#ادم
الزفت ده بيعمل ايه هنا؟! روحت بسرعة عند ريم و شدتها من ايديها،ريم لفت بسرعة و بصتلي بدهشة لكن بعد كده راحت البصة دي لما شافتني و قامت وقفت بسرعة
ريم بفرحة: كويس انك جيت
كريم: ماكنتش فاكر انك هتيجي بسرعة كده
بصتله بغضب جامد
ريم: شكرا جدا علي ك...
قبل ما تكمل كلامها شدتها و مشيت، الغريب انها ماحاولتش توقفني ولا اتكلمت حتي، وصلنا للعربية و ركبنا و انا شغلت العربية و مشيت
ريم: واضح انك مابتعرفش تقول شكرا بس حتي لو انت كده مش لازم ابقي انا زيك، كنت تسبني علي الاقل اشكر الناس بشكل كويس
بصتلها باستغراب
ريم: بتبصلي كده ليه؟!
ادم: اصل انا افتكرت انك ماعندكيش مشكلة في اللي انا عملته و علشان كده طلعتي معايا بهدوء و من غير مشاكل
ريم: لا انت فهمت الموضوع غلط، دي اسمها حكمة
ادم: حكمة؟!
ريم: ايوة، انا لو كنت حاولت اقف و قعدت اعاند معاك كنا قعدنا نزعق لبعض و فرجنا علينا الكافيه كله
ادم: اه صح، معاكي حق
ريم، طبعا معايا حق، و بعدين مش كل شوية تشدني و تجرجرني وراك ،ده تصرف غير مقبول بالمرة، و بعدين ازاي تمسك ايدي من غير اذني؟!
ادم: اذنك؟! علي فكرة انا جوزك، واضح انك مش واخدة بالك من ده
ريم: نعم؟!!! انت هتستعبط يلا؟!!!
ادم: طب ليه طول اللسان ده
ريم: ده مش طول لسان، ده حقيقة،ما هو انت لاعبيط لاعندك انفصام في الشخصية
ادم: ولا ده ولا ده، انت ليه شايفة كده؟!
ريم: انت عامل نفسك جوز حسب الظروف
ادم: نعم؟!!! ازاي يعني؟!!!!
ريم: شوية تقلي ماتعرفيش حد اننا متجوزين،و تاني يوم قدام كريم و فرح قلت انك جوزي، اليوم اللي بعده ركبتني تاكسي يوديني الجامعة برضه علشان مانتكشفش، و دلوقتي بتقول انك جوزي و ناسي اني بسببك تهت النهارده
ادم: نعم؟!!! بسببي؟!!
ريم: ايوة
ادم: لا طبعا، انت اللي ضايقتيني و قلتي عليا غبي في نص القاعة لو ماكنتيش اتصرفتي كده كنت لقتلك طريقة تروحي بيها
ريم: و مين قال اني منتظرة شفقة سعتك؟! انا بقول ان بما اني هنا في كوريا بسببك يبقي انا مسؤليتك لكن طبعا انت ماتعرفش اي حاجة عن المسؤلية و اكيد كل علاقتك بيها هي لما باباك يقولك تحمل المسؤلية شوية
ادم: ايه ده؟! عرفتي منين؟!!
اول ما قلت كده ريم فتحت في الضحك، ايه ده؟!! ايه الهبل اللي انا قلته ده؟!! الكلام خرج مني فجأة من غير ما اقصد
أنت تقرأ
(جاري التعديل)كذبتنا♡our lie
Romanceايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
