بعيداً عن دار السلام

الرابع عشر

مانطق ولا كلمة ملامحه بهتت

بمجرد مانطقت الحجية : حرمتك حبله

انصدم ورغم الهلاهل والهوسه فصل عن العالم

جنت مراقبة كل الريكشنات مالته

تفاجئت لان مافرح "حسيت بشعور محلو"

بس من صاحني وراه تعاي

فصلت احساسي ورحت وراه

دخلت لشقه  كاعد على قنفة

لكيت يدخن بشراهه غريبه.. رجله تهتز بتوتر

وعيونه من رفعها الي

تررعب عبالك جمرة

احساسي رجع

نطق : شكد عليج

كتله : بالشهر الاول

: ماتردينه.. "تدارك نفسه وكال بتوتر "

لان دراسه ويلهيج.. اذا هاي شسمه.. ءء تنزلي..

طعنة بالصميم....

واكفه مبهوته

شديحجي هذا... غبي اني ظليت كل هلاشهر اتحسر

على طفل ومن ربي اكرمني انزله "صدمة جديدة"

رديت وغير مصدقة لمايدور هنا : تشاقة اكيد

رفع نظره َوصفن ثم كام بقوة وكأنه تذكر شي

:الدوة مالتج مال فقر دم تبلعي بنتظام

رديت بلا مبالاة واني بالي بالكلام السم النطقة

: لا خلص من زمان وكلت ميحتاج اجدده

رد بغضب : ليشش ماكتيلي من خلص... هاا انه مو منبه عليج من تخلصيي تحجيين..

كتله بستغراب : صارلي هواي عليه مستمرة.. وشفت

نفسي زينه ماحتاج  بس بالعزيمة دخت وعبالي رجع

باوعتله يتنفس بغضب  وكأنه ينفخ نار مع انفاسة

والجكارة  بيده

هي وملتهبه لزمها مردها بيده

شهكت بخوووف عليه بس الساني انلجم ماكدرت

انطق حفت من شكله

حسيته بركان  دفر الميز كدامه

اخذه سويجه سريع وطلع

ظليت بمكاني شنو  الي ضوجة.. معقوله ميريد حمل

لَو لان هملت صحتي والفقر الدم

ظليت متوتره

عاد لهيت نفسي بالمحاظرات

لان تراكمن عليه من وره وكعة هادي

وعلى ذكر هادي.. تحسن شويه

وينتظرون الوقت المناسب علمود يسوله