(جاري التعديل)كذبتنا♡our lie

اعتذار

#ريم
اففففف انا فعلا فعلا مش ناقصة و مش مستعدة اسمع اي تهزيق او حاجة تضايقني اكتر بس لو ماعرفتش هو عايز يقولي ايه الفضول هيموتني بعد كده
ريم بتردد: ات..اتف...اتفضل
كريم: انا اسف
ادي التهزيق بدء، اهو ده اللي ناق..، ثواني هو قال ايييييهههه؟!!!! هوفعلا قال انا اسسسفففف؟!!!! شكلي انا اللي اتجننت و بقيت بهلوس، فضلت بصاله و انا في صدمة تاااامة، مش قادرة استوعب اللي حصل اصلا
ريم باستغراب: ن..ن...ن..ن.عععم؟!! أ..أ..أ..أ..ن..نت..ت
ق..قو..قولت اييييه؟!!
كريم: انا بعتذرلك لسوء الفهم اللي حصل مني، انا كنت فعلا غبي و تجاوزت حدودي معاك و انت رغم انك مش غلطانة ماردتيش عليا ولا قولتيلي اي حاجة، حتي لما فرح قعدت و حكتلي كل حاجة رفضت اني اصدقها و كدبتها، بس ربنا سبحانه و تعالي برئك من عنده
اول ما سمعت اخر جملة بصتله باستغراب اوييي!!! هو يقصد اييييه بدههه؟!!!
كريم: انا حلمت حلم غريب اوي و لما حكيته لشيخ انا اعرفه بيفسر الاحلام قالي ان تفسيره اني ظلمت حد و اني مش سامع غير صوت عقلي انا بس و رافض اسمع للي حوليا، انا بجد بجد بجد اسف جدا علي كل اللي انا قولته و عملته، ارجوكي سامحيني
هو فعلا لسه في حد كده؟! لما يعرف انه غلط في حق حد يروح و يعتذرله علي طول و يقوله انه اسف و يترجاه انه يسامحه!!!! بصيتله و ابتسمت
ريم: انا مازعلتش منك اصلا علشان اسامحك
اول ما قولت كده عينيه وسعت جااامد و بصلي باستغراب
كريم: ان..انت بتتكلمي بجد؟!!
ريم: ايوة، اللي عملته ده طبيعي جدا لاخ بيحب اخته و بيخاف عليها و عايز يحميها، و ده مايتلامش عليك فيه ده بالعكس خلاني احترمك، جميل اني اشوف واحد بيخاف علي اخته اوي كده، بس بصراحة انا اتضايقت شوية، مش منك انت بس من الموقف عموما
كريم فضل باصصلي شوية باستغراب و بعد كده ابتسم
كريم: انت جميلة اوي
اول ما سمعت اللي قاله عيني وسعت جااااامد
كريم بتوتر: ان...انا انا ما..قصدش اني اعاكسك ولا اي حاجة زي كده صدقيني، انا اقصد يعني شخصيتك ان انت طيبة و محترمة و كده، صدقيني انا ماكنتش اقصد حاجة وحشة ابدا
كان شكله فظيييع و هو عمال يتكلم بتوتر و قلقان و بصراحة ماقدرتش امسك نفسي و ضحكت، اول ما ضحكت هدي شوية و تحول شكله المتوتر لمستغرب
كريم: انت بتضحكي ليه؟!
ريم: اصل انت ماشوفتش شكلك و انت بتتكلم من شوية، اكنك عملت كارثة او ان انا واقفالك بمسدس و هموتك علشان الكلمة دي فمقدرتش امسك نفسي الصراحة، ماتخافش انا عارفة انك محترم و مش هتقصد تعاكسني ولا حاجة، دلوقتي بقي ينفع اروح اكلم فرح عادي؟! اصل اليومين اللي فاتوا دول كنت بقعد حاطة ايدي علي خدي زي الولية المطلقة
اول ما قولت كده قعد يضحك
كريم: ههههههههه ايوة يا ستي براحتك خاااالص، انا ابقي حيوان اصلا لو فكرت مجرد تفكير اني ابعدك عنها، بجد شكرا علي كل اللي عملتيه علشانها، طول ماليها صاحبة زيك انا هبقي مطمن عليها اوي
بصيتله و ابتسمت
ريم: شكرا انا همشي بقي اشوفها فين
كريم: ماشي
بيعرج لو كان ادم كنت قولتهاله علشان يولع فيا بس ماقدرش اعمل كده دلوقتي مع كريم، سيبته و مشيت، اتصلت بفرح
ريم: انت فين؟!
فرح: ريييييم اخييييرا سمعت صوتك، انا كان نفسي اكلمك بس كريم كان واخد مني الموبايل بس النهاردة رجعهولي مش عارفة ليه
ريم: انا هقولك ليه بس قوليلي انت فين
فرح: تقصدي ايه؟!
ريم: قولي بس انت فين
فرح: انا في الكافتيريا
ريم: طيب انا جايالك
قفلت معاها و مشيت للكافيتيريا، بعد شوية وصلت هناك، دخلت الكافيتيريا، فضلت اتلفت حواليا بدور علي فرح، لحد ما شوفتها، كانت جيالي جري بسرعة، طلعت اجري عليها انا كمان و حضنا بعض جاااامد اكننا بقالنا سنة ماشوفناش بعض ولا حاجة بمعني اصح حضن مطارات،مع ان المشكلة كلها لسه حاصلة امبارح بس، بعد ماخلصنا اللحظة العاطفية دي روحنا و قعدنا علي طربيزة، حكيتلها علي اللي حصل مع كريم من شوية، طول ما انا بحكيلها كانت بصالي و متنحة و فاتحة عينيها جاااامد
فرح: انا مش مصدقة اللي بسمعه، بس الحمدلله انه جاله المنام ده علشان يعرف اد ايه انت جدعة و طيبة
بصيتلها و ابتسمت
ريم: طيب يلا بينا بقي نروح لقاعة المحاضرة علشان ما نتأخرش
قمنا وقفنا
فرح: بحق عايزاكي تحكيلي كل حاجة حصلت مع ادم الكام يوم اللي فاتوا دول
ريم: كام يوم ايه؟! ده هو يوم واحد بس
فرح: اه صح! المهم اكيد حصل حاجات كتيييير انت و ادم مابيعديش عليكم يوم من غير احداث اد كده ولا اكني بتابع مسلسل
ريم: انت بتابعي مسلسل و انا ملطوطة في المسلسل ده، يلا هحكيلك و احنا رايحين للقاعة
و احنا ماشيين حكتلها علي اللي حصل امبارح بليل من غير تفاصيل طبعا، بس عرفتها اني اشتغلت وادم كان المفروض يروحني بعد الشغل بس اتأخر عليا و انا كنت هموت من القلق عليه مش اكتر، بعد كده حكيتلها علي اللي حصل قبل ما اكلم كريم و اللي سمعته
فرح بعصبية: ادم ده حيوااااان و خسااارة انك تقلقي عليه ولا تضيعي وقتك في التفكيييير في وااااحد زييييه اصلا
ريم بحزن: انا عارفة ان ادم ماعندهوش اي مشاعر ناحيتي و مابتوقعش منه انه يهتم بيا ابدا لكن انه يتعمد يسيبني في البرد ده و كنت هتجمد و فوق ده كله كنت بفكر بس في هو بخير ولا لا ده كله علشان بس يثبت ليونا انه ماعندهوش اي مشاعر ليا!! ده بصراحة مايحتملش و مش ممكن اعدي الموضوع ده عادي او اطنشه اكني ماسمعتش حاجة، كان علي الاقل يتصل يطمني عليه و يقولي اروح بتاكسي مش يسيبني كده في الشارع اكن ماليش اي لازمة، انا ماعملتلهوش حاجة استاهل عليها انه يعاملني بالطريقة دي
كل شوية بحس اني بتخنق اكتر لدرجة اني مش قادرة اتكلم ولا اقول حاجة تاني و الا هفتح في العياط و انا حابسة دموعي بالعافية، انا مش متعصبة علي قد ما انا حزينة، حاسة بالحزن اوي و اني محبطة جدا، وصلنا القاعة و دخلنا، كان في ناس قليلين اوي،روحنا قعدنا في كرسيان جنب بعض
فرح: ماتضايقيش نفسك اوي كده، ده مايستاهلش انك تضايقي علشانه، و كويس انك اشتغلتي علشان ماتحتاجيش لحاجة منه
بصيتلها و ابتسمت ابتسامة مزيفة و من غير نفس ابدا، انا من كتر ما انا متضايقة ماليش نفس اضحك ولا حتي ابتسم، لما كريم كلمني فرحتي باللي قالهولي نسيتني اللي حصل ده شوية لكن دلوقتي بعد ما افتكرته تاني حاسة اني مخنوقة اوي، بدء بقية الطلاب يخشوا، شوفت ادم و يونا و هما داخلين مع بعض و ماسكين في ايد بعض، افتكرت فجأة لما ادم مسك ايدي امبارح، بصيت تحت لايدي اللي كان ماسكها، ضحكت ضحكة سخرية من نفسي بصوت واطي، و انا اللي كنت ببصلها و ابتسم بغبائي ده، و ده اصلا كان ولا حاجة عنده، طبعا هو متعود علي كده و اكيد مسك ايد مية بنت قبل كده، و انا اللي كنت زي الهبلة مكسوفة و قلبي كان هيقف، و هو طبعا ماحسش بأي حاجة، هو مسك ايدي بس علشان يجاري الموقف يعني غصب عنه لكنه ماسك ايد يونا دلوقتي علشان هو حابب انه يعمل كده لانها حبيبته اما انا فمجرد واحدة اتجوزها غصب عنه و مش طايق وجودها في حياته اصلا، كنت سرحانة اوي في تفكيري لدرجة اني ما اخدتش بالي ان الاستاذ دخل و بدء شرح، طلعت الموبايل بسرعة و فتحته علي التسجيل علشان اسجل الشرح، انا لازم اركز في دراستي، دي هي اهم حاجة دلوقتي، بما ان جوازي كله عبارة عن كذبة يبقي مش باقيلي دلوقتي غير الجامعة و مش ناوية اخسرها دي كمان، خلصت المحاضرة، بدء كله يخرج من القاعة و انا و فرح خرجنا علشان نروح للقاعة التانية اللي فيها المحاضرة، المحاضرة الجاية دي هتكون عن الرسم و تصميم المباني، دي اكتر حاجة انا متحسالها
#ادم
كنت لسه عند باب القاعة لما عيني جت علي ريم و كانت قاعدة مع فرح، هما اتصاحلوا ولا ايه؟! خليني اروح اسألها، كنت لسه هروح لريم بس وقفت مكاني، يونا دلوقتي غيرانة من ريم و انا لما صدقت اقنعها تسيبها من الافكار دي كلها، خلاص خليني ابقي اكلم ريم بعدين، مرة واحدة لقيت يونا جت مسكت ايدي، بصيتلها باستغراب، قامت هي بصيتلي و ابتسمت، ابتسمتلها، دخلنا القاعة مع بعض و روحنا قعدنا في مكان فاضي، شوفت جين هو و يونغ هوا دخلوا من باب القاعة، قمت شاورتلهم علشان يجوا يقعدوا جنبنا، جم و قعدوا، بعد كده الاستاذ دخل و بدء شرح، بعد ما خلصت المحاضرة طلعنا و روحنا علي قاعة تانية بتاعت الرسم علشان ناخد المحاضرة التانية، خلصت المحاضرة بعد كده روحنا علي الكافيتريا، ريم كانت قاعدة مع فرح، كويس ان المشكلة اتحلت، كده ريم مش هتكون متضايقة و محبطة
يونا: ادم، ادم
قطع تفكيري صوت يونا، بصيتلها بسرعة
ادم: ماذا؟*k
يونا: اين كنت شارد؟! لقد كنت اتحدث اليك لكنك لم تنتبه*k
ادم: امممم ل..لا شئ، ماذا كنت تقولين؟!*k
يونا: كنت اقول انه مضت فترة طويلة دون ان نخرج معا*k
ادم باستغراب: كيف ذلك؟! لقد خرجنا معا منذ يومين تقريبا*k
يونا: اقصد بمفردنا*k
يونغ هوا: انت تعنين انك لا تريدين ان تخرجي معي انا و جين هووو، حسنا كما تشائين، لن اخرج معك مرة اخري ابدااااا*k
يونا: ل...لم ا..اق..صد ذ..ذلك ا...ا...انااا*k
ادم: يونا! اتأخذين كلام هذا الغبي بجدية؟! انه يمزح*k
يونغ هوا بعصبية: انا لست غبييييي*k
يونا بعصبية: و انا التي صدقتك!*k
يونغ هوا: اهدئي لقد كنت امزح قليلا*k
ادم: دعك منه، امممم حسنا ما رأيك في ان نخرج معا في يوم السبت؟!*k
لما قولتلها كده ابتسمت ابتسامة كبيرة
يونا: حسنا*k
قعدنا ناكل، مالها ريم؟! شايفها مابتاكلش كويس و سرحانة، المفروض تكون فرحانة لانها رجعت تاني تقعد مع فرح بس هي مش كده خاااالص، امممم يا تري مالها؟!
يونا: ادم لماذا لا تأكل؟!
ادم: اممم ل..لا شي لا شئ، ها انا اكل*k
خلصنا اكل و جه معاد المحاضرة التانية، روحنا علي الفاعة و بدئت المحاضرة، اففففف امتي تخلص، عايز اسئل ريم علي اللي حصل و اعرف متضايقة ليه
#ريم:
خلصت المحاضرة و خرجنا من القاعة وبعد كده خرجنا من المبني، ودعت فرح و هي مشيت مع كريم علشان يروحوا، انا لازم الحق اروح الشغل، طبعا مش هروح مع ادم، مشيت ناحية بوابة الجامعة علشان اطلع و اوقف تاكسي اروح بيه للشغل، كنت لسه هطلع من البوابة، مرة واحدة حد مسك ايدي و شدني و خلاني الف لورا، لما لفيت لقيت ادم هو اللي ماسكني
ادم: انت رايحة فين؟!