(جاري التعديل)كذبتنا♡our lie

☆جامعة☆

#ريم:
صحيت بدري و نطيت من السرير
فتحت الستاير و الشباك
الشمس و الهوا كانوا تشحفة
انا اول مرة اصحي بنشاط كده
اتوضيت و صليت الصبح
و جهزت علشان اروح الجامعة
بعد كده نزلت تحت علشان اصحي ادم
دخلت الصالة كان هو نايم علي كنبة
امممم انا عارفة كويس اصحيه ازاي
و ابتسمت الابتسامة الشريرة

ريم بصوت عالي اوي: ااااادااااام اصحي اصحي بسرعة بسرعة اااااداااام قوووم يلاااا مافيش ووووقت ادم ادم
لقيته مرة واحدة اتنفض و نط من علي الكنبة
و قعد يتلفت يمين و شمال و هو مفتح عينه حاجة بسيطة اوي

ادم: في ايه؟! في ايه؟!
و انا اترميت علي الارض من كتر الضحك
ادم استدرك الموضوع و بطل يبص حوليه و لف و بصلي

ادم: هو انت؟!
اترمي علي الكنبة و حط ايده علي راسه

ادم: اااه انت بجد مش معقولة، انا باخد نفسي بالعافية

ريم: اااه ههههههههههه انا اللي مش قادرة اخد نفسي من كتر الضحك هههههههههه منظرك كان رهييييييب ههههههههههههههه

ادم بعصبية : رهيب؟! انت كنت هتقتليني!!!

ريم: ههههههه ما تبالغش ده حتي مفيد للقلب

ادم: ده اللي هو ازاي؟!

ريم: بينشط عضلة القلب

ادم بعصبية: تقصدي بيوقف القلب، هو انت ماتعرفيش تصحيني عدل ابداا؟! لاتكوبي عليا مايه متلجة لا تجبيلي سكتة قلبية!!!

ريم: انا بستخدم الطرق الاسرع مش اكتر

ادم: يا خوفي من طرقك السريعة الجاية

ريم: امممم هنشوف ، دلوقتي اطلع يلا غير هدومك علشان نروح الجاااااامعععة ^_^

ادم: انت عاملة زي عيلة صغيرة رايحة الملاهي
و سابني و طلع فوق
انا مش طفلة هيه انا بس متحمسة
كائن كئيييييب
خلص لبس و نزل
بعد كده ركبنا العربية علشان نروح الجامعة

ادم: انت فاكرة كويس اللي قلتهولك امبارح؟

ريم: ايوة

ادم: امال ليه لابسة الخاتم

ريم: يعني ده مش هيأثر في حاجة

ادم: لا احسن انك تقلعيه

ريم: افففف ماشي
قلعته و حطيته في الشنطة بتاعتي
و احنا ماشيين مرة واحدة
ادم وقف و ركن علي جنب

ادم: انزلي

ريم: نعم؟!!!!

ادم: بقولك انزلي لان ماينفعش اخش انا و انت الجامعة مع بعض

ريم: طيب علي الاقل نزلني قريب شوية من الجامعة

ادم: اقرب من كده هيكون خطر و بعدين انت تقدري تشوفي الجامعة من هنا امشي في اتجاها