بعيداً عن دار السلام

التاسع

فتحت عيوني

على دغدغة انفاسه لبشرتي

وجهه كلش قريب مني

ظليت اتأملة بهدوء

فجاءة  فتح عيونه .. جفلت.

واختض جسمي...

همس  :  انه اخوف لهدرجة

رديت : لا بس متوقعتك كاعد

: هممم... صباح الخير

رديت : صباح النور

نهض نفسه وكام : حضريلي ملابسي

كمت وشعري مفلول

طلعت ملابسه ورحت للحمام وهو ظل بالغرفة

دخلت اعلكهن وماحس بي

الا بظهري " عبالك ظل.. من يمشي ماحس بي"

اني من غبائي هم جفلت

كال وهو حضني من ظهري

: هاا هم خفتي ..

رديت وخجلانه كلششش من غبائي وموقفنه

:  ماحسيت بيك... عبالي بالغرفة.. انت من تمشي متطلع صوت

رد احس بأنفاسه تضرب بخصلات شعري

" يمكن ديشم شعري " : همم.. بويه انتي تفهين... وماتحسين...

بنبره لعوبة كمل : همم... ناويه تسبحيني

شهكت وكلت بسرعه :  لااا

كال : جاا.. ليش معطلتني .. ورأي شغل

يمه " فشلت... صدك فاهيه وحمارة..."

فلتت ايده مني

وطلعت ركض واني

اسمع ضحكة رجوليه انسابت بانحاء المكان

خفق قلبي لها...  وصفنت "هلايام كلبي مديكعد راحة... مدري شجراله"

كمل وحضرت ملابسي وملابسه

من طلع

دخلت بسرعه

سبحت سريع

ونشفت جسمي ورطبته

اذا ما ارطبه رئساً بشرتي تتيبس وتصير حمره

اعتقد من وره الغسولات الي كمت استخدمها