(جاري التعديل)كذبتنا♡our lie

النجاة بأعجوبة

#ادم
فضلت باصص علي الخناقة، ريم مسكت ازازة كحول لاني واقف بعيد مش عارف نوعها بالظبط، بعد كده فجرتها فيهم كلهم، هههههه لا بجد حركة حلوة، ريم شدت صاحبتها و طلعت تجري، بعد كده واحد مسك ريم من دراعها، الحيوااان ده ازاي يتجرأ يمسكها، طلعت اجري ناحية السلم، بعد ما نزلت كام سلمة، حد مسكني من دراعي، اكيد يونا مش محتاج ابص ورايا علشان اعرف،بصيت ناحية ريم لقيت الحيوان ده لسه ماسكها، حسيت اني عايز اقتله، ما حسيتش بنفسي ولا انا بعمل ايه، شديت دراعي من يونا جامد، ونطيت من علي السلم لتحت، انا مش هسيبه ماسكها لحد ما انزل السلم، ماكنتش عارف اجري من الناس الكتير الموجودة، حاولت امشي باسرع ما يمكن، و عمال ازق اي حد يجي قدامي جامد، و عيني طول الوقت علي ريم، ريم قدرت تخلص نفسها منه و طلعت تجري، كويس انها اتصرفت، بس هو مش هيقدر ابدا يخلص نفسه مني، المكان كان زحمة اوي و رغم اني شغال زق في الناس برضه مش قادر اوصله، كلهم وقفوا عدل و بدءوا يمشوا لقدام ناحية ريم، بصيت علي ريم لقيت صاحبتها واقعة في الارض و هي بتحاول تقومها،انا لازم اوصلهم قبل ما يوصلولها، ريم شالت صاحبتها علي ضهرها و مشيت بس بجد كان بتمشي بسرعة السلحفة، كنت انا وصلت عند الحيوان ده اول ما وصلت عنده كان مديني ضهره و ماشي، شديته من قفاه جامد و وقعته علي الارض، كل اللي معاه اتلموا حوالينا، و انا شديته من تيشرته و نزلت فيه ضرب بالبوكس في وشه، جه حد و مسك دراعي، بصيت كان حد من اللي معاه شديت دراعي منه و لفتله و ضربته في وشه، لقيت كزا واحد اتلموا حوليا، حاولت اضرب اللي اقدر منهم، و انا بضرب حد اداني ضربة جامدة في وشي جنب عيني،فقدت توازني بسببها، لما لفيت لقيت الحيوان اللي مسك ريم هو اللي ضربني، ضربني كمان بسرعة ضربة تانية في وشي، بؤي نزف بسبب الضربة دي و ماكنتش قادر استرجع توازني، كنت بحاول اني ماقعش، جه يضربني في حد مسك ايده، كان جين هو هو اللي مسكها، جين هو مسكه و قعد يضربه و جه يونغ هوا و قعد يقاتل البقية، و انا استعدت توازني، روحت عند جين هو و مسكت ايده فبصلي باستغراب
ادم بعصبية: دع هذا الحقير لي*k
جين هو: حسنا*k
جين هو سابه و راح يساعد يونغ هوا، كان لسه بيترنح و مش عارف يفوق من ضربات جين هو، ضربته في و شه كام ضربة و بعد كده مسكته من تيشرته بايدي الاتنين و شديته نحيتي
ادم بعصبية: ليس عندي اي مشكلة في ضربي، لكن كيف تتجرأ علي ان تمد يدك القذرة هذه علي ريم؟!!*k
الولد: اتقصد تلك الفتاة؟! ما شأنك انت بها؟! اانت حبيبها؟! اهدء قليلا يا رجل، انا فقط امسكت بيدها لا اكثر*k
اخر حاجة قالها دي خلتني اشيط، ده علي اساس انه يمسك ايديها ده عادي!!!!
ادم بزعيق جامد: كيف جاءتك الجرأة ايهااا الحقيييير القذرررر لتمسك يد زوجتييييي*k
كان شكله مصدوم من اللي قلته، بعزم ماعندي حدفته علي الارض و بصتله بقرف و بعد كده شطه برجلي في بطنه، بصيت حوليا لقيت كل اللي كانوا معاه مرميين علي الارض و جين هو ويونغ هوا كانوا بيبصولي باستغراب، مالهم دول؟!بصيت ناحية المكان اللي ريم كانت فيه مالقتهاش، فضلت اتلفت عليها، افففف شكلها طلعت بره، بجد البنت دي مصيييبة، طلعت اجري ناحية البوابة بتاعت الديسكو، طلعت بره بسرعة لقيت ريم يا دوبك بعدت عن البوابة بحبة صغيرين، اول ما شوفتها هديت و ركنت بجنبي علي حيطة المبني اللي كان جنبي و فضلت مبتسم و انا ببصلها و هي شايلة صاحبتها علي ضهرها و صاحبتها اصلا اتقل منها و اطول منها لدرجة ان رجليها بتجرجر في الارض، افتكرت دلوقتي انه دايما بيتقال ان البنات مافيش بينهم صداقة بجد و كلهم منفسنين من بعض و بيتكلموا من ورا بعض كلام زي الزفت، انا لما شوفت المنظر ده اتأكدت ان الكلام ده كله غلط، مشيت وراها براحة من غير ماتشوفني، فجأة لفت و بصت وراها، انا استخبيت بسرعة علشان ماتشوفنيش
#ريم
افففف مش وقته خالص انها تقع دلوقتي، حاولت اقومها بس ما كنتش قادرة و هما عمالين يقربوا مني، لفيت و شلتها علي ضهري، هو انا ماشلتهاش اوي يعني، هي كانت رجليها عمالة تجرجر في الارض، مش ذنبي يعني انها طويلة ده غير انا ببذل اقصي جهدي، فضلت ماشية ببطء، بالشكل ده هيوصلولي، انا مش هبص ورايا و هبذل جهدي لاخر لحظة، سمعت دوشة جامدة ورا، بس برضه مابصتش، فضلت ماشية لحد ماطلعت بره المزبلة دي، غريبة انهم ماوصلوليش، ايا يكن اللي حصل انا فرحانة انهم مامسكونيش لحد دلوقتي، الفضول كان هيموتني، كنت عايزة اعرف هما ورايا ولا لا،وقفت و لفيت و بصيت ورايا، ماكنش في حد خااالص ورايا، شكلهم سابوني في حالي، الحمدلله، دلوقتي اعمل ايه في الجثة اللي معايا دي؟! لازم اوصلها لبيتها، ازاي دي اللي ماعرفهاش، اهم حاجة اني افوقها الاول علشان حتي اعرف هي ساكنة فين، كملت مشي لحد ما وصلت عند مقهي، كان في واحد شكله كبير في السن واقف بيقفل الباب خلاص، ايه الحظ ده؟! روحت لعنده يمكن يكون طيوب و يفتح تاني علشانا
ريم: اممم عذرا يا سيدي*k
الراجل بصلي باستغراب
الراجل: ماذا هناك؟!*k
ريم: هل يمكن ان تساعدنا؟!*k
الراجل: ماذا هناك؟! اهي بخير؟!*k
الراجل بص لفرح و انا شايلاها
ريم: انها متعبة، احتاج لبعض الماء كي اجعلها تستيقظ و كوب قهوة لكي تستطيع ان تفيق*k
الراجل: امممم حسنا ادخلوا*k
فتح الباب و دخلنا، اوووه كم انت رجل طيوووووب، حطيت فرح علي كرسي و قعدت علي الكرسي اللي جنبيها، جه الحاج و حط علي الطربيزة ازازة مايه
الراجل: سأذهب لاعد القهوة، هل تريدين شيئ لك؟!*k
ريم: لا، شكرا لك*k
الراجل: حسنا*k
مسكت الازازة و فتحتها و كبيت منها شوية في كفي و بعد كده مسحت بيهم وش فرح، فرح فاقت و فتحت عنيها حاجة بسيطة، عملت الحركة دي كزا مرة لحد ما فتحت عينها كويس بس كانت لسه مدروخة، الراجل جاب القهوة و حطهالنا و قعد علي كرسي علي الطربيزة اللي كنا قاعدين عليها، القهوة كانت سخنة فسبتها تبرد شوية
الراجل: اذا، لما هي سكرانة؟! لا تبدون لي انكما من النوع الذي يشرب الخمر*k
ريم: هذا كله لان عندها فضول زائد، ارادت ان تدخل ديسكو لانها كان عندها فضول ان تراه و اجبرها بعض الفتيات علي الشرب و لكن لم يحدث لها اي مكروه*k الحمد لله
الراجل: ما هذه الكلمة التي قولتيها في النهاية؟!*k
ريم: انها كلمة اسلامية بمعني ان الشكر لله*k
الراجل: الاسلام؟! لقد سمعت بهذا الدين لكني لا اعلم عنه الا القليل جدا*k
و انا بتكلم معاه افتكرت انه كان معلق بره علي باب المقهي انه عايز عمال
ريم: امممم لقد رأيت انك تعلق في الخارج لوحة مكتوب عليها انك تريد عمال*k
الراجل: نعم، كما ترين انا رجل عجوز و لا استطيع ان اكمل العمل هنا بمفردي*k
ريم بحماس: هل يمكنني ان اعمل هنا اذا؟!*k
الراجل: حقا؟! سيكون هذا جيدا*k
ريم: اممم لكن انا في جامعة و لن استطيع ان اتي كل اليوم، لكني استطيع ان اتي بين المحاضرات و بعدها*k
الراجل: لا بأس بذلك، متي تستطيعين البدء؟*k
ريم: غدا، ان كنت لا تمانع*k
الراجل:هذا جيد جدا بالنسبة لي*k
القهوة بقت دافية فمسكتها و بدءت اشرب فرح، لما خلصت كانت خفت الدروخة عن الاول
ريم: فرح، انت ساكنة فين؟ قوليلي عنوانك علشان اخدك للبيت
فرح قالتلي علي العنوان و انا كتبته بسرعة، قمت انا و هي، فرح داخت و كانت هتقع، بس انا مسكتها بسرعة، و سندتها عليا، ودعت الراجل الطيب و دفعت الحساب و طلعنا بره، فضلت اتلفت علي تاكسي بس مالقتش، فضلت ماشية و انا ساندة فرح عليا، علشان ادور علي تاكسي، بعد فترة واحد وقفلنا، ركبت فرح و بعد كده ركبت انا و اديت للراجل ورقة العنوان، بعد فترة وصلنا لبيت فرح، دلوقتي المواجهة الكبري، انا مش عارفة هقول ايه لاخوها، طلعت من العربية و ساعدت فرح انها تطلع و سندتها، رنيت الجرس و كريم فتح الباب