းတဲ့အပြုအမူဆိုတာ မင်းမသိဘူးလား "
" လန်ကျန့်ကလဲ.....၊ ငါကမင်းကိုတွေ့ချင်လို့ပါ "
ဝေ့ရင်းက နှုတ်ခမ်းလေးဆူပြီး သနားစရာပုံစံလေးလုပ်ပြနေပေမယ့်လဲ လန်ကျန့်ကတော့ ရှက်တာကိုဖုံးကွယ်ဖို့ အတင်းနှင်လွှတ်နေတော့တယ် ။
" ထွက်သွား "
ဝေ့ရင်းကတော့ တုတ်တုတ်တောင်မလွှတ် ၊ လန်ကျန့်ကုတင်ပေည်တောင်ထိုင်နေလိုက်သေးတယ် ။
လန်ကျန့်လဲ ဒေါသထွက်လာတာနဲ့ ဓားကိုဆွဲထုတ်ပြီး
" ထွက်သွားဝေ့ရင်း ၊ မဟုတ်ရင်မင်းငါ့ဓားနဲ့တွေ့မယ် "
" okok, ငါသွားမယ် ဓားကြီးနဲ့စိတ်ထိန်း ၊ ဒါနဲ့မင်းငါ့ကိုဝေ့ရင်းလို့ခေါ်ပြီပေါ့ "
ဝေ့ရင်းထွက်သွားတော့မှပဲ လန်ကျန့်လဲ တံခါးကိုသေချာပိတ်လိုက်ပြီး ဘယ်ဘက်ရင်အုံကိုစမ်းကြည့်တော့ ပေါက်ထွက်တော့မလိုပဲ တဒိတ်ဒိတ်နဲ့ ခုန်နေတာ ။