ဟောင်ကောင်ကနေ ရေကြောင်းခရီးအတိုင်း ဖယ်ရီသင်္ဘောအသေးစားလေးဖြင့် တစ်နာရီခန့်သွားလျှင်ပင် မကာအိုသို့ရောက်၏။
လောင်းကစားနှင့်ဒုစရိုက်မြို့တော်ဟုနာမည်ကြီးလွန်းသည့်မကာအိုတွင် ညနေစောင်းမှောင်စပြုသည့်အချိန်မှစ၍ လောင်းကစားရုံကြီးတွေက အထင်ကရလမ်းမကြီးများထက်တွင်သူ့ထက်ငါအပြိုင်အဆိုင်ထိန်ထိန်ညီးလင်းလက်နေကြသည်။
ကမ္ဘာပေါ်က ဒုတိယအကြီးဆုံး ကာစီနိုသည်လည်းမကာအိုတွင်တည်ရှိတာဖြစ်သည်။ထိုကာစီနိုက ဟိုတယ်နှင့်တွဲဖွင့်ထားခြင်းဖြစ်ပြီး ဗီနီရှန် (The Venetian Macao) ဆိုတာပင်ဖြစ်သည်။ ထိုဟိုတယ်တွင် အခြားသော ပွဲတော်များတင်းနစ်ကစားနည်းများ လက်ဝှေ့ထိုးပွဲများနှင့်အခြားခြားသောအရာများစွာကိုလည်းကျင်းပကြ၏။
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
(The Venetian Macao Resort Hotel)
photo credit
ကာစီနိုကြီးသီးသန့်ပင် ကစားသည့်နေရာ လေးခုခွဲထားတာဖြစ်ပြီး နေရာတစ်ခုချင်းစီတွင်သူ့နာမည်နှင့်သူ၊ သူ့အပြင်အဆင်နှင့်သူရှိ၏။ နေရာလေးခုရဲ့ နာမည်တွေက ရွှေငါး၊ အင်ပါယာအိမ်၊ နဂါးနီ နှင့်ဇာမဏီဆိုပြီးဖြစ်၏။ ကာစီနိုအတွင်းမှာ ကစားဝိုင်း ရှစ်ရာကျော်ရှိပြီး ကစားစက်များအနေဖြင့် ခြောက်ထောင်ကျော်ရှိတာဖြစ်သည်။
ထိုကာစီနိုကြီးတွင် ဖိုင်ဇာကလပ် (The Paiza Club) လို့ခေါ်သည့်အရာလည်းရှိသေး၏။ထိုကလပ်သည်ကားအထူးဧည့်သည်တော်များအတွက်သာဖြစ်၏။ဖိတ်ကြားထားခြင်းခံထားရမှ ကစားခွင့်ရှိခြင်းသာဖြစ်သည်။ထိုကလပ်အဖွဲ့ဝင်များကစားဖို့ရာအဆင်မြင့်သီးသန့်အခန်းကြီးများရှိ၏။
ESTÁS LEYENDO
A pair of red shoes by the river
Fanficမြစ်ကြောင်းလေးအတိုင်းလိုက်လို့သွားရင် ပြန်တွေ့မှာလား....
