"ကျွန်တော်တို့နှစ်ယောက် ခင်ဗျားနဲ့ တစ်ခန်းတည်းနေချင်တယ်...."
ဝမ်ရိပေါ်နှင့်မောရစ်တို့ သောမတ်စ်ဆိုတဲ့သူ၏ရှေ့တွင်မတ်တပ်ရပ်ကာ တောင်းဆို၏။ သူရှေ့ကကောင်လေးနှစ်ယောက်ကို သောမတ်စ်ကြည့်ကာ...
"ဟား...ဟား...ဟား...ပြောပါဦး ဘာဖြစ်လို့လဲ..."
ဝမ်ရိပေါ် တို့ချင်ကျန်းထောင်ထဲရောက်နေသည်မှာ တစ်ပတ်ကျော်ကြာနေပြီဖြစ်သည်။ဒီတစ်ပတ်အတွင်းဒီထောင်မှာဘယ်သူကအင်အားအကြီးဆုံးလဲဆိုတာဝမ်ရိပေါ်စုံစမ်းသိရှိထားပြီးဖြစ်၏။ဘယ်သူကဘာကြီးပဲဖြစ်ဖြစ် အင်အားကြီးသည့်သူဆိုရင်ရပြီဖြစ်သည်။ ဘယ်လိုနည်းပဲဖြစ်ဖြစ်သူနေရာတစ်ခုခုကိုရချင်သည်။
သူတို့အရှေ့က ကပ်ဖားလျက်ဖားအကျဉ်းသားတချို့ဝန်းရံနေတဲ့သောမတ်စ်ဆိုသည့် မက္ကဆီကိုလူမျိုးကမူးယစ်ဂိုဏ်းကြီးတစ်ခုနှင့်ဆက်စပ်ပြီးထောင်ထဲရောက်နေသည်မှာ သုံးနှစ်ရှိပြီဖြစ်ကြောင်းသိရ၏။သောမတ်စ်သည်တရုတ်စကားလည်းကျွမ်းကျင်၏။နယ်စပ်ဘက်မှာမူးယစ်ဆေးကိုကုန်တင်ကားကြီးနဲ့အစီးလိုက်ပေါ်တင်တိုက်ယူလာရင်းမိသွားသည်ဟုဆိုသည်။
သူဆက်စပ်ပြီးတွေးမိသည်ကဒီလိုပေါ်တင်ကြီးလုပ်သည့်ကိစ္စကအရမ်းကြီးတဲ့ဂိုဏ်းတစ်ခု၏လက်အောက်ခံဖြစ်၍သာလုပ်နိုင်ကြခြင်းဖြစ်သည်။ ဒါမှမဟုတ်တခြားဒီထက်ဆိုးတဲ့ကိစ္စကြီးတစ်ခုကို ဖုံးကွယ်ချင်လို့မူးယစ်ဆေးကိုအယောင်ပြအဖမ်းခံရခြင်းဖြစ်လိမ့်မည်။ဥပမာ ပြောရရင်တော့ လက်နက်မှောင်ခိုလို အရမ်းကြီးကျယ်တဲ့ကိစ္စကြီးတွေကိုလုပ်နေ၍ မူးယစ်ဆေးကို ကားတစ်စီးစာရင်းပြီး လုပ်လိုက်တာဖြစ်နိုင်မည်။
ပြီးတော့ ဟိုတစ်နေ့က ထိုလူ၏နောက်ကျောတွင် ကျောပြင်အပြည့်ထိုးထားသော အရောင်အသွေးစုံသည့်ဇာမဏီငှက်ပုံတွေ့၏။
သောမတ်စ်က ဝမ်ရိပေါ်ဘက်ကိုကြည့်ပြီး...
"တစ်ခန်းကိုလူလေးယောက်နေရတာသိတယ်မလား..."
ဝမ်ရိပေါ်ခေါင်းညိမ့်ပြလိုက်၏။ထိုအခါ သောမတ်စ်က...
"ငါတို့နေတဲ့အခန်းကလူပြည့်သွားပြီ ဒါပေမယ့်တစ်ခုတော့ရှိတယ်..."
YOU ARE READING
A pair of red shoes by the river
Fanfictionမြစ်ကြောင်းလေးအတိုင်းလိုက်လို့သွားရင် ပြန်တွေ့မှာလား....
