(جاري التعديل)كذبتنا♡our lie

سوء ظن

#ريم
سلام قول من رب رحيم، الناس علي النت بيقولوا ان شكله بشوش، اللي يشوف شكله دلوقتي هيقول ان بشوش مات من الخضة
كريم بزعيق: انتوا فكركوا انكم تقدروا تخدعوني بالسهولة دي؟! اللي معصبني ان الهانم اختي كانت راجعة البيت سكراااانة
انا و فرح بصينا لبعض و انا متأكدة انها بتفكر في نفس السؤال اللي انا بفكر فيه، هو عرف ازااااي؟!!!!
كريم: طبعا انتوا بتسألوا نفسكم انا عرفت ازاي
انا و فرح بصناله بسرعة، ده شكله بيقرأ افكارنا
كريم زعيق جامد جدا: لما الاقي الكحوووول ريحته فااااايييحة بطرييييقة غيييييير طبيعيييية من اختيييي الصغييييييييرة يبقي لااااازم اعرف ان اختيييي سكرررت
انا و فرح رجعنا لورا، بجد منظره كان مخيييف جداااا، و كان صوته عالي و بيزعق بطريقة مرررعبة، كريم بصلي
كريم بعصبية: و انت! كنت فاكرك متدينة و نقية، قومتي جريتي اختي للقرف ده و افسدتيها!
واضح ان عنده اعاصير في مخه قلبتله الدنيا كلها
ريم: ثواني! انت فه..
قبل ما اكمل كريم قاطعني
كريم بعصبية: مش عايز اسمع اي مبررااات منك ولا عايز اسمعك اصلااا
بعد كده بص لفرح
كريم بعصبية: انت عارفة اللي عملتيه ده لو وصل لاهلنا في مصر هيحصل ايه؟! مش بس هيرجعوكي مصر دول اكيد هيمرمطوكي و مش محتاج بقي احكيلك هيعملوا فيكي ايه
بصيت لفرح لقيتها عنيها مرغرغة بالدموع و مش هبالغ لو قولت انها كانت بتترجف
كريم بعصبية: بس انا مش هعمل كده و هسامحك و هنسي كل ده بس بشرط واحد
كريم شاور عليا
كريم بزعيق: تبعدي عنها و ماتقربيش منها تاااانيييي ابداااا و لو شووووفتك واقفة معاهااا مش هتردد ثاااانية في اني اتصل بأهلنا في مصر و اعرفهم كل حااااجة
فرح كانت واقفة و مش قادرة تتكلم ولا تعمل حاجة و عمالة تعيط و بس و انا كنت واقفة مش عارفة اتكلم ولا اقوله ايه و هو اصلا ماعندهوش استعداد يسمعني، كريم شد فرح من ايديها جامد و مشيوا، فرح كانت لافة وشها لورا و عمالة تبصلي و الدموع عمالة تنزل و انا مش قادرة اعملها حاجة، اظن احسن حاجة اعملها دلوقتي اني ما اتدخلش، ده احسن لمصلحتها، روحت لقاعة المحاضرة، لما دخلت شوفت فرح كانت قاعدة جنب كريم، رغم انها مسحت دموعها الا ان وشها باين عليه اوي العياط و التعب من العياط، بصيت في الارض و عديت من جنبهم من غير ما ابصلهم و روحت قعدت بعيد، طول المحاضرة ماعرفتش اركز خااالص، كنت عمالة افتكر اللي حصل قبل المحاضرة، كويس ان الموضوع جه علي قد كده و كريم ماكبرش الموضوع اكتر من كده، و بصراحة هو معاه حق انه يتعصب و يزعق حتي اللي قاله عني ماقدرش الومه فيه رغم انه غلط بس هو معاه عذره برضه، انا اللي جبت فرح للبيت و مالهاش صحاب هنا غيري فطبيعي انه يفتكر اني كنت معاها، بس برضه الموضوع مضايقنيييي اويييي، انا اول مرة حد يشكك في اخلاقي، كان عندنا محاضرتين ورا بعض بس بينهم فترة قصيرة 5 دقايق تقريبا،كله خرج ماعدا انا،بعد شوية كله دخل تاني و دخل الاستاذ بتاع المحاضرة، برضه فضلت افكر في الموضوع لحد ما قطع تفكيري صوت الناس و هما خارجين من القاعة ، ايه ده؟! هو المحاضرة خلصت؟! بالسرعة دي؟! اتنهدت و لميت حاجاتي، افففف كده محاضرتين ضاعوا عليا و ماركزتش فيهم، روحت علي الكافتيريا، فرح كانت قاعدة مع كريم و كل واحد هنا قاعد مع صحابه،و ادم منهم كمان، افففف مش حاسة ان ليا نفس في اني اكل حاجة، طلعت بره الكافتيريا، خليني ادور علي مكان اقعد فيه هنا في الحديقة، مش عايزة اقعد علي طرابيزة جوا لوحدي، فضلت ماشية لحد ما شوفت زي تلة صغيرة كده مزروعة، بجد الجامعة دي تححححفة، انا مش مصدقة اني في موقف زي ده بفكر في شكل الجامعة، اتنهدت، و طلعت التلة، وااااو المنظر من هنا تححححفة، شايفة الجامعة كلهااااا، روحت عند شجرة كبيرة و قعدت في ضهرها كده لان الناحية دي مافيش حد بيعدي منها، حطيت شنطتي علي الارض و سندت ضهري علي الشجرة و فردت رجلي و غمضت عيني، الجو كان جميييل جداااا، فجأة حسيت بحاجة سخنة علي خدي، فتحت عيني بسرعة و اتنطرت من مكاني، رفعت راسي و بصيت فوق لقيت ادم واقف و موطي ناحيتي شوية و مادد ايده ناحيتي و ماسك بيها كوباية عليها غطا، شكله مشروب سخن، و بالايد التانية ماسك كوباية تانية
#ادم
ريم كان شكلها محبط اوي حتي بين المحاضرتين ماخرجتش بره و لاحظت انها قاعدة بعيد عن صاحبتها، شكلهم متخانقين بس مش معقول صاحبتها تتخانق معاها بعد كل اللي ريم عملتهولها امبارح، انا دلوقتي قاعد في الكافتيريا مع يونا و صحابي، ريم دخلت من باب الكافتيريا، قعدت تتلفت حوليها و بعد كده مشيت، هي مالها؟! شكل في موضوع كبير، قمت وقفت
يونا: الي اين انت ذاهب؟!*k
اففف انا هقولها ايه دلوقتي؟! فكر يا ادم في اي حجة بسرعة، اه لقيتها!
ادم: هناك صديق لي اتفقت معه ان يأتي و يقابلني في الجامعة في هذا الوقت*k
يونا: لكنك لم تذكر شئ كهذا*k
ادم: اممم في الواقع لقد نسيت الامر و تذكرته الان، انا ذاهب*k
كنت هخرج بره فافتكرت ان ريم ماجبتش حاجة تاكلها ولا حتي تشربها، روحت اشتريتلها هوت شوكلت و اشتريت لنفسي كابتشينو بما انها بتحب الشوكولاتة يبقي اكيد هتكون بتحب الهوت شوكلت، و بعد كده خرجت بسرعة علشان الحقها، فضلت امشي و عمال ادور عليها لحد ما شوفتها طالعة علي زي تلة صغيرة كده و فوقيها شجر كتير، فضلت ماشي ناحية التلة و عيني عليها، قبل ما اوصل كانت طلعت فوق و لفت ورا شجرة كده، مابقتش شايفها، شكلها قعدت وراها، وصلت للتلة و طلعتها لحد ما وصلت للشجرة، فعلا ريم شكلها حلو و هي نايمة بسلام كده، فضلت باصصلها و انا مبتسم، اه صح! انا ماجتش هنا علشان ده، اصحيها ازاي دلوقتي؟! بصيت لكوباية الهوت شوكلت السخنة و ابتسمت ابتسامة شريرة، اظن اني عرفت هصحيها ازاي، وطيت شوية و مديت ايدي اللي ماسك بيها الهوت شوكلت لحد ما حطيت الكوباية علي خدها، ريم اتفزعت و اتنفضت من مكانها، انا هموووت و اضحك بس الوقت مش مناسب للضحك، بصيت الناحية التانية و ضحكت من غير صوت و بعد كده بصتلها و كنت لسه مادد ايدي و انا ماسك الكوباية و هي بصالي باستغراب
ريم: ده ليا؟!
ادم: -_- لا ماسكه و مددلك ايدي منظر بس مش اكتر، بعمل تمرينات علشان عضلاتي، طبعا ليكي، ايه السؤال ده؟! خودي يلا
ريم: لا شكرا ماليش نفس اشرب حاجة
شكلها لسه هتقعد تجادل و انا تعبت من الوقفة و كمان ايدي تعبتني، قعدت جنبها و انا ماسك الكوبايات بحرص علشان مايدلقوش، و سندت علي الشجرة و فردت رجلي زيها
ادم: خودي، ده هوت شوكلت و هنا بيعملوه لذيذ جداااا، خودي احسن ما تندمي بعدين
مديت ايدي ناحيتها حاجة بسيطة، بصتلي شوية و بعد كده اتنهدت و اخدت مني الكوباية، حطت الكوباية في حجرها و كانت ماسكاها بايديها الاتنين و فضلت بصالها
ادم: هي شكلها عاجبك اوي كده؟! ماتشربي!
ريم: مش عارفة، بس ماليش نفس و بعدين شكلها لسه سخنه
اخدت من ايديها الكوباية، بصتلي باستغراب، شيلت الغطا اللي علي الكوباية و قعدت انفخ في الهوت شوكلت علشان يبرد طول ما انا ببرده ريم كانت بصالي باستغراب و صدمة في نفس الوقت، برد فمديت ايدي اللي فيها الكوباية ناحيتها في مستوي وشها
ادم: اشربي
بصتلي باستغراب
ريم: نعم؟!
ادم: بقولك اشربي يلا انا بردتهولك
ريم: طيب هات الكوباية علشان اشرب
ادم: لا انا هشربك
ريم: ايييييه؟!!!
ادم: بقولك اني هشربك
ريم: نعم؟!!! ادم انت كويس؟! شكلك سخن و بتهذي!
ادم: انا كويس، يلا اشربي
فضلت بصالي باستغراب
ادم: و بعدييين؟! اشربي و ماتعصبيش عمو
اول ما قولت كده ريم ضحكت، ضحكت! اخيييرا، اووووه حاسس اني حققت انجاز عظيييم، مش عارف بس اول ماضحكت حسيت بالفرحة مرة واحدة، ريم فضلت تضحك شوية و بعد كده بصتلي و ابتسمت ابتسامة هادية
ريم: ماشي يا عمو
ادم: ايوة كده خليكي شطورة و اسمعي كلام عمو
ريم ضحكت تااانييي، عايز اقولها افضلي اضحكي كده علي طول، ريم قربت وشها من الكوباية و انا قربت الكوباية عند بؤها و بعد كده بدءت اشربها، فضلت باصصلها و مش قادر ابطل ابتسم و انا باصصلها و هي بتشرب، ريم رفعت عنيها و بصتلي، و انا فضلت باصص في عنيها و مبتسم، ايه ده؟! صح! دي شايفة ابتسامتي الغبية دي، ريم بعدت وشها عن الكوباية و انا مسكت الكوباية عدل و فضلت باصص بعيد عن ريم، اففف انا محرج اوي لانها شافت ابتسامتي الغبية دي
ريم بخجل: امممم ه..هات ال..الك..كوباية انا ه...هشر..ب لو..حدي
ادم: اممم ما..ماشي
اديتها الكوباية و بصت قدامها و بدءت تشرب و انا اتعدلت و بصيت قدامي بدءت اشرب الكابتشينو
ادم: اممم احكيلي
ريم: احكيلك ايه؟!
ادم: احكيلي ايه اللي مضايقك
لفيت وشي لجنبي ناحيتها و هي لفت وشها ليا و بصتلي باستغراب
ريم: اممم ايه اللي عرفك اني مضايقة اصلا؟!
ادم: شكلك محبطة طول اليوم اوي ده غير انك طول اليوم ماقعدتيش جنب فرح و ده غريب عليكم و باين ان في مشكلة بينكم و لو اني مش قادر اصدق انكم اتخانقتوا بعد كل اللي انت عملتيه علشانها امبارح
بصت لتحت و شكلها كانت متضايقة اوي و بدءت تحكيلي كل اللي حصل و اللي عمله الزفت اللي اسمه كريم ده و الكلام اللي قالهولها، طول ما هي بتحكيلي و انا حاسس اني بغلي من الغضب، اول ما خلصت ريم كلامها، حطيت الكوباية من ايدي علي الارض و اتنفضت و قمت وقفت بسرعة
ريم: في ايه؟! مالك؟! قمت كده ليه؟!
ادم بزعيق جامد: انا هروووح ادوور علي الحيوااان ده و اعللمهه ازاااي يتكلم معاااكي، لازم ادييييله درس مهههم جدا علشان قبل مااا يكلمك بععد كدههه يفكررر في كل كلمة قبل ما يقووولهاااا
#################################
طبعا واضح ان الفصل نزل متأخر اوي بس ده لاني كان عندي امتحانات و دلوقتي الحمدلله اخدت الاجااااااااااااازة و لذلك فهيكون نشر الفصول اسرع من الاول ان شاء الله