"မလုပ်နဲ့တော့ တိတိ...တော်တော့လို့...သေသွားလိမ့်မယ်...."
"တိတိ....မလုပ်ပါနဲ့...."
"ဝမ်...ရိ...ပေါ်..."
နာမည် အပြည့်အစုံအခေါ်ခံလိုက်ရတဲ့ အခါမှ ဝမ်ရိပေါ် သူ၏ လက်များကို ရုတ်သိမ်းလိုက်သည်။ လက်သီးကို ကျစ်ကျစ်ပါအောင် ဆုပ်ထားပြီး အသက်ရှူသံတွေပြင်းနေပုံက ဘယ်လောက်တောင် ဒေါသတွေထွက်နေမှန်းသိသာသည်။ မျက်လုံးတွေ စူးရဲတောက်နေခြင်းက သူ့သားကောင်ကို သတ်ဖြတ်တော့မည့် ကျားရဲတစ်ကောင်အလား ဖြစ်လို့နေ၏။
"တိတိ မလုပ်ပါနဲ့တော့နော်...ကောတောင်းပန်ပါတယ်...."
ရှောင်းကျန့် ဝမ်ရိပေါ်၏ လက်တစ်ဖက်ကို လှမ်းဆုပ်ကိုင်လိုက်ရင်း မျက်ရည်များစီးကျလို့ပြောနေသည်။
ဝမ်ရိပေါ် အချက်ပေါင်းများစွာ ဆွဲထိုးလိုက်လို့ မျက်နှာတစ်ခုလုံး ရစရာမရှိတော့တဲ့သူကတော့ ရတဲ့အခွင့်အရေးကို အသုံးချပြီး ကုန်းရုံးထလိုက်ကာ သွေးတွေရဲနေတဲ့ မျက်နှာကို အုပ်ကိုင်ရင်း လက်ညိုးထိုးလို့ ကျိန်းသွားသေးသည်။
"မင်းတို့နှစ်ယောက်စလုံးကို မင်းတို့ဂေဟာက အကြီးအကဲတွေနဲ့ ပြန်တိုင်မယ်.....မိမရှိ ဖမရှိကောင်တွေကများ ငါ့ကိုရာရာစစ ထိုးကြိတ်ရအောင်...."
ရှောင်းကျန့် လှမ်းဆွဲထားလို့ အနည်ထိုင်နေတဲ့ ဝမ်ရိပေါ်၏ ဒေါသတွေ ပြန်လှုပ်ရှားလာရကာ လမ်းဘေးမှာတွေ့တဲ့ အုတ်ခဲတစ်လုံးကိုပြေးကောက်၏။ဒါကို ရှောင်းကျန့်တွေ့တော့ ဝမ်ရိပေါ်ကို ပြေးဖက်ကာ တစ်ဖက်ကို ရန်မရှာနိုင်အောင် တားမြစ်လို့နေ၏။
"တိတိ မလုပ်ပါနဲ့.....တိတိ...."
တစ်ဖက်လူကလည်း ဝမ်ရိပေါ် အုတ်ခဲပြေးကောက်လိုက်ကတည်းက ထွက်ပြေးသွားလို့နေပြီဖြစ်သည်။
ဝမ်ရိပေါ် လက်ထဲက အုတ်ခဲကို ပစ်ချလိုက်ပြီးသူ့ခါးကို ဖက်ထားတဲ့ ရှောင်းကျန့်၏ လက်တွေကိုခပ်ကြမ်းကြမ်းဖြုတ်လိုက်၍မျက်နှာချင်းဆိုင်လိုက်ကာ.....
"ကျန့်ကောမျက်ရည်မကျနဲ့.....နောက်တစ်ခါလည်း အဲ့လိုကောင်တွေရဲ့ အနိုင်ကျင့်တာ မခံနဲ့....ကျန့်ကောမှာ လက်မပါဘူးလား ပြော....."
ESTÁS LEYENDO
A pair of red shoes by the river
Fanficမြစ်ကြောင်းလေးအတိုင်းလိုက်လို့သွားရင် ပြန်တွေ့မှာလား....
