(جاري التعديل)كذبتنا♡our lie

الفرح♢الحزن

#ريم
كل حاجة عدت بسرعةو جه يوم الفرح

روحت الكوافير و جهزت نفسي و حطيت ميك-اب لاول مرة في حياتي، بس حطيت حاجة كده بسيطة و رقيقة،مابحبش انا نظام البلياتشو اللي في عرايس بيعملوه في فرحهم، لبست الفستان، فستاني كان بسيط، ماكنش منفوخ اوي ولا ضيق يعني نازل علي واسع شوية، و بعد كده لفيت الطرحة، لفيتها بطرقية عادية،مابحبش انا التانية اللي بيلفوها في الافراح دي، و حطيت تاج فيه طرحة الفستان، واصلة تحت كتفي كده،و خرجت،ماما كانت مستنياني بره و كانت قاعدة علي كرسي، اول ما ماما شافتني، قامت وقفت، و بصتلي و بعد كده عينيها دمعت و الدموع غلبتها و عيطت و البسمة علي وشها ،اول ما عيطت جريت عليها و حضنتها
ريم:مالك يا ست الكل؟! بتعيطي ليه؟!
ريهام(ام ريم):كبرتي يا صغننة و بقيتي عروسة و هوديكي لجوزك هقعد ازاي في البيت من غيرك ؟و مين اللي هيقعد اخوكي يرخم عليه و يتخانقوا هما الاتنين و يجننوني؟

ريم:ايه احاجة الفضايح دي؟!ما فيش حاجة حلوة افتكرتهالي؟!

ماما ضحكت ضحكة صغيرة
ريهام:و مين اللي هيغسلي المواعين؟! هتوحشيني اوي
و عيطت تاني
ريم : خلاص انا هعيط انا كمان و في داهية الميك- اب
ريهام: لا خلاص انا بطلت عياط اهو

ضحكنا احنا الاتنين و بوست راسها و مسكت ايديها و وطيت عليها و بوستها
ريهام: ربنا يخليكي ليا، و تعيشي حياة سعيدة

بعديها بابا جه
انس: العريس وصل
بص ناحيتي
واول ما شافني عينه وسعت

انس: بسم الله ما شاء الله ،ربنا يحفظك يا بنتي
جه لعندي و حط ايده علي خدي
انس: كبرتي خلاص و هديكي لجوزك دلوقتي
ابتسم و انا كمان ابتسمت، و حضني جامد، بعد كده وقف جنبي و تني ايده،قمت حطيت ايدي في ايده، علشان يخرج بيا
#ادم