جهة ادم:
انا اللي لازم اتكلم علي ما اظن ان احسن اني اتكلم مصري يعني احسن ما اشركش يونا في الحوار علشان الامور ما تبقاش اوحش من كده
بدءت اجمع شجاعتي و اتخلص من شعور الذنب ده
رفعت راسي و بصيت لريم
ادم: ريم..اممم...انا...انا و...و انت.. كنا... اممم اتفقنا يعني ان احناااا...نطلق بعد..بعد
قبل ما اكمل كلامي يونا قاطعتني هو ده اللي كان ناقصني ده انا بالعافية ما عرفت اقول الكلمتين اللي قولتهم
يونا: ادم اتكلم باللغة الكورية علشان افهم الكلام (كوري)
ادم: يونا احنا هنتكلم باللغة العربية لان احسن انك ما تدخليش في الكلام (كوري)
يونا: لكن يا اد (كوري)
قبل ما تكمل قاطعتها
ادم: و بعدين يا يونا انا قولت خلاص (كوري)
يونا سكتت ريم بصتلي
ريم: ينفع تفهمني في ايه بدل ما انا عاملة زي الاطرش في الزفة
ادم: ايه يعني ايه
ريم : ما تخدش في بالك ها في ايه
ايا يكن اللي قالته مش مهم دلوقتي
ادم: انا اممم مش عارف ازاي ادخل في الموضوع
ريم: خش في الموضوع دوغري
ادم: ايه يعنيييي؟!
ريم: يعني بطريقة مباشرة من غير لف ولا دوران
ادم: اها احنا اتفقنا انا هن..هنطلق ب..بعد اممم سسسسنة
فففا امممم
ااااه انا عمري ما كنت متردد اوي كده في الكلام انا دايما بقول اللي انا عايزة براحتي و ما بهتمش ابدا بالشخص اللي بكلمه ولا مشاعره انا مش عارف حصلي ايه بس انا لازم اخلص الموضوع ده
جمعت شجاعتي تاني
ادم: اممم دلوقتي ال... ال..الظ..ظر..الظروف اتغيرت يعني.. يعني دلوقتي..امممم لازم..لازم
ريم ابتسمت باستهزاء و رفعت حاجبها اليمين
ريم: واضح انك مش عارف تتكلم فانا هوفر عليك احنا اتفقنا اننا هنطلق بعد سنة علي اساس ان حبيبتك هترجع بعد سنة بس بما انها رجعت دلوقتي سعتك هتطلع عيل و ترجع في كلامك و تطلع في الاخر فوق كل المشاكل اللي فيك كمان مش راجل و مالكش كلمة
واو ديه فعلا ذكية فهمت الموضوع بسرعة اوي
اوك انا موافق ان انا نوعا ما رجعت في كلامي بس ده ما يدهاش الحق انها تكلمني كده انا عمري ما حد قدر يكلمني بالاسلوب ده بغض النظر عن بابا ده حاجة تانية
قمت وقفت بعصبية
ادم بغضب و زعيق: انا ما سمحلكيش تكلميني بالاسلوب ده
جهة ريم:
البني ادم ده بجد ما عندهوش دم و كمان عنده وش يزعق
ريم بصوت عالي جدا جدا: انت ما لكش حق ترفع صوتك عليا فاااهم و انا بقي الوحيدة هنا اللي مسموحلي كل حاجة اما انتوا المفروض تتخرسوا انتوا فكرني ايه لعبة؟!! زي ما الهانم حبيبتك اللي هي مفهماك انها بتموت فيك سابتك في موقف زي الزفت و حتي ما حاولتش تساعدك و سافرت علشان حلمها فانا برضه انسانة زي زيها و عندي حلم و اطحنت علشان احققه انت فكرك اني اجيب المجموع اللي انا جبته في الثانوي المصري ده شئ سهل اني اطلع الاولي علي الجمهورية ده سهل ولا وصلتله بسهولة انت عارف انا تعبت قد ايه ؟!! ده انا اتعجنت و اتفرمت و اطحنت و اهلي كمان اطحنوا و جيت سعادتك اتقدمتلي و ما قدمناش في ولا جامعة في مصر علي اساس اني هتهبب ادخل الزفت الجامعة هنا دلوقتي سعادتك و سعادتها عايزين تضيعولي كل ده بس علشان انتوا انانيين حب ايه ده بالظبط اللي انتوا مستخدمينه عذر علشان تعملوا اي حاجة براحتكم الحب دايما بيبني مش بيهدم و يدمر حب ايه ده بالظبط اللي مستخدمينه كعذر انكم تدمروا حياتي ها و انا ما عملتلكمش اي حاجة اطلاقا يا اخي ده انا كان عندي نية صادقة اني اساعدك كان نفسي من كل قلبي ان ربنا يهديك عملت فيك ايه انا علشان تقلبلي حياتي كده ها اوعي تفكر اني بحاول اخليك تشفق عليا لاني مش محتاجة شفقتك
جهة ادم:
واو انا ما كنتش فاكر انها ممكن تتعصب اوي كده انا بجد دلوقتي شايف ان معاها الحق في كل اللي قالته و شعور الذنب الغبي اوي ده اللي مش راضي يسبني في حالي دلوقتي زاد اكتر انا مش عارف اقول ايه بالظبط
فضلت واقف قدامها متجمد زي التمثال و هي بتبصلي و عنيها مليانة غضب و خيبة امل
انا فعلا اسف
ايه ايه ده لا لا اعقل يا ادم ما تخلهاش تأثر عليك البنت ديه عندها قدرة رهيبة انها تقنعني تماما بكلامها حتي و هي مش عايزة تقنعني بيه
ريم: انا بجد مش طايقة اشوف وشك ده
حسيت بشعور غريب من الألم لما قالت الكلام ده حتي مش قادر افهم ليه
مرة واحدة ريم سابت الصالة و طلعت لفوق و انا رجعت و رميت جسمي علي الكنبة علشان استريح شوية
ااااه انا فعلا حاسس بالإرهاااق
أنت تقرأ
(جاري التعديل)كذبتنا♡our lie
Romansايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
