(جاري التعديل)كذبتنا♡our lie

خناقة×ندم

#ريم
بصيتله شوية مش عارفة اعمل ايه، هو ماسكني ليه دلوقتي؟! مش هو مايهمهوش امري؟! بيسألني انا رايحة فين ليه بقي؟! شديت ايدي منه جامد و بعصبية، و هو بصلي باستغراب
ريم بعصبية: انت شايف ايه؟! خارجة من الجامعة علشان اروح الشغل
ادم: مش المفروض ان انا اللي اوديكي و اجيبك؟!
ريم بعصبية: لا انا خلصتك من الحمل ده و هروح لوحدي و هرجع لوحدي
ادم: انا مش فاهم انت مالك! و ايه اللي غيرك مرة واحدة كده؟!
ريم بعصبية: ماليش، انا بس شايفة اني اشتغلت اصلا علشان اعتمد علي نفسي، لكن انا كده لسه بعتمد عليك، و بعدين ماتتظاهرش ان الموضوع يهمك اصلا، انا كلي علي بعضي ما اهمكش في حاجة من اصله
ادم باستغراب: ايه اللي انت بتقوليه ده؟!
ريم بنبرة صوت عالية: بقول الحقيقة اللي انت عارفها كويس و انا النهاردة عرفتها و اتأكدت منها كويس اوي
ادم بعصبية: انا مش فاااهم اي حاااجة من اللي انتيييي بتقوووليييه!!!!!
ريم بعصبية: تفهم ماتفهمش مش مهم بقي، انا ماشية
لفيت و اديته ضهري و مشيت خطوة، قام مسك ايدي تاني و شدني لورا و جه وقف قدامي
ادم بعصبية: و انا مش هسيييبك تمشي و لاااازم تقوليلي انت تقصدي ايييييه بكلااااامك، انا مش فااااهم ايه اللي غيرك مرة وااااحدة كده!!!
#ادم
انا مش فاهم اي حاجة من تصرفتها، الصبح كنا كويسين مع بعض، دلوقتي مش طايقاني!تبقي اتجننت لو افتكرت اني فعلا هسيبها تمشي لوحدها، بصت لتحت و فضلت كده شوية و بعد كده رفعت راسها و بصيتلي، اول ما رفعت راسها و شوفت عينيها، حسيت بألم جامد اوي في صدري، مش الم تعب و مش عارف اوصف هو ايه، اتصدمت لدرجة اني ماكنتش عارف اقول ايه و في نفس الوقت مش فاهم حاجة، كانت عينيها مليانة حزن و دموع هي حابساها بس انا برضه قادر اشوفها
ريم بصوت مخنوق: انااا... انا سمعتك و...ان...انت ب...تكلم يونا الصبح في القاعة و ب..بتقولها انك سبتني ده كله ام...بارح بس علشان تثبتلها انك مش مهتم بيا و اني مش فارقة معاك
اول ما قالت ده عيني وسعت جااااامد،مش معقوووول تكون سمعت اللي قلته ليونا!!!مش عارف ارد بإيه ولا اقول ايه ادافع بيه عن نفسي، فضلت باصصلها و مش عارف اقولها اي حاجة، شوفت دمعة نزلت من عينيها، وحبست بقيت الدموع،اول ما شوفت دمعتها حسيت بشكة جامدة اوي في صدري،اول مرة اشوف دمعة نازلة من عين ريم، ماكنتش فاكر اني لما اشوف دموعها هتوجع اوي كده، انا ماكنتش اقصد اي حاجة من اللي قولتها بجد
ادم بصوت مهزوز: ر...ريم ا..ا..انا ال...لي ق..قو..لته د..ه ماكنتش اقصده
فضلت بصالي بنفس النظرة اللي مليانة حزن و خيبة امل، حسيت و انا واقف قدامها اني صغير اوييي،كان نفسي الارض تبلعني او اختفي باي طريقة، مرة واحدة عربية وقفت عندنا، الشباك اتفتح، كانت فرح صاحبة ريم هي اللي في العربية،ريم بصتلها
فرح: ريم اركبي معانا
نعم؟! تركب معاهم ايه؟! ريم اكيد مش هترضي، او ده اللي انا علي الاقل بتمناه، ريم فضلت باصة لفرح
ادم بهمس: ارجوكي ماتروحيش
لفيت وشها و بصيتلي،المرة دي مع الحزن و خيبة الامل كان في غضب كمان في عينيها،شدت ايدها مني جامد و راحت عند باب العربية اللي ورا و فتحته و ركبت، فرح نزلت من قدام و رجعت قعدت جنب ريم ورا، مشيوا بالعربية و انا فضلت واقف متسمر مكاني و بشوف العربية عمالة تبعد، روحت لعربيتي و ركبت و فضلت قاعد فيها و سرحان، عمال اعيد اللي حصل في دماغي مرة ورا مرة و نظرات ريم ليا مش راضية تروح من قدام عيني و كلامها عمال يتردد في وداني
ادم: ااااااهههه
مسكت الدريكسيون و سندت راسي عليه، حاسس ان دماغي هتنفجرررر
#ريم
ركبت العربية و فرح جت ركبت جنبي و مشينا
فرح: ريم انت كويسة؟!
هزيت راسي فوق و تحت من غير ما ابصلها ، بعد كده فضلت باصة لتحت، مش قادرة اتكلم، من كتر ما انا مخنوقة بالعياط حاسة اني لو اتكلمت هفتح في العياط، حسيت بايد فرح و هي بتبطب عليا بحنية، بصيتلها و لقيت الدموع عمالة تنزل مرة واحدة، فرح حضنتني و انا قعدت اعيط لحد ما تعبت و بطلت عياط، فضلت ساندة راسي علي فرح و هي كانت حضناني، من غير ما ولا واحدة فينا تقول اي حاجة، حسيت براحة كبيرة، اكن فرح دي اختي بجد
كريم: متأكدة انك عايزة تروحي الشغل مش البيت؟!
ريم بصوت واطي: ايوة، لو روحت البيت احتمال اقابل ادم و انا عايزة اشغل نفسي في اي حاجة
كنت تعبانة اوي من العياط و يادوبك قادرة اتكلم بالعافية، وصلنا قدام المقهي و نزلت و فرح كمان نزلت من العربية و جت وقفت قدامي
فرح: متأكدة انك كويسة؟!
ابتسمت و هزيت راسي فوق و تحت
فرح: لو حصل اي حاجة كلميني
ريم: ماشي
سيبتها و دخلت المقهي، كان في زباين جوه، لما دخلت الجرس اللي متعلق فوق الباب اتحرك و رن، العم كان واقف عند مكان الطلبات اللي قريب اوي من الباب، لف و بصلي و ابتسم
العم: مرحبا*k
روحت لعنده، بصيتله و ابتسمت
ريم: مرحبا*k
العم: ماذا بك؟! لا تبدين بخير*k
بصيتله باستغراب، هو انا باين عليا اوي كده؟!
ريم: اممم، ل..لا شئ، انا بخير*k
في زبون طلب الحساب، حطيت شنطتي علي جنب و اخدت من العم الفاتورة، روحت اديتله الفاتورة و هو اداني الفلوس و مشي، نضفت الطربيزة، بعد كده بدءت اشوف طلبات الزباين و اجبهالهم و انضف الطربيزات، ماقعدتش خالص
###############
العم: هيا سنقفل الان
بصيتله باستغراب، و بصيت للساعة اللي في ايدي، مش معقوووول، الوقت عدي بسرعة اوي، روحت اخدت شنطتي، خرجت انا و العم بره و العم قفل المقهي
العم: الي اللقاء*k
ريم: الي اللقاء*k
وقفت علي الرصيف مستنية تاكسي يجي علشان اوقفه،من ساعة ما توهت اخر مرة بقيت اركز و احنا رايحين الجامعة علشان احفظ عنوان البيت علشان اخد احتياطي لو اتخانقنا تاني، احنا اصلا مابنبطلش خناق بس المرة دي مش زي اي مرة قبل كده، فضلت اتلفت يمين و شمال علي اي تاكسي جاي ولا رايح، و انا ببص علي يميني شوفت واحد ماشي لناحيتي و كان شكله مش مظبوط، ماشي عمال يطوح زي السكران، اه صح! في الناحية دي موجود الديسكو اللي راحته فرح، يااااا الله، انا خاااايييفة اوييييي، استر ياااااا رب، يا رب يعدي بعيد عني، ياااا رب ما يحصلي حاجة، قلبي بيدق بسرعة اوي، اهدي يا ريم، ربك هيحفظك من كل سوء، كنت شايفاه عمال يقرب مني اكتر و مش قادرة احدد هو قاصد يجيلي ولا بس هيعدي من جنبي عادي، لفيت و اديتله ضهري و جريت عند مكان انتظار الباصات، كان في عمود كبير كده عنده، روحت و وقفت وراه، اي نعم انا كده مش مستخبية اوي يعني بس هو اصلا سكران فمش هيلاحظني، سترك يا رب، يااااا رب ساعدني، يا رب يكمل طريقه عادي، ماكنتش شايفة اذا كان مشي ولا لا، لاني كنت واقفة ورا العمود و مدية ضهري للراجل لاني خايفة اني ابصله، و كمان يمكن كده مايخدش باله مني اكتر من ما وشي يكون ناحيته، استرها معايا ياااا رب، فضلت اقرأ في سري كل القرءان اللي متذكراه،مرة واحدة حسيت بايد علي كتفي من ورايا، في اللحظة دي حسيت ان نبضي وقف و رجلي اتسمرت في الارض