بعيداً عن دار السلام

الرابع

،
،

الساعة ٤ عصراً / بغداد / بيت ابو مهند
وكفات اني ومها على الشباك دنباوع على الحشود الي دتدخل لبيتنا
عيوني رادت تطلع من مكانها  ضربت خدودي واني اكول : دخيلك ياربي... شهلورطة الي وكعت بيها
ساعة السودة الي شافني بيها
مها مرتبكة وتاكل بأظافرها : اووف صدك ورطة... لج اسيل بابا اذا رفض كدام هلحشود والله يصير علج بحلك الناس... شلون بيج  شلون٥بابويه
: عزه بعيني.. لج مها ماريد اتزوج.. عفيه دبريني شسوي... شهلورطه الي تورطت بيها اني
صاحتنه امي وجها اصفر
كالت : ركض الكتلي الجبير طلعي من المخزن تلكين اثنين كبار كلش جيبيهن
راحت مها ركض واني دزتني اطلع ستكانات.
طبيت للمطبخ  نحظر الجاي ونرجع ليوره.
ومهند اجه هو ومحمد
لان صهيب دزوا لبيت جده بدون ميدري بيهم جايين.
لان بعد ماسولفت لابويه راح هد عليه وكله بعد بيتي متوصله وتنسه شي اسمه اسيل وهم رافع صوته على ابوية  لذلك بابا ضاج منه وعمي فشلان خطيه بس شيسوي لابن الاثول.
المهم مهند وجهة مايكصه السيف.
ومتخبل َعلى اخر
لان فعلاً حصرونه بركن ضيق
جايبين شيوخ واوادم بكد النمل وإضافة الى
تنازل عن الشكوه ضد مهند وانطاه مهله شوكت ميريد يسددهن براحته حتى لو ماسددهن هم مومشكلة واضافة الى خفض المبلغ
كله علمود الاميرة ديانا الي هي حضرتي
يعني اني لو العريس شايفني وذابح نفسه عليه
مانقهر اقلها ترتفع معنوياتي واحس روحي مهمه.
الي ذابحه نفسه عليه ابو العريس
ياخي فتحتله الباب وجفلته ونعجب بيه
ولطش الا يزوجني لابنه
اففف بابا يكول خوش ناس رغم ابنهم عكرة. بس كال حقه بوقتها لان حلاله ضاع
بينما من شايفينه بالمرتين لا اسلوبه زين وياهم.
حتى مهند كال رغم حاقد عليه.. بس قبل الحادث
جان مخلينه براحته وراتب زين ومرتاحين وياه ماامتعبنه
لذلك اهلي بدوه يرضون بس اني خايفه
وداحس هذي جيتهم القشه الى قسمت ظهر البعير
اخخخ بسلا  اني البعير ... لا يمه العريس هو البعير واني القشة

حظرنه الجاي
ونسمع الاصوات تعلى وتنخفض
واني كلبي وياهن شغال
وماما وجها اصفر وتروح وترجع تجلف بهلمواعين
وتطلع توترها بيهن
ومها تاكل اضافيرها
واني مصنهره وكاعده بالكاع من الخوف جسمي ميتحرك اتصلب
لما طلعوا وراحوا
جد جدي انصمط
المهم بس راحووا عمي اخذ ابنه وراح
وبقينه احنه كاعدين
ناس تباوع على ناس
ابويه متردد لان ميريد يجبرني على شي والشيوخ وهذولا الزلم حرجو وخلوه امام الامر الواقع
لميعة : ابومهند شو ساكت من دخلت لحد هسه.
تنهد : والله صطروني صطر... منين ماجيبهم يجوني
لميعة : وهسه شنو لصفت دكولي مو دمي نشف
مهند : ابوماهر.. يريد يجي هو والنسوان ديشوفون اسيل وتتعرفون عليهم...
لَميعة : هاا خوش.. واذا معجبونه
ابومهند : يصير خير بعدين... هسه نستقبلهم والله كريم
خفت كلش من جيتهم ومرتبكة وشكو شعور مقرف تلبسني ياخي ماحب هلسوالف مال نسوان ويشوفن ويفحصن...
بابا كالي : هاا بنيتي شنو رائيج.
باوعتله وكلت : يعني الا يجون واشوفهم.. مداحب هالسالفة مال اطلعلهم ويظلون يباوعون عليه
بابا : يابويه والله حرجوني... شسوي بعد... لوما خاطر ابو ماهر وهو معرفة قديمة واله وكفات حلوة
جان رفضت من اول مافتح الموضوع
سكتت عاد شكول بعد
،
،
،