جهة ريم:
انا لحد دلوقتي مش قادرة اصدق اللي حصل ده كله ما قدرش اقول غير الحمد لله انا عندي احساس كبير ان ربنا كاتبلوه الهداية اتمني ده فعلا
كنا لسه نعسانين احنا الاتنين و ادم كان مرهق من كتر العياط
ريم: بما اني شخص كريم جدا فأنا هخليك تنام علي السرير النهاردة لاحظ اني لسه ما نمتش عليه لحد دلوقتي
ادم اكتفي بس بالابتسام واضح انه كان تعبان جدا و طاقته كلها راحت بسبب كل اللي حصل
ساعدته يقوم و انه يطلع فوق و نام علي السرير و غطيته
جهة ادم:
انا بجد نسيت اخر مرة حد غطاني قبل ما انام
و فجأة ريم حطت ايديها علي راسي و بصتلي بعطف
ريم بصوت مليان بالاهتمام و الحنان: ربنا يهديك
حسيت بحاجة غريبة حسيت بنبضة جامدة في قلبي
و حسيت كمان كإنها زي امي
ابتسمت و غمضت عيني و روحت في نوم عميق عمري ما نمت بالراحة ديه من ساعت ما كنت طفل
جهة ريم:
هم واضح ان هو مرتاح اوي في النوم ده نوم بسرعة رهيبة
اخدت مخدة من علي السرير و نمت انا علي الارض بالطرحة
بعد ما اتأكدت انها مش هتتخلع و انا نايمة
و روحت في سابع نومة
صحيت علي حد بيهزني جامد و بيحاول يصحيني
اااه انا مش قادرة افتح عيني و الكائن الرخم ده مش راضي يسبني في حالي
ما بدهاش
و جنت علي نفسها براقش
اي يكن اللي بيصحيني ده فهو اللي جابه لنفسه لانه ازعج الاسد في نومه
فتحت عيني بالعافية و قمت اتنفضت قعدت و بأعلي طبقة صوتية عندي
ريم بصوت عالي جدا: اييييه في ايييييه
كنت حاسة اني خللص هنفجر من الغضب بصيت جنبي
لقيت ادم اتنفض و بعد عني و قعد يبصلي بفزع و استغراب
ادم: انت اللي في ايه انت فزعتيني في حد يصحي كده
و بعدين انت اصلا ضئيلة الصوت ده كله طلع منين
ريم برضه بصوت عالي: انت اللي في ايه ولا كأنك بتهز شوال مش بني ادمة هنا و انا مش ضئيلة فهمت؟
ادم: ما هو لو انت نومك زي بقيت البشر العاديين و بتصحي علي طول ما كنتش قعدت اهزك جامد
ريم بصوت عالي و رافعة حاجبها الشمال: و انت اصلا بتصحيني ليه
ادم: اصل انا صاحي من بدري و مليت فقلت اصحيكي تسليني شوية
أنت تقرأ
(جاري التعديل)كذبتنا♡our lie
Romanceايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
