#ادم
هو ايه اللي هو قاله ده؟!!!!
ضحكت بتوتر وانا بحاول استوعب اللي بيقوله، اكيد مابيتكلمش بجد يعني!
ادم: ده نوع جديد من الهزار يعني؟!
يوسف: مين قال اني بهزر؟!
نعم! ده شكله بيتكلم بجد!! ماقدرتش اتحكم بأعصابي ولقتني لا أراديا نبرة صوتي عليت وزعقت فيه
- ازاي يعني اتجوز و انا لسه عندي 19 سنة؟! و ازاي هأسس بيت؟! انت ازاي تفكر في حاجة زي كده؟! ده غير انا عندي حبيبة و انا مستحيل اتجوز غيرها
رد عليا ببرود غير متوقع
= خلاص اعرض عليها الجواز
- انت ما اخدتش بالك انا قولتلك ايه في الاول؟!
= انت من سيئ لأسوء و ده هو الحل الوحيد اللي قدامي علشان ما تسوءش اكتر و اما بالنسبة للمصاريف فانا متكفل بكل حاجة لحد ما تخلص جامعة و هشتريلك بيت و عربية ليك و لمراتك
-انت شايفني من سيئ لأسوأ لكن انا شايف نفسي كويس، دي حياتي أنا! أنا حر فيها! ازاي اديت لنفسك الحق تقولي اتجوز امتى، أنا من حقي اقرر عايز اتجوز امتى دي حاجة مالكش فيها!
عند النقطة دي ماقدرتش اتحكم بنفسي اكتر وصوتي بقى يعلى اكتر واكتر، بس الغريب انه فضل هادي برضه
=صح معاك حق انا مش من حقي اقولك تتجوز امتى ودي حاجة ماليش فيها
عادة في المواقف دي بيكون دلوقتي بدأ يزعقلي مش فاهم ايه سبب الهوء والبرود الغريب ده، بس اللي اعرفه ان ده مخوفني اكتر وحاسس ان في حاجة كبيرة ورا الهدوء ده
= بس عندي الحق الكامل اني اقطع عنك فلوسي اللي بجيبها من شغلي وتعبي أنا
-نعم! وانا اصرف منين؟! وادفع مصاريف الجامعة منين؟!
بصلي وابتسم وقالي بنبرة كلها سخرية
= انت أدري بده، مش انت راجل ودي حياتك انت وشايف نفسك كويس كده ومهما نصحتك وحاولت اخليك احسن مافيش فايدة مابتسمعش! انا ان كنت بصرف عليك فده لأني أبوك لكن انت عايز تسلبني كل حقوقي عليك كأب وعايز تاخد حقك بس بإني أصرف عليك، بقيت مابتعاملنيش غير اني بنك تاخد منه مصاريف فسادك مش اكتر مش أبوك، بس انا مش بنك وطلاما انت راجل وحر في حياتك يبقى روح اشتغل وجيب فلوس بنفسك اعمل بيها اللي انت عايزه واصرف على فسادك من فلوسك انت مش فلوسي أنا
حسيت بخنقة! أكنه حاصرني من كل مكان ومش لاقي مهرب، الكلمات كلها هربت مني مش لاقي حاجة ارد بيها عليه، ماقدرتش اعمل حاجة غير اني اسيبه واروح للباب واخرج واسيب البيت، فضلت ماشي في الشارع بفكر اعمل ايه بس عقلي كان فاضي، اكن ضلمة الليل ماكنتش حواليا في الشارع، كانت جوايا! جوا عقلي! ومش لاقي مخرج، اعمل ايه؟ اسيب البيت واروح اشتغل واصرف على نفسي؟ بس انا عمري ما اشتغلت وماعنديش اي خبرات، وحتى لو اشتغلت مستحيل الاقي شغل اقبض منه فلوس تخليني عايش حياتني زي ما انا عايش دلوقتي، طيب ايه المشكلة اما اتجوز يونا دلوقتي؟ انا بحبها ومتأكد ان هي اللي عايز اكمل معاها الباقي من حياتي، بس يمكن هي ماتوافقش؟
أنت تقرأ
(جاري التعديل)كذبتنا♡our lie
Lãng mạnايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
