(جاري التعديل)كذبتنا♡our lie

الفصل 33

كريم فتح الباب، اول ما شافني شايلة فرح اتفزع
و قرب نحيتي علشان يشوف فرح
كريم: مالهااا هي عاااملة كده لييييه؟!!!
اففف انا هقوله ايه دلوقتي؟!!!
ريم: اممم د..دي ب..بس ال..ال..ضغط ان..انخ..فض عندها فجأة فانا جبتها لهنا
كريم: ايييه؟!
انا مش عارفة انا ازاي الفت الموضوع ده، بس يا رب يصدقني
ريم: هي بس دايخة شوية مش اكتر، اممم انا هدخلها اوضتها ترتاح
كريم: هاتيها انا هدخلها
انا مش عايزة اخش البيت علشان مابقاش انا و هو بس اللي فيه،بس لو سندها اكيد هيشم ريحة الكحول فيها فمش قدامي حل تاني
ريم: لا لا ماتعبش نفسك اصل ممكن تقع و انا بدهالك، انا هدخلها
كريم بصلي باستغراب بس دخل جوه و وسعلي علشان ادخل، دخلت و بعد كده بصتله
ريم: فين اوضتها؟
كريم شاور فوق ناحية السلم، نعم؟!!!!! لاااااا سلم لاااااا
كريم: برضه عايزة توديها اوضتها؟
ريم: اممم اظن اني هسيب المهمة دي ليك
كريم مسكها من الناحية التانية اللي انا مش مسكاها منها و انا سبتها و بعدت عنها
ريم: اممم طيب انا ماشية بقي
كريم: مش هتتطمني عليها؟!
ريم: لا ما انا كده اطمنت عليها خلاص
حطيت شنطت فرح علي طربيزة كانت موجودة في الصالة و طلعت بره بسرعة و قفلت الباب ورايا، اول ما طلعت اخدت نفس عمييييق، بجد كانت تجربة جديدة جداااا
ادم بعصبية: ماكنش في لازمة خااالص انك تخشي البيت
اول ما سمعت الصوت اتفزعت و بصيت علي يميني بسرعة، لقيت ادم هو اللي كان واقف
ريم: اففف يا اخي فزعتني، انت هنا من امتي؟! و ازاي جيت هنا؟! و بتعمل هنا ايه؟! هو انت كنت ماشي ورايا؟!
ادم: -_- ايه كم الاسئلة دي كلها؟! ارد علي انهي واحد بالظبط؟!
ريم: عليهم كلهم
ادم كان لسة هيتكلم بس انا قاطعته
ريم: ايه ده؟!
اتفزعت اول ما اخدت بالي من وشه و روحت عنده بسرعة
ريم: ايه اللي عمل في وشك كده؟!
ادم: دي قصة طويلة
ريم: مش عايزة اسمع حاجة دلوقتي خلينا الاول نروح لاي صيدلية
ادم: ليه؟!
ريم: علشان نجبلك حاجة علشان الجروح دي
ادم: لا مافيش داعي
ريم: براحتك خلي الكدمة تسوء و الدم اللي علي بوءك ده ينشف عليه و تروح الجامعة بكره شكلك عاهة
ادم: خلاص خلينا نروح، في صيدلية قريبة من هنا
ريم: يلا
مشيت انا و ادم، بعد فترة وصلنا للصيدلية، دخلنا جوه
ريم: نريد علاج لوجه هذا المشاغب*k
ادم: هاااي! انا لست مشاغب! اعطنا الدواء لو سمحت*k
الراجل ادانا زي مطهر كده و شوية قطن و لزق جروح و ادم حاسبه و خرجنا، كان في علي الرصيف مكان انتظار حافلات فروحنا و قعدنا هناك
ادم: يلا اعملي البتاع ده علي وشي
ريم: ليه؟! ما تعمل لنفسك هو انت اتشليت؟!
ادم: -_- في مليون كلمة احسن من الكلمة دي تقدري تقوليها علشان تعبري عن رأيك
ريم: بس دي احسن واحدة
ادم: -_- ايا يكن، ده واجب عليكي انك تعالجيني، بما انك انت السبب في الجروح دي
ريم: نععععم؟! ده اللي هو ازااااي يعني؟! بطل ترمي بلاك عليا
ادم: انا مابرميش حاجة عليكي، دي الحقيقة، انا اتعورت كده لاني اتخانقت مع اللي ضايقوكي في الديسكو
ريم: ايييييه؟!!!!! انت بتتكلم بجددد؟!!!
ادم: ايوة، هو انت فاكرة انهم يعني سابوكي رأفة بيكي؟!
ريم: هو انت كنت هناك؟!
ادم: -_- لا ضربتهم بالتخاطر عن بعد، ايه السؤال الغبي ده؟! ايوة كنت هناك
ابتسمت و بصتله
ريم: شكرا
ادم كان شكله اكنه صدم، ماله ده؟! بس بعد كده ابتسم و بصلي، اوووه ابتسمته حلوة، لا لا لا ابتعدي ايتها الافكار الغبية
ادم: مش معقووول، ريم تبتسملي و تقولي كمان شكرا!! كده كتير اوي عليا
بصتله بغضب و رفعت حاجبي اليمين
ريم: خلاص لو مش عاجبك اسحبها، عادي جدا
ادم: لا لا لا، دي مابتتكررش كتير و بعدين شلتي الابتسامة ليه؟! يا ريت تبتسمي كتير، مش عارف ليه بس انا بحب ابتسامتك و بشوفها جميلة اوي
انا فتحت عيني جااامد، انا فعلا في حالة صدمة، مش قادرة اصدق ان ادم اللي قال كده، و المصيبة انه بيقول كده و هو باصصلي و مبتسم ابتسامته الفظيعة دي، قلبي عمال يدق بسرعة و شوية هيقف، بصيت في الارض و حاسة ان وشي قلب طمطماية، و بؤي عمال يبتسم و انا اقاوم و بحاول مابتسمش، قلبي بجد هيقف، انا لازم اطلع من الموقف ده، رفعت راسي و بصيت علي العلاج، انا مش هقدر ابصله دلوقتي خااالص، و خصوصا و هو باصصلي كده
ريم: امممم خ...خليني اعالجلك جروحك دي و نمشي بدل ما احنا قاعدين للوقت المتأخر ده هنا
ادم بص ناحية الشارع، دلوقتي قدرت ابصله، رفعت راسي و بصتله
ادم: ايه اللي فيها؟! ده حتي جو رومانسي
بجد انا مش عارفة ماله النهاردة بيقول حاجات غريبة كده ليه O.o ادم بصلي و ابتسم ابتسامته القاتلة، عينه كانت في عيني بالظبط، حسيت اني اتسمرت و مش عارفة ابص في اي حتة غير في عينه
ادم: مش كده ولا ايه؟!
انا حاسة اني مش عارفة اتكلم ولا اقول اي حاجة، بصيت لتحت بسرعة
ريم: اممم الرومانسية مالهاش علاقة بينا احنا الاتنين اصلا
ادم: -_- بوظتي المود كله
طلعت القطن و المطهر، اخدت قطنة و حطيت عليها المطهر و بعد كده حطيتها علي الجرح اللي علي شفته علشان اعقمه، اول ما حطيته ادم اتألم شوية
ادم: البتاع ده بيلسعني
ريم: استرجل شوية
ادم: اففففف ماشي
كملت اعقمله الجرح
ادم: ما الشتيش زي عادتك يعني
ريم: اففف بطل كلام
ادم: يعععع البتاع ده دخل في بؤي >_
شلت القطنة و بعدت ايدي
ريم بعصبية: افففف اعملك ايه يعني؟! انت عامل زي العيال الصغيرة و عمال كمان تتكلم و فوق ده كله الدنيا ضلمة و انا مش عارفة اشوف وشك كويس علشان اشوف الجرح
ادم بص لتحت
ادم بصوت طفولي : خلاص خلاص ماكنش قصدي، اسف
كان شكله عامل بالظبط زي الطفل الصغير اللي بيعتذر من مامته علشان عمل حاجة غلط، ما قدرتش امسك نفسي من الضحك
ريم: هههههههههه خلاص خلاص خليني اكمل علشان نخلص
كنت باصة تحت علشان بجيب قطنة و بحط عليها مطهر، بعد كده رفعت راسي، اول ما رفعت راسي لقيت ادم قريب مني اوي، رجعت براسي لورا بسرعة
ريم: ايه يا ابني مالك؟! مش ملاحظ انك قريب اوي؟!
ادم: مش انت قولتي انك مش شايفة وشي كويس بسبب الضلمة؟! انا قربتلك
ريم: بس مش اوي كده!
بدءت انضفله حول عينه و انا قدر الامكان بعيدة عنه
ادم: اااااه
ريم: في ايه؟!
ادم بعصبية: دخلتي البتاع ده في عينييييي
ريم: بجد؟! معلش معلش
ادم كان حاطط ايده علي عينه
ريم: ورهالي كده
قربت منه و مسكت ايده و شلتها من علي عينه، قربت وشي من وشه علشان اشوف عينه
ريم: الحمد لله كويسة مافيهاش حاجة
انا كنت مخضوضة لحسن يكون جرا لعينه حاجة فملاحظتش اني قربت منه اوي و وشوشنا كانت قريبة جدا، ادم كان بصصلي مش عارفة اوصف نظرته بس بجد كانت نظرة غريبة فضلنا باصين لبعض، ماكنتش شايفة اي حاجة تاني غير عينه، بعد كده رجعت لوعيي و بعدت عنه بسرعة
ريم: اممم اممم خ..خلي..ني
انا بجد مرتبكة جداااا و مش عارفة اجمع الكلام مع بعضه، اخدت نفس عميييق علشان اهدي
ريم: خليني احطلك لزقة جروح علي الجرح اللي عند بؤك علشان نمشي، احنا المفروض كنا جبنا مع المطهر و القطن و اللزق اي كريم علشان الكدمة اللي عند عينك، خلينا نبقي نجبها بكرة
اخدت لزقة و فكيت الورق اللي عليها و حطيتها براحة علي الجرح علشان ماتوجعهوش و بدءت اثبتها
#ادم
غمضت عيني و ريم بتحط اللزقة و بتحاول تثبتها، ايديها ناعمة جدا، كنت حاسس براحة من لمسة ايديها علي خدي، ريم خلصت و بعد كده لمت الحاجات و وقفت و خدت شنطتها و شنطة الصيدلية
ريم: يلا بينا نروح
ادم: ماشي
ريم: هنروح ازاي؟!
ادم: عربيتي عند الديسكو و هو مش بعيد خلينا نرجع هناك
ريم: اوكش
ادم: تحريف اوك
ريم: بالظبط
بدءنا نمشي ناحية الديسكو
ادم: طب العربي و عدناها بس تروحي تحرفي في لغة الناس التانية كمان!
ريم: ايوة ايه اللي فيها يعني؟! و بعدين انت مالك؟! هما اشتكولك ولا عينوك المحامي بتاعهم
ادم: ايييه؟!!! ماكنتش كلمة قولتها، اتفتحتي فيا مرة واحدة، قلتلك كلمة واحدة رديتي عليا بمية
ريم: انا راضية ذمتك انا قولت مية كلمة؟! ولا انت قولت كلمة واحدة بس؟! ها؟! ها؟! بصلي هنا و رد
ادم: خلاااااص خلاااااص ماقولتيش استي
ريم: ايوة كده اقر و اعترف، بطل افتري علي خلق الله
ادم: انا غلطااااان
ريم: الاعتراف بالحق فضيلة
ادم: -_- هتشليني
ريم: لاااا انا واخداك كده ماترميش بلاك عليا
ادم بعصبية: ازاي يعني واخداني كده؟!
ريم: يعني واخداك مشلول لوحدك، انا ماليش علاقة بالموضوع
ساعتها كنا وصلنا خلاص للعربية، فتحت العربية و بعد كده فتحت باب العربية لريم
ادم: اركبي اريم، ماتخلنيش اطلع عفاريتي عليكي علي بليل
ريم: يمي يمي لا خفت انا كده، اهدي علينا اعم المشعوذ
ادم بزعيق: اركبيييي ارييييم
ريم اتفزعت لما زعقت مرة واحدة و ركبت بسرعة، لازم ازعق يعني؟! لفيت و ركبت انا مكاني و شغلت العربية و مشيت
ريم: بص اابني، لما تيجي تزعق بعد كده ابقي مهدلي الاول، ماينفعش تفزعني كده
ضحكت ضحكة خفيفة علي كلامها
ادم: عايزاني امهدلك ازاي يعني؟!
ريم: ماعرفش يعني نتفق علي سيم كده بينا
ادم: يعني ايه سيم؟!
ريم: كود، شفرة سرية يعني
ادم: و ايه هي؟!
ريم: امممم خلينا نفكر فيها بعدين لاني حاليا بعد كل اللي حصل النهاردة مش قادرة افكر في اي حاجة خااااالص
ادم: معاكي حق
قعدت افتكر كل اللي حصل النهاردة، انا بجد لما اتكلمت علي ابتسامة ريم ماكنش قصدي اقول كده، الكلام خرج مني مرة واحدة و لما ريم كانت بتشوف عيني، افففف انا حسيت ان كل حاجة وقفت و ماكنش في غيرنا بس، حتي نفسي وقف، اكني ماكنتش بتنفس خالص، حسيت اكن عنيها شدتني بشكل غريب، اكنها سحرتني، حطيت ايدي اللي ماكنتش ماسك بيها الجدون علي خدي علي الحتة اللي ايد ريم جت عليها، ابتسمت و انا بفتكر ملمس ايديها الناعم، هزيت راسي يمين و شمال بسرعة و ركزت علي الطريق علشان ابعد الافكار الغبية دي، ببص علي ريم لقيتها راحت في سابع نومة، ابتسمت، النهاردة كان يوم متعب ليها، بس بجد انا عمري ما اتوقعت ان في حد ممكن يعمل كده علشان شخص اتعرف عليه من كام يوم بس، بعد شوية وصلنا البيت، نزلت من العربية و لفيت لناحية ريم، فتحت باب العربية، اول ما فتحت ريم وقعت، حطيت دراعي فوقعت عليه و لحقتها، رفعتها و قعدتها علي الكرسي عدل، هزيتها براحة
ادم: ريم، ريم
صحيت و بدءت تفتح عينها
ريم: احنا وصلنا؟!
ادم: ايوة قومي يلا
ريم: ماشي
ريم خرجت من العربية و اخدت شنطتها، روحنا عند الباب و فتحته، ريم دخلت بسرعة و طلعت عدل علي فوق اكنها خايفة ان النوم يهرب منها ولا حاجة، طلعت وراها علشان اجيب هدوم، اول ما ريم دخلت الاوضة اترمت علي السرير
ريم: اااااه ايها السريييير كم انت جميييييل
ادم: انت هتنامي بهدومك كده؟!
ريم: ايوة، عندك مانع؟!
ادم: لا براحتك، اصلا لو قلتلك حاجة هتتفتحي فيا كعادتك
دخلت جبت هدوم من غرفة الملابس، طلعت من الغرفة، كنت طالع من الاوضة
ريم: اقفل الباب وراك
ادم: انت مش هتقومي تقفلي بالمفتاح ولا ايه؟!
ريم: بما اني مكسلة اقوم فهضطر اسفة اني اثق فيك
ادم: ايا يكن
قفلت الباب ورايا و نزلت تحت غيرت هدومي و نمت
#ريم
صحيت كالعادة علي تهبيد ادم علي الباب ، اففففف انا كنت مستغرقة في النوم، قمت و روحت فتحت الباب بعصبية
ريم بعصبية: بطل تهبيد علي الباب، خلااااص الباب طهئ منك، ده شوية و هيشتمك
ادم: ماتقوليش انك نايمة بالطرحة من امبارح!!!
ريم: انا مش نايمة بالطرحة من امبارح
ادم: يعني انت لبستيها دلوقتي؟
ريم: لا انا نايمة بيها من امبارح
ادم بعصبية: نعم؟! انت عايزة تجننيني؟! انت مش قولتي من شوية انك ماكنتيش نايمة بيهاااا؟!
ريم: اولا انت مجنون لوحدك مش محتاج حد يجننك، ثانيا انت قولتلي ما اقولكش اني كنت نايمة بيها فماقلوتش كده علشان اريحك
ادم: -_- ماحدش قالك قبل كده انك مستفزة؟!
ريم: و ماحدش قالك قبل كده اني مايهمنيش رأيك؟! علي العموم سيبك من الكلام اللي مالهوش لازمة ده و خلينا نجهز علشان نروح الجامعة
دخلت عند الهدوم و بدأت اشوف انا هلبس ايه و ادم كمان دخل، ادم اخد هدومه و نزل تحت و انا روحت قفلت باب الاوضة علشان اغير، غيرت هدومي و طلعت من الاوضة و وقفت عند اول سلمة
ريم بصوت عالي: اااااادممم خلللللصت؟!
ادم بصوت عالي: ايييوووة
نزلت تحت و خرجنا من البيت و ركبنا العربية و طلعنا علي الجامعة، وصلنا للجامعة، ادم وقف عند البوابة و مادخلش
ادم: مش لازم انزلك بعيد، لو نزلتي هنا مافتكرش حد هياخد باله
ريم: اوك
نزلت من العربية و دخلت الجامعة، اهم حاجة دلوقتي اكلم فرح، طلعت الموبايل و لسه هتصل بيها لقيتها هي بتتصل
ريم: كنت لسه هكلمك دلوقتي
فرح: انت في الجامعة؟
ريم: ايوة، انت فين؟ خلينا نتقابل
فرح: انا قدام مبني المحاضرات بتاعت كليتنا
ريم: اها انا جيالك
روحت لهناك بسرعة، فضلت اتلفت علي فرح لحد مالقتها، روحتلها بسرعة
فرح: هو ايه اللي حصل امبارح؟!
ريم: نعم؟!!! انت مش فاكرة؟!!!
فرح: انا بعد ما الزفتة اللي كانت قاعدة جنبي شربتني الخمرة بالغصب مابقتش عارفة اشوف كويس و مش فاكرة غير انك جيتي و كان في زي خناقة او حاجة زي كده
حكتلها كل اللي حصل لحد ما وصلتها البيت و عرفتها اني اكتشفت بعد كده ان ادم كان هناك و ساعدنا بس ماحكتلهاش اللي حصل بعد ما ودتها بيتها، يعني مش مهم بالنسبة ليها انها تعرفه
فرح: انا بجد مش عارفة اشكرك ازاي اريم، احنا لازم كمان نشكر ادم
ريم: انا شكرته امبارح، روحي اشكريه انت
فرح: اشكريه تاني
ريم: كفاية عليه مرة واحدة
فرح: يالهوي عليكي، المهم هو انت عرفتي كريم حاجة؟!
ريم: لا طبعا، انا مش عبيطة، بحق هو كان عامل ازاي النهارده؟
فرح: بصي هو مازعقليش ولا فتح الموضوع من اصله ولا لمح حتي انه عرف، بس كان شكله متعصب اوي و اكلمه مابيردش عليا خااااالص
ريم: طيب هو ليه متعصب كده؟!
كريم: ايه رأيك كريم بنفسه يرد علي السؤال ده؟!
انا و فرح اتخضينا و بصينا قدامنا بسرعة، لقينا كريم واقف و باصصلنا، كان شكله يخوف لا يخوف ضعيفة، ده شكله يرعب