#ريم
اسمي ريم
عايشة مع اهلي في مصر، حياتي عادية مافيش شيئ مختلف، متفوقة في دراستي
و السنة دي انا في 3 ثانوي السنة الفيصل، والحمدلله نجحت و جبت مجموع عالي
بعد ما ظهرت النتيجة بيوم
نداني والدي و قالي انه عايز يتكلم معايا
روحت و قعدت معاه
بابا : امبارح اتصل صديق طفولتي يوسف اللي عايش في كوريا و باركلي
ريم: الله يبارك فيه هو ده الموضوع؟!
-لا في موضوع تاني
=ايه هو؟
- انت ما شاء الله كبرتي وبقيتي عروسة بس انا ماكنتش عايز اكلمك في الموضوع ده الا لما تخلصي ثانوي علشان كنت عايزك تركزي في مذاكرتك
=بصراحة يا بابا انا مش فاهمة قصدك ايه وايه علاقة صاحبك بالكلام ده
- ما هو كلمني امبارح يباركلي ويطلب ايدك لابنه
........................................................................
علي الجانب الاخر في سيول
#ادم
انا مش مصدق اني جبت النتيجة دي!!!
ماحدش اصلا مصدق ان انا و صحابي جبنا مجاميع كويسة، ماعدا جين هو ده اللي كان نتيجته متوقعة، ماقدرش اقول غير ان دي فايدة الغش، خرجت مع يونغ هوا و جين هو صحابي و يونا حبيبتي علشان نحتفل، وبعد ليلة طويلة رجعت البيت، اففففف اكتر مكان مابطقهوش، بره البيت بختلط بالناس هنا في كوريا و بتكلم بلغتهم، جوه البيت لازم اتكلم لهجة بابا، المصري، حتي امي اللي هي كورية علمها مصري، ده كله علشان يحافظ علي ثقافته او ايا يكن اللي بيقوله ده، دخلت البيت، و قفلت الباب و لسه بلف لقيته في وشي، اتنفضت من مكاني
ادم : ايه الهزار ده؟! فزعتني! انت ليه قاعد لحد دلوقتي؟!
يوسف:انا مستنيك
= اشمعنا؟
- في موضوع مهم عايز اكلمك فيه
=ايه هو؟
-عارف انس صاحبي من زمان اللي كلمتك عليه ؟
استغربت جدا سبب السؤال يعني هو قاعد ده كله وفزعني علشان يكلمني عنصاحبه اللي حكالي عنه الف مرة قبل كده لحد ما زهقت منه! نفسي يفهم اني مش مهتم لا بماضيه ولا بصحابه ولا بفترات حنينه لبلاد وناسه والكلام اللي بيقعد يقوله ده بس حاليا انا في مزاج كويس ومش عايز ابوظه بالجدال معاه فهسايره وخلاص
ادم: ايوة ماله
-انا عايزك تتجوز بنته
أنت تقرأ
(جاري التعديل)كذبتنا♡our lie
Romanceايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
