بعيداً عن دار السلام

الثالث والعشرون

رجعنه العصر لبيتنه..

ماهر كال : حظري ملابسنه..

سئلته:  شكد نبقه

رد : مدري.. بس حطي ملابس مال جم يوم

هزيت راسي..

وحظرت ملابس ليث بجنطه وحد..

وغراضنا صارت جنطتين.. راد نطلع بليل

بس مقبلت.. لان نتعب ورانه طريق..

رحت عزلت الثلاجة.. ونظفتها..

والمجمدة هم.. عزلتها.. لان مالحكت عليهن البارحة

خلصتهن.. وداسوي عشه..

ماقبل كال : اجيب من برا..

كيفت لان مالي واهس..كلش متكئبة..

مها ومهند كلساع يخابروني.. ومبين حالهم مو

احسن من حالي.. كلبي نار على امي وابويه..

اريد اعرف اخبارهم.. بس مداكدر اسئل.. الكلام..

ينكسر ببلعومي واسكت.. مها عرفت جان تكولي..

"كلنه بخيرر.. وزينين بس ناقصنه وجودج"..

اجه ماهر.. وحطينه العشى.. اكلت شويه ومكدرت..

هو عينه عليه.. بس ابد ماحجى.. وجان افضل..

لان مالي خلك حتى للكلام.. بحيث ارنوبي يهوس..

ويدفر بيه.. واني بس اباوعله..

وره العشه..

كال : بدلي..نطلع..ونفر ليث هم

هزيت راسي.. ورحت بدلت.. وطلعنه..

ظلينه نفتر.. وداني حدايق ونزلنه افترينه بيها..

وارنوبي انطلق.. حبيبي يموت ع طلعات.. صاير..

اذا اجه ابوه يظل يبجي تعال طلعني.. وهو ياخذه..

ويطلع بي برا..

وراها اخذني لمحلات قريبة..

كال : شوفي اذا محتاجه شي..

رغم جنت مامحتاجة.. بس دخلت.. ظليت افتر

واكلب وطلعت محملة علاليك..لان حسيت نفسي..

احتاج كم شغله بما ان عدنا سفر..

ركبنه بسيارة.. وتذكرت مامسويه معجنات لطريق..

خاف نجوع.. لان الطريق من جنوب العراق لحد

الشمال.. راح نفحط..

كتله وكال : ميحتاج.. المطاعم كومة..

عاد سكتت رجعنه.. للبيت.. تأكدت من غراضنه..

وحظرت الي راح نلبسهن باجر.. وردنه نام من وكت..

بس الارنوب عنفص علينه..يدور لعب..