(جاري التعديل)كذبتنا♡our lie

وقعة مؤلمة

#ريم

ريم بصوت عالي: اااااااااععععع
و قعدت اتحرك بسرعة علشان احاول انزل

ادم بصوت عالي: يا مجنووووونة بطلي هنق....
لسه ماكملش كلامه و اتقلب لورا علي ضهره و انا وقعت منه و اخدت السلم دحرجة و هو اخده زحلقة علي ضهره

ريم: ااااااه ااااه ااااه

ادم: اي اي اي اي
فضلنا علي اللحن ده لحد ما وصلنا بامان هو مش امان اوي يعني بس المهم اننا وصلنا لالدور الاول، ادم وصل الاول و بعد كده انا اتنطرت جمبه ، فضلنا انا و هو نايمين علي الارض و بصين للسقف، كنا في حالة صدمة تامة

ادم: ادي اخرة اللي يحاول يساعدك

ريم: ماحدش قالك تشلني

ادم: الحق عليا حبيت اعمل خير فيكي

ريم: لو ده تعريف الخير عندك يبقي ماتعملش فيا خير تاني

ادم: اااه انا طاقتي كلها راحت في الوقعة دي

ريم: بس تصدق كانت ممتعة
ادم لف وشه و بصلي و انا لفتله وشي ،كان وشه شبه خالي من التعبيرات

ادم: -_- اراجل

ريم: اولية

ادم: -_- ، بس تصدقي بعد اعادة النظر في الموضوع اكتشفت انها كانت فعلا ممتعة
بصتله الاول باستغراب و فضلنا باصين لبعض شوية و بعد كده فتحنا احنا الاتنين في الضحك
#ادم
فضلنا نضحك شوية و بعد كده لقيت ريم عنيها قفلت و نامت، شكلها مسالم اوي و هي نايمة، احسن حاجة ان بؤها مقفول و مابترميش السهام اللي بترميها من لسانها، بعد شوية نعست و نمت
#ريم
فتحت عيني براحة، و بعد كده وشي احمر جدا، كنت انا و ادم وشوشنا قريبة لبعض و ماسكين بايد بعض، ادم فتح عينه و انا هو فضلنا باصين لبعض بدهشة لثانيتين

ريم مرة واحدة و بصوت عالي: عاااااااااااااا
ادم اتنفض من مكانه و بعد عني بسرعة و فضل قاعد علي الارض و انا قمت قعدت بسرعة

ادم: ايه اللي انت عملتيه ده؟!!! انت فزعتينييييي

ريم: اعملك ايه يعني؟! مش ذنبي، انت اللي شكلك بيخض و بيخوف، سلام قول من رب رحيم، انصرف! انصرف!

ادم: انت شايفاني عفريت ولا ايه؟!

ريم: لا، لا طبعا، العفاريت تزعل

ادم: -_- ، بطلي تقصفي جبهتي

ريم: انت اللي مش محصنها كويس

ادم: ايا يكن، هو دلوقتي الساعة كام؟!

ريم: اممم معرفش
ادم طلع موبايله من جيبه

ادم: كويس انه ماتكسرش
بص ادم في الموبايل و وشه قلب اصفر