بعيداً عن دار السلام

الثامن عشر

ظهرت كدامي لوحة

"بغداد تودعكم"

شكم مرة راح افاركج يابغداد

ويمكن هلمرة الفراك يصير ابدي

تحرك ابني بحضني معلن عن وجوده وصحوته

وراح يهرجنه هرج بالبجي والعياط يريد يرضع لو

يلعب
ظليت اسكت بي مايقبل يسكت صرعني

عرفته جاع بس ديسوق ماكدر ارضعه خاف يغص

عاد هو كال : رضعي.. فرفح من البجي
. كتله : اوكف على صفحة.. خاف يغص من الطسات..

بدون مايجاوب انحرف عن الطريق العام

ودخلنه بطريق صحراوي

مشه بمسافة بعيدة نوعاً ما عن الخط العام

وكف السيارة عاد

بديت ارضعه لارنوبي

وهو نزل يدخن " همزين عنده شويه احساس.. مو نوصل يخلصن.."

ارنوبي عاف الرضاعه وكام ينوص

كتله : لج ارنوبة ترا اعضج .. بعدك فصمه ومترضه ع ابوك..  لو كبرت شلون

كام يناغيلي
رديت : اي يمه همزين سرحن خبالاتك انت وابوك

مبين شبع.

اشو عدلت ملابسي وكام يبجي

: افف شكد تتنعوص... يله ماما يله لتزعل عبالي

شبعت

رجعت طلعت صدري ودارضعه جفت ماهر

يمه هبطت هبطه.. بسرعه غطيت نفسي

وهذا خبصني بس يبجي

رضعته ونام.. كملنه طريقنه وانيهم غفيت اني وحاضنته

خفت اوكعه من ايدي

ف همست قبل لا اغفي :  عود انتبه خاف يفلت من ايدي

كال بتمته :اخ بويه.. تنابل انتي وابنج..

مالحكت ارد عليه لان داهمني  النوم

بعد فترة من الوقت وصلنه

وارنوبي ضاج ويبجي لان جاع ويحتاجله تبديل

طبيت للبيت وسلمت جان كلهم نفس تعاملهم

القديم مامتغيره شي.. بس منى حضنتني وتبوس

بيه وبارنوبي

وخالتي شافته يبجي

رئساََ سئلت : ليش يبجي.. شماله

رديت : جان نايم وكعد.. هسه ابدله وارضعه

عاد انطته اليه وكومتني قابضاً

بدلتله ورضعته وكوه قبل يرضع... جان زعلان

لان اخرته.. "شسويله الوكح.. غير دانسلم ع