بعيداً عن دار السلام

السادس

كعدت من النوم اخذتلي صفنة داتذكر اني منو
وشجابني هنا " فقدان ذاكرة مؤقت بعد ماكعد من النوم" يستمر لمده ٥ دقايق وارجع طبيعي
عاد كمت

مسطورة واتطوطح وعظامي احسهن مفككات.
كمت توضيت وصليت

العصر وظليت كاعده بمكان صلاتي

قريت الاذكار وره الصلاة وصنهرت " هذا الصفنة

الثانية" عاد نزلت لكيتهم ديشربون جاي ودياكلون

كيك من الي سويته" لان سويت كميات هواي

الاغلب دزيته لبيت ماهر" وبقيت شويه النه
عاد رحت رئساً

كعدت يم بابا وهو تلقائياََ حضني

وماما صبتلي جاي وانطتني قطعة كيك

وبابا كالي : حبيبتي شلون صرتي

: زينه الحمدلله،، بس احس بخمول

باسني براسي : اخذج اليوم لدكتوره

: لا ماريد،، بوسني بعد واصير زينه

: الف طلب مثل هلطلب

لميعه ماحجت اليوم مناكرتني لان مريضه.

ومهند كال : باع الوكية،، ظلي تنعوصي وتلوكي وخلي سعد مايندل دربه

اسيل : بابا شوفه

بابا باسني ويمسح على شعري : مهند بويه عوف اميرتي

مهند : يابه خلي اميرتك تصبلي غده ترا ميت جوع

لميعة : يمه اني اصبلك اليوم اسيل مريضه

مهاا دخلت للهول وكالت : الله ربج اسيل،، اليوم اعفاء من الجهات العليا لا شغل ولا مداهر

اسيل بضجر : سعودي شوفهم شلون ديضوجوني ،،

سعد رد : يغارون منج اميرتي

اجتي مها : بس هي اميرتك والله زعلت
ابويه حضنها من الجهة الثانيه وظل يراضي بيها

مهند : يابه الله يساعدك على هلدوخه،،

سعد : لك ذني راحة بالي،، هسه تصير عندك بنيه وتشوف

مهند : بس تصير عندي اخليك انتي تربي وتدلل مالي خلكها اني

اسيل : لا بله،، هو اني مها كوه متحملتها انوب تجيبلي وحدة ثانيه تشاركني بابويه،، لا حبيبي بنتك انت ربيها