(جاري التعديل)كذبتنا♡our lie

اول صلاة بعد سنين ♡♡

#ادم:

انا فعلا مش عايز اكلم اي حد دلوقتي و خصوصا ريم يمكن هي مالهاش ذنب في اللي حصل بس ده ما ينكرش انها السبب في ده كله يمكن ده مش صح اوي بس اني ارمي الذنب عليه اسهل بكتر من اني ادور علي المذنب الحقيقي ركبت العربية و فضلت سايق مش عارف انا اصلا رايح فين و كل اللي شايفه قدامي هو ذكرياتي مع يونا و كل لحظة عشتها معاها و مش قادر استوعب ان كل ده انتهي بالبساطة ديه

الدموع عايزة تنزل بس انا بصارعها

الراجل ما يعيطش ابدا

فجأة لقتني بتصل بجي هو

جي هو: هاي

ادم بصوت واطي مليه حزن و بيحاول يمنع دموعه: يونا عادت*k

جي هو: ماذا؟! كان من المفترض ان تأتي غدا*k

ادم: انت كنت تعرف؟!*k

جي هو: ايوة هي كلمتني و قالتلي و طلبت مني عنوانك كانت عايزة تعملهالك مفاجأة و انا ما رضتش اقلها موضوع زواجك علي اساس منك انت احسن و كنت هتصل بيك اعرفك علشان تحضر نفسك (كوري)

ادم: امم

و قفلت الموبايل مش عارف اقول ايه تاني ولا انا اصلا ليه اتصلت بيه هعمل ايه دلوقتي اسيب كل حاجة تضيع كده يونا كانت اهم حاجة في حياتي من غيرها ما فيش اي شيئ ليه اهمية في حياتي هل حبنا ده انتهي كده بالسهولة ديه

اااه دماغي هتنفجر من كتر التفكير انا عايز ما فكرش في اي حاجة

لقيت نفس واقف قدام محل صغير

نزلت و اشترت علب بيرة كتير حتي مش عارف عددهم و كأن ده مهم

رجعت للعربية و قعدت افتح العلبة ورا التانية و اشربها

لحد بقيت بالعافية اقدر اشوف قدامي

انا لازم اروح دلوقتي

لاني لو شربت واحدة كمان هتنعدم الرؤية قدامي

شغلت العربية و بطريقة ما لقيت نفسي قدام البيت

نزلت من العربية

واخدت معايا علب البيرة اللي باقية

اكيد مش هسيب صغيراتي لوحدهم في العربية

فتحت باب البيت و دخلت و ببص

فجأة عيني وسعت و ما كنتش مصدق

ريم كانت قاعدة علي اخر درجة من السلم و كانت ساندة راسها علي الحيطة واضح انها نعست و هي مستنياني

ايا يكن مش حاجة مهمة

سبتها زي ما هية و دخلت للصالة ليه لازم يعني اهتم ليها او حتي اصحيها ما حدش اصلا قالها تستناني

قعدت علي كنبة و فتحت علبة بيرة كمان و بدأت اشربها

واااه ما فيش حاجة احسن منها في المواقف ديه