#ريم
حسيت فجأة بحاجة بتهزني و سمعت صوت بينادي عليا
ادم: اصحي يا ريم اصحيييييي
فتحت عيني و فضلت متنحة شوية لحد ما ادركت انه ادم
اتنفضت بسرعة و قمت قعدت علي السرير
ريم بزعيق: انت ازاي تخش هنا؟!!!!!
بعد كده ادركت اني نسيت اقلع الطرحة امبارح فهديت
ادم بسرعة و صوت عالي: مش وقت الكلام ده قومي يلا هنتأخر علي المقابلة
نطيت من علي السرير
ريم: ايييييييييه؟!!!!
ادم بزعيق: انا مش قادر افهم انت بتنامي ولا بتموتي ؟!!!
نفسي اعرف ايه لازمة المنبه اللي انت ظابتاه ده؟!!
انا اللي نايم تحت سمعته و صحيت و انت اللي حطاه جمبك نايمة هنا زي القتيلة ما فتحتيش عينك و قفلتيها تاني حتي
ده لو جبت دي جي و حطيته جمبك و شغلته علي اعلي حاجة مش هتصحي برضه
ريم بصوت عالي: اييييييييييييه ؟!! في ايييييه ؟!ده كله علشان نومي تقيل شوية
ادم: ايه؟ ايه؟ شوية؟!!!!
ريم: خلينا عمالين نتخانق علي نومي لحد ما تضيع علينا المقابلة
و مستقبلنا يضييييييع
ادم: ااااه صح يلا بسرعة نلبس
لبست بسرعة و نزلت تحت كان ادم خلص لبس
واو لا بجد واو كان لابس قميص بني كروهات بخطوط بيضة واللياقة و الاكمام بني سادة
مع بنطلون بيج
كان شكله وسيم اوي
ايه ده هش هش
ايه الافكار ديه
قال وسيم قال
من بره هلاهلا و من جوه يعلم الله
ريم: يلا بينا
ادم: واو شيك الطقم بتاعك
اوووه ايه الاحراج ده
ريم بصوت واطي: احم و طقمك انت كمان
ادم ضحك ضحكة غرور
ادم: قولتي ايه؟ ما سمعتش كويس
ريم: انت سمعت و لو ما سمعتش يبقي احسن
#ادم:
هههه هي فعلا ظريفة
بحب اغيظها مش عارف ليه
لقيت نفسي ببتسم لوحدي
ايه ده هو بيحصلي ايه؟
ارجع لعقلك يا ادم و اركز
طلعت انا و ريم بره و ركبنا العربية
و طلعت علي الجامعة
لقيت بابا مستنينا هناك ايه الاحراج ده
هو مش عارف اننا داخلين الجامعة مش محتاجين ولي امرنا معانا اففففف
ركنت العربية و نزلت و روحنا انا و ريم لعنده
ريم: ازيك يا بابا عامل ايه
يوسف : كويس الحمد لله
ريم: انت ليه تعبت نفسك بس و جيت
يوسف: حسيت اني لو كنت هنا هيخف توتري شوية
ريم: يعني تكون في قلب الحدث
أنت تقرأ
(جاري التعديل)كذبتنا♡our lie
عاطفيةايه اللي ممكن يحصل لما يجتمع حضارتين و فكرين مختلفين تماما مع بعض ....... لما تكون حياتك عادية جدا و فجأة تتقلب 180° و كل حاجة تبقي معقدة........... بلد غريب و جديد اول مرة في الجامعة ما فيش صحاب ولا قرايب ده كله بالاضافة لكذبة كبيرة..........(قيد ا...
