بعيداً عن دار السلام

الخامس والعشرون

ماهر~

النوم جافاني.. رغم التعب الي احسه.. والالم

الي يدك بعظامي وعضلاتي.. بس ماكدرت انام..

كلمتها طيرت برج من عقلي..ظليت انتظر..

الاسد يكعد ويكعدها.. هلمرة استفرد بيها..

مايهمني احد..

بس حتى الاسد نايم تعبان.. واعاين عليها مبرومة

نفس برمتها ونايمه..الكل ذاب نفسه.. بس انه

سلبت النوم من عيني وهي متختخه ونايمة..

تحلفت الها من نرد لبيتنا.. اطلع ضيم كلبي بيها..

صار اذان الفجر.. ردت اكومن ماكدرت...

الحجية هم كعدت انتبهت علي كاعد

كالت : شمالك صاحي.. يمه وجعان..

رديت : لا بس ردت اصلي. وماكدرت اكومن وحدي

ردت : تعال انه اسندك

: حجية.. هو انتي تردين ادمي يسندج.."بخبث"

كعديلي اسيل تستدني

الحجية ندهت على اسيل وعلى منى

ماكعدن ذابات روحهن..

الحجية كالت : المفلوكات مايحسن..

كتلها : مونوم غيبوبه..تركيهن.. بس ناوشيني

عوجيتج

كامت انطتها الي..

وتسندت عليه وكمت توضيت وصليت...

رجعت تمددت غفيتلي شوي..

والصبح صحيت علي صوت الاسد يبجي..

وهي تسكت بي جاي تطلع

صحت : تعاي لا تطلعين.. رضعي هنا

كالت وخدودها محمرات : ها كاعد صباح الخير

ردت وانه رافع حاجبي : صباح النور.. يله رضعي

فرفح من البجي

كعدت بفراشها رضعته

وانه اراقبها.. وهي بدت تحمر.. خدودها وخشمها

وحتى كصتها انصبغت.. عرفت خجلت

دخلت منى نقذتها

كالت : يله تعالو تريكوا..

اجت سندتني ورحنه للهول يمهم

وراها بشوي جتي اسيل والاسد..

كعدت فوك اتريك والحجيه ويايه..

ردت بس نرجع لبيتنا روحي طارت.. كلما اشوفها

كدامي..

اهلي جلبوا على الغده.. وانه دكيت رجل الا ارجع

رجعنه واول مادخلنه للبيت..

حظرتلي الحمام.. ودخلت اسبح..