(جاري التعديل)كذبتنا♡our lie

الفصل 44

#ادم
ريم بصوت عالي: انت بتعمل اييييييه
ادم: هشيلك اطلعك فوق طلاما انت مكسلة
ريم : لاااااااععععع نزااااالنييييي هطلع لوااااااحدااايييي
كانت عمالة ترفص بإيديها ورجليها وانا عمال اضحك علي منظرها
ادم: ده انا بريحك ،في حد يكره الراحة؟!
ريم: انا بكره الراحة ! بكرااااهاااااعععع نزاااالنييييي
فضلت اضحك جامد علي منظرها لحد ما حسيت اني هوقعها واقع انا كمان من كتر الضحك فنزلتها ووقفتها، فضلت واقفة وبصالي بعصبية
ريم: اخر مرة تعمل كده اياااااك تشلني تاااني ابداااا !
ادم: هههههههههه ماشي ماشي اهدي، اطلعي يلا البسي والا هشيلك واطلعك انا
ريم: لا لا طاااالعة اهوووو
طلعت تجري بسرعة وانا فضلت باصصلها وعمال اضحك، ابويا اختارلي زوجة مجنونة بمعني الكلمة! خلصت انا وريم لبس وجهزنا ،ركبنا العربية وشغلتها ومشيت، اممممم اظن انا عرفت هنتغدي فين
ريم: ها هنروح فين؟!
ادم: ده علي اساس اني لو قولتلك هتعرفي
ريم: اممم معاك حق في ده بس يعني اديني نبذة عن المكان
ادم: لما نروح هتعرفي
ريم: اممم طااايييب
لفت وشها ناحية الشباك وفضلت تتفرج علي المباني والشوارع،في الفترة اللي قضيتها مع ريم لاحظت انها كتير بتقعد تبص بإهتمام علي المباني، نظرتها مش نظرة حد باصص بشرود او ملل للشباك، لا دي نظرة حد بيشوف حاجة بتثير اهتمامه ومش فاهم صراحة ايه سر الاهتمام ده
ادم: ايه اللي في الشوارع بيجذب انتباهك اوي كده؟!
ريم: التفاصيل
جاوبتني وهي لسه باصة للشباك،فاجئتني سرعة ردها ماحتجتش حتي تفكر في الاجابة وفي نفس الوقت مافهمتش قصدها
ادم: تقصدي ايه بالتفاصيل؟!
ريم: التفاصيل اللي بتميز الحاجات عن بعض، كام شجرة علي جنب الطريق أد ايه ممكن تميز شارع عن التاني ، واد ايه ممكن يختلف بيت عن البيت اللي جنبه رغم انهم مبنيين من نفس المواد السر في الاختلاف هو التفاصيل
لفت وشها وبصتلي
ريم: حتي البشر كلهم اصلهم واحد وتكوينهم واحد لكن بين كل واحد وواحد فيه مليون اختلاف مثلا كلنا وشنا فيه مناخير وعين و بوء وخدين وجبهة ودقن لكننا مختلفين في الشكل لان تفاصيل كل جزء من الاجزاء اللي في وشوشنا بتختلف من واحد للتاني
فضلت ساكت وافكر في كلامها وهي رجعت تاني تبص للشباك..... بعد فترة وصلنا للمطعم
#ريم
لما وقفت العربية استغربت جدا من المكان اللي وقفنا فيه، كان حي بسيط فيه بيوت بسيطة تحس بالألفة بمجرد النظر ليها، ادم نزل من العربية، فنزلت انا كمان، وقفت في الشارع وقعدت اتلفت حواليا

ريم: هو ده المكان؟!
ادم: اه، ايه مش عاجبك؟!
جه ادم وقف جنبي، لفيت وبصيتله وابتسمت
ريم: لا بالعكس عجبني جدا البيوت بسيطة ومنظرها مريح، بس ماكنتش اتوقع انك تعرف اماكن زي دي
بصلي وابتسم
ادم: طيب يلا بينا
مسك ايدي، بصيت ناحية ايده وهي ماسكة ايدي، رفعت راسي وبصيتله مستغربة تصرفه ده، ابتسامته كانت لسه موجودة وشدني من ايدي،ودخلنا المطعم، قلبي كان بيدق بسرعة، بجد حركاته المفاجأة والغير مفهومة دي هتجبيلي سكتة قلبية قريب! جت ست علي مشارف العجز اللي هي في الخمسينات كده اللي فاجئني جدا ان ملامحها كورية لكنها كانت محجبة! دي تاني كورية مسلمة شوفتها في حياتي! جت ناحيتنا بسرعة وكان باين عليها انها فرحانة اوي
"اااادم لقد مر الكثير من الوقت منذ اخر مرة جئت فيها إلي هنا! "*k