(جاري التعديل)كذبتنا♡our lie

خطة التشتيت

#ريم
هو اتعصب اوي كده ليه؟! قمت وقفت بسرعة و مسكته من دراعه اول ما اداني ضهره علشان يروح
ريم: ادم اهدي شوية الموضوع مش مستاهل العصبية دي كلها
ادم بزعيق: مش مستاااهل؟!! انه يهييينك و يتجرأ و يعلي صوووته عليييكيييي ده مش مستاااهل؟!!
ادم كان متعصب جدا و مش هبالغ لو قولت ان عينه كانت لونها احمر من الغضب
ريم: حط نفسك مكانه، واحد لقي اخته راجعة سكرانة و ده طبعا حرااام و انا اللي كنت مرجعاها البيت، تفتكر المفروض يعمل ايه يعني؟! هو برضه معذووور
ادم بزعيق: انا مايهمنيييش ده كلهههه و ده برضه مش حااااجة تسمححله انه يكلمك بالاسلوووب ده، المفروووض كااان يعرف اللي حصل الاووول قبل ماااا يفتح بؤه و يكلمك كدهههه
ريم: هو كان في موقف صعب، و ماحدش في المواقف دي بيعرف يفكر هيتصرف ازاي و كده
ادم: يعني هو مايعرفش ايه اللي حصل بالظبط؟
هو هدي فجأة كده ليه؟! مش مهم، المهم انه هدي و خلاص
ريم: ايوة، ايوة طبعا مايعرفش
ادم بعصبية: خلاص يبقي اعرفه انا بقي، بس بطريقتي
و شد ايده مني جامد و بعد كده مشي و طلعت وراه و فضلت احاول اجاريه و هو عمال يمد جامد
ريم: ادم اهدي الله يخليك، مش عايزة مشاكل، ماتكبرش الموضوع
افففف هو عمال يمد و رجليه طوال اوي و انا مش قادرة اجاااارييييه >_< ادم كان هيبدء ينزل التلة لتحت، جريت بسرعة مرة واحدة و روحت وقفت قدامه
ريم: ادم ما..
قبل ما اكمل كلامي رجلي اتزحلقت و حسيت اني هقع لورا، حاولت اني اوازن نفسي بس ماقدرتش، غمضت عيني، و كنت خلاص هقع بس ايدي اتمسكت و اتشديت جامد، كنت خايفة اوي و فتحت عيني شوية بشوية، ادم كان حاضني جامد و انا كنت ماسكة فيه، رفعت راسي شوية بشوية، ادم وطي راسه و بصلي، وشوشنا كانت قريبة اوي و ادم كان ماسكني جامد، فضلنا واقفين و باصين في عيون بعض و ماحدش فينا اتكلم، قلبي كان بيدق بس بعد كده مابقتش قادرة اسمع دقات قلبي ولا اي حاجة تاني اكن الزمن وقف في اللحظة دي
ادم بهمس: انت كويسة؟!
لما اتكلم حسيت اني رجعت للواقع، اكني كنت في عالم تاني و دلوقتي فقت، بصيت لتحت و هزيت راسي بمعني ايوة و بعد كده بصيت ناحية ايده، قام سابني، اديته ضهري علشان مايشوفش وشي لاني حاسة انه احمر جدااا
#ادم
ريم كانت هتقع فانا مسكت اديها بسرعة و شدتها ناحيتي، و بعد كده مسكتها جامد بايديا الاتنين، ريم كانت ماسكة قميصي جامد و مغمضة عنيها، وطيت راسي علشان اشوفها كويسة ولا لا، شكلها كانت خايفة جدا، ريم بدأت تبعد راسها عني شوية و بصت لفوق، اول ما عيني جت في عينها، حسيت بنبضة جامدة اوي و بعد كده ماحستش بأي حاجة تاني، اكني و انا بصص لعنيها روحت لعالم تاني، لا! فوق يا ادم !فوق! بصيت بعيد عنها، لاني طول ما انا باصصلها مش هقدر اتكلم و قطعت اللحظة دي بسرعة
ادم بهمس: انت كويسة؟!
ماقدرتش اتكلم بصوت اعلي من كده، ريم هزت راسها بمعني ايوة، و بعد كده بصت ناحية ايدي، اه صح! انا لسه ماسكها، سبتها و بعدت عنها شوية و هي لفت و ادتني ضهرها
ريم: امممم المحاضرة هتبدء بعد شوية، خلينا نروح القاعة
ادم: امممم ماشي
ريم بدئت تنزل التلة
ادم: خودي بالك و انت نازلة
ريم: ماتخفش
نزلت وراها و بعد كده بدءنا نمشي ناحية المبني اللي فيه قاعة المحاضرة
#ريم
كويس شكله نسي حوار كريم و جاي معايا اهو للقاعة، لسه بدري علي المحاضرة بس انا قولت خلينا نروح بدري و نقعد هناك علشان ادم مايشوفش كريم الا علي بداية المحاضرة و بكده مايقدرش يعمله حاجة، و احنا ماشيين شوفت كريم و فرح ماشيين ناحية المبني اللي فيه المحاضرة برضه، وقفت قدام ادم بسرعة علشان مايشوفش كريم، ادم وقف بسرعة و بصلي باستغراب
ادم: ايه؟! في ايه؟! ليه وقفتي كده مرة واحدة؟!
اففف فكري! فكري يا ريم في اي حاجة بسررعة، اه لقيتها!
ريم: اممم خلينا نروح الكافتيريا علشان اشتري اي حاجة اكلها، انا جعانة
ادم: نعم؟! انت مش كنت مالكيش نفس في حاجة من شوية؟!
اففف ايه الاسئلة دي كلها؟! في مبني في الجامعة فيه الكافتيريا و قاعات بناخد فيها بعض المحاضرات و في مبني تاني فيه برضه قاعات لبعض المحاضرات و المحاضرة دي كانت في المبني التاني فلو روحنا الكافتيريا كده ادم و كريم مش هيتقابلوا
ريم: اممم ماهووو..انااا...لما..لما انا كنت هقع و انت مسكتني انا اتخضيت فالخضة دي اخدت مني طاقة و بالتالي طاقتي قلت فجعت و مش هقدر اركز في المحاضرة طول ما انا ماعنديش طاقة فلازم اروح الكافتيريا علشان اشحن نفسي و اخدلي شحنة طاقة
ادم بصلي باستغراب جامد
ادم: ايه اللي انت بتقوليه ده؟! انا اول مرة اسمع بالمنطق ده!
ريم: ده لان ثقافتك مش واسعة زيي
ادم: ماشي يا ست المثقفة اتفضلي قدامي خلينا نروح الكافتيريا
كنت لسه همشي قدامه بس افتكرت اني لو مشيت ممكن يكون كريم لسه واقف ورايا و ساعتها ادم هيشوفه
ادم: مالك؟! ما تمشي!
ريم: اممم لا لف انت و امشي ناحية الكافتيريا و انا هاجي وراك
بصلي باستغراب
ادم: نعم؟! ليه يعني؟!
ريم: انا مزاجي كده
ادم: لا بجد انت بقيتي غريبة فجأة
ريم: امشي بس يلا
ادم: ماشي براحتك
ادم لف و مشي ناحية المبني اللي فيه الكافتيريا و انا مشيت وراه، الحمدلله خطة تشتيت ادم ماشية كويس اوي لحد دلوقتي، دخلنا المبني و بعد كده روحنا للكافتيريا و دخلنا، روحت جبت كيس شيبسي كبير و 3 شوكولاتات واحد كيت كات و واحدة جلاكسي و واحدة تويكس و روحت عند مكان الحساب و ادم كان واقف هناك، حطيت الحاجات، ادم بص للحاجات و بعد كده بصلي باستغراب
ريم: في ايه؟! مالك؟! بحق! انت مش هتجبلك حاجة تاكلها؟!
ادم: انت جايبة ده كله ليكي لوحدك؟!
ريم: ايوة، بس تقدر تشاركني في الشيبسي لكن لو قربت من الشوكولاتة فمش هتعجبك عواقب ده
و بصتله بنظرة شريرة
ادم: خليهم ليكي كلهم
ادم حاسب علي الحاجات و اخدناها و طلعنا بره،اخدت الكيت كات و فتحتها و بدءت اكلها
ريم: يمممممم الشوكلاتة دي تشحححفة
ادم: انت اول مرة تاكليها؟!
ريم: لا طبعا بس لازم علي الاقل اظهر للشوكولاتة التقدير لطعمها و اعجابي الشديد بيه يعني لازم اديها حقها
ادم: انا مش عارف ايه المنطق الغريب بتاعك في كل حاجة ده
بعد كده بصلي و ابتسم
ريم: بتبتسم ليه؟!
ادم: مافيش انا بس فرحان انك مش مكتئبة
ريم: اممم يعني
لا لا لو اتكلمت في الموضوع اكييييد هيفتكر،
بصتله و ابتسمت
ريم: ازاي ابقي مكتئبة و انا اتلذذ بطعم هذه الشوكولاتة التشحفة؟!
بصلي باستغراب و بعد كده ابتسم و ضحك ضحكة بسيطة
ادم: انت بجد غريبة
ريم: ليه يعني؟!
ادم: ساعات بحس انك عاقلة جدا و ساعات تانية بحس انك طفلة جدا
ريم بعصبية : هااااي انا مش طفلللة >_<
ادم: ههههه انت مش شايفة منظرك و انت بتاكلي الشوكولاتة زي الاطفال بالظبط
ريم: بس ده ظلم، اي حد لما بياكل الشوكولاتة بتثار روح الطفل اللي جواه و خصوصا البنات
ادم: و ادي منطق غريب تاني
خلصت الكيت كات فرميت الكيس بتاعها في الشنطة اللي فيها الحاجات و اخدت بعد كده الجلاكسي ، ادم بصلي باستغراب
ريم: ايه؟!
ادم: هو كله ورا بعضه كده؟! مافيش بينهم راحة؟!
بصتله بعصبية
ريم بعصبية: ايوة كله ورا بعضه، عندك مانع؟!
ادم: لا لا خااالص
ريم: ايوة كده
ادم: احنا هنفضل واقفين هنا كده؟! خلينا نروح للمبني التاني و نخش نقعد في القاعة
ريم: اممم ماشي
بدءنا نمشي ناحية المبني التاني،يمممم الشوكولاتة طعمها روووعة، مافيش احسن من الشوكولاتة، لحظة! انا اتلهيت في الشوكولاتة و نسيييت خاااالص خطة تشتيت ادم و ابعاده عن كريم، اكيييد كريم قاعد دلوقتي في القاعة و لو روحنا هناك ادم هيصتدم بيه، بصيت في ساعتي، و كمان لسه في وقت اعبال ما تبدأ المحاضرة يعني في وقت علشان ادم يتخانق مع كريم، روحت وقفت قدام ادم بسرعة بس المرة دي مابصليش باستغراب
ادم: خير، في ايه المرة دي؟ عايزة تروحي الكافتيريا تاني؟ عايزة تشتري حاجة تاني؟
ريم: لا لا، انا بقول يعني خلينا نقعد في اي حتة علشان ناكل الشيبسي قبل ما نخش القاعة علشان ماينفعش ناكله مع بعض هناك
ادم: كليه انت لوحدك مش مشكلة
ريم: اممم لا لا ماينفعش، انا كده هحس بتأنيب الضمير، يعني انت جيت و قعدت معايا ده كله و اشتريتلي حلويات بحبها و ماكلتش بسببي كده ضميري مش هيرتاح
ادم ابتسم و بعد كده قعد يضحك
ادم: ههههههههه ماشي و انا مايرضنيش ان ضميرك يأنبك يلا خلينا نشوف حتة نقعد فيها
مشينا و دخلنا في الحديقة، كان في دكة، قعدنا عليها، انا كنت خلصت الشوكولاتة فحطيت كيسها في الشنطة و اخدت كيس الشيبسي و فتحته و مسكته مابينا، بدءنا ناكل، كنت هحط ايدي في الكيس لقيت ادم كمان هيحط ايده
ريم: ابعد ايدك
ادم: ليه؟
ريم: علشان ماينفعش نحط ايدينا احنا الاتنين في نفس الوقت لان الكيس هيتقطع
ادم: طيب ماتبعدي انت ايدك! اشمعنا انا؟!
ريم: كده، انا عايزة كده
بصينا لبعض و فضلنا متنحين لبعض شوية، و بعد كده انا حطيت ايدي في الكيس بسرعة و الغبي ادم عمل نفس الحاجة، حاولنا نطلع ايدينا بس لو طلعناها الكيس هيتقطع
ريم: ينفع كده؟! نعمل ايه دلوقتي؟!
ادم: محسساني ان ده غلطي لوحدي
ريم: ايوة غلطك لوحدك
بصلي و رفع حاجبه اليمين و انا بصتله بغضب و مرة واحدة سحبنا ايدينا احنا الاتنين من الكيس، الكيس اتقطع و وقع علي الارض و اتكب، طبعا ده اللي كان متوقع
ريم بزعيق: اوف يا ادم اووووف شوف انت عملت ايييه
ادم: اناااااا؟!!!
ريم بزعيق: ايوووة انت
ادم بزعيق: انت لييييه بترمي اللوووم كله عليااااا؟!!
ريم: اوووفففف
نزلت علي الاض و قرفصت و بدءت الم الشيبسي
ادم: ايه اللي انت بتعمليه ده؟!
ريم: مش واضح؟! بلم الشيبسي!
ادم: و بتلميه ليه؟! ارجوكي ماتقوليش علشان ناكله لاني اكييييد مش هاكل شيبسي متلم من علي الارض
ريم: ولا انا هاكله بس المكان كله نضيف و العمال تعبوا اكيد علشان ينضفوه، يعني حرام اننا نضيع تعبهم كده و كمان يعني حرام نسيبه كده علي الارض و الناس تدوس كده علي نعمة ربنا
ادم: نعم؟! انا بجد مش عارف انت بتفكري ازاي! قومي يلا
ريم: استني قربت اخلص اهو
#ادم
اوووففف ايه اللي بتعمله ده؟! مسكت دراعها و شدتها لفوق جامد و وقع من ايديها كيس الشيبسي
ريم بصوت عالي: اااااههههه!!! ايييه؟!!! براااااحة!!!! شدتني جااامد كده ليييه؟!!!!
سبت دراعها
ادم بعصبية: لان ده غباااااء
ريم: الغباء هو انك تشدني بالطريقة دي و يقع الشيبسي تاني بعد مالميته
ادم: شيبسي؟! شيبسي ايه؟!
بصتله باستغراب
ريم: الشيبسي اللي علي الارض، اللي احنا وقعناه
ادم: الشيبسي اللي علي الارض ده؟!
هو الواد ده فقد الذاكرة ولا ايه؟!
ريم: ايوة هو
ادم: و احنا مالنا بيه؟! يا تري مين اللي وقع الشيبسي ده كده؟!
ريم: نعم؟!
ادم: يلا مالناش احنا دعوة بيه يلا بينا نمشي بقي نروح المحاضرة
بصتلي و رفعت حاجبها اليمين و ربعت ايديها
ريم: اهاااا فهمت، انت عامل نفسك من بنها
ادم: ايه؟! يعني ايه؟!
ريم: يعني انت بتستعبط و عامل نفسك مالكش علاقة بالموضوع
ادم: ايه بنها دي؟!
ريم: دي منطقة في مصر
ادم: و ايه علاقة ده بالاستعباط؟!
ريم: اممم دي حكاية طويلة شوية
ادم: طيب احكهالي و احنا ماشيين للمبني
ريم: بس استني، الشيبسي ده خل..
قبل ما تكمل قاطعتها
ادم: اعملي نفسك من بنها
ريم بصتلي باستغراب، بعد كده ابتسمت و ضحكت ضحكة بسيطة
ريم: بس برضه
ادم: اووففف يا ريييم يلا بينااا
مسكت ايديها و شيدتها و مشيت، بعد شوية وقفت و بصتلها
ادم: ماحكتليش يعني حكاية بنها دي
ريم كان شكلها مكسوفة اوي، بصتلها باستغراب، ريم بصت لتحت، بصيت ناحية ماهي باصة، ايه ده؟!! انا غبيي!!! سبت ايد ريم بسرعة، اووففف انا كنت ماسك ايديها كل ده!!!! انا محرج اوي من غبائي ده، اممم لازم اقول اي حاجة علشان يعدي الموضوع
ادم: امممم مش هتحكي؟!
ريم: اممم ماشي خلينا نكمل مشي طيب
ادم: اوك
كملنا مشي
ريم: بص يا سيدي السر ورا إعمل نفسك من بنها هو القطر
أى قطر رايح الوجه البحرى بيعدى على بنها ولازم يقف فيها الا قليل جدا
المهم معظم الاوقات بتكون اول محطة بعد القاهرة هى بنها او شبرا وبعدين بنها
فاللى بيدخل القطر لو نازل بنها ممكن يستأذن من اى حد يعرف انه مكمل او مشواره طويل يقوله معلش انا هاقعد بس لحد بنها نازل قريب قيقوم له ويقعد هو لحد بنها
فبعد كدا بقى اى حد عاوز يقعد وملحقش مكان (( يعمل نفسه من بنها )) على اساس انه نازل وبعد بنها يحلها حلال لأن القطر بيفضى تقريبا يعني بما ان في ناس بتنزل في بنها فالقطر بيفضي و اللي واقف بيقعد في مكان فاضي و خلاص و التاني يكمل الرحلة قاعد براحته
فعشان تقعد والقطار مليان اعمل فيها من بنها والحقلك كرسى
ادم: ههههههه لا بجد قصة غريبة
بصتلي و ابتسمت و بصت في ساعتها، بعد كده فتحت عينيها جامد اكنها صعقت و بصتلي
ريم: باقي اقل من دقيقتين علي المحاضرة
ادم: اييييه؟!!!
بصيت في ساعتي بسرعة
ريم: العب باليه هيهيهيهيهيهييي
اول ما سمعت الجملة دي حسيت اني اتشليت، رفعت راسي و بصيت لفوق بالتصوير البطئ، حاسس ان الدم بيفور في راسي و اني هولع فيها دلوقتي، بصتلها و انا بجز علي سناني
ادم: دي الشة صح؟
ريم: اممم اي..ايوة
فضلت متنحلها و هي رجعت لورا خطوتين
ريم: ا..ادم ي..يعني انا ك..كنت بهزر م..معاك مافيش داعي انك تتعصب اوي كده حتي لما بتتعصب بيبقي شكلك وحش و مرعب
ادم بزعيق: يعني ده بذمتك وقت لالشك ده؟!!!
ريم: هدي اعضاءك يا رجل ، بحق هو مين اللي علينا في المحاضرة دي؟!!
اممم انا كنت عارف مين بس مش فاكره، اه افتكرت! ايييييه؟!!! ياااا رتنييي ما افتكرت، بصيت لريم
ريم: مالك؟! انت هتعيط ولا ايه؟!
ادم: شكلي كده
ريم: ليه؟!
ادم: لان اللي بيحصل فينا ده كتير اوي و حراااام
ريم: مش فاهمة، قاصدك ايه؟!
ادم: احنا علينا دلوقتي بارك شيول
ريم: ايييييه؟!!! لا بجد كده كتيير، احنا نحس اوييييي، انا حاسة ان الراجل ده مستقصدنا، علي العموم خلينا نروح يلا بسرعة يمكن نوصل قبله
ادم: يلا
بصينا ناحية المبني و كانت الصاعقة، الاستاذ بارك شيول كان علي بعد خطوات من مدخل المبني ، انا و ريم بصينا لبعض و كنا مصدومين و بعد كده بدأنا احنا الاتنين في الجري، دخلنا المبني، روحنا عند الاسانسير و كان بارك شيول دخل واحد فروحنا احنا عند الاسانسير التاني و فضلنا ندوس علي الزرار بس الاسانسير مانزلش
ريم: السلم! السلم بسرعة بسرعة!
روحنا جري عند السلم و طلعناه بسرعة و بعد كده طلعنا نجري لحد ما وصلنا للقاعة، بصينا فيها، كان الاستاذ مش جوه، وقفنا احنا الاتنين عند الباب من بره ناخد نفسنا
ادم: سبقناااههه،ااااههه انا نفسي اتقطع من الجري
ريم: ااااههه،مين سمعك اااه انا بجد تعبت
بصينا احنا الاتنين لبعض، بعد كده قعدنا نضحك
ريم: ههههههه اكييييد شكلنا كان اهبل اوييي
ادم: ههههههه بدون شك ، يلا خلينا نخش جوه
ريم: اوكش
دخلنا القاعة و انا قعدت اتلفت علشان اشوف يونا و صحابي قاعدين فين، و انا بتلفت لمحت كريم، ايه ده؟! انا نسيت خااالص، بصيت للكائن القصير اللي جنبي، قامت لفت وشها للناحية التانية و بصت للسقف
ادم بعصبية: رييييييم
ريم: تصدق السقف ده شكله حلو اوي
ادم بعصبية: ريييييم
ريم: لا فعلا حلو جدا، مش عارفة ازاي ما اخدتش بالي منه قبل كده
ادم: ايوة اعملي نفسك من بنها
ريم بصتلي باستغراب
ريم: ايه؟! مش فاهمة انت تقصد ايه
ادم بعصبية: لا فاهمة كويس، انت طول الوقت ده كنت بتشتتيني علشان تخليني انسي اني اروح اشوف شغلي مع الزفت كريم
ريم: اناااااا؟!!! ابداااا
ادم بعصبية : ايووووه اعملي الحركتين بتوعك دووول و اعملي فيها انك بريئة اويييي
ريم: انا فعلا بريئة انت دايما اللي ظالمني و بتسيئ الظن فيا، بس اقولك ايه الله يسامحك الله يسامحك
ادم: علي فكرة ادائك اوفر اوي و مش مقنع بالمرة
ريم كانت لسه هتتكلم، قام بارك شيول دخل فريم راحت قعدت في مكان فاضي و انا روحت قعدت جنب يونا و صحابي، اول ما قعدت يونا بصتلي و بعد كده خدت شنتطها و قامت و قعدت في مكان تاني، اوباااا البصة و الحركة دول بيأكدولي ان في عاصفة قادمة بس ياريت مايكونش اعصار، كنت قاعد جنب يونغ هوا فقربت منه شوية
ادم بهمس: ماذا هناك؟! ماذا بها؟!*k
يونغ هوا بهمس : سأحكي لك كل شئ بعد المحاضرة لكن استطيع ان اقول لك انك في مأزق كبير*k
ادم بهمس: -_- شكرا لك، لقد طمأنتني كثيرا*k
خلصت المحاضرة فقمت بسرعة علشان اروح عند يونا و اعرف مالها
بارك شيول: ادم، ريم، الي مكتبي*k
لفيت و بصيت للاستاذ و بعد كده لفيت و بصيت لريم و هي كمان بصتلي، يا تري ايه الموضوع المرة دي