بعيداً عن دار السلام

الثالث

لا أحـَد يَفهَمُ مَـشاعِرنا بِالضَبط ، إلّا الله
#بريق_الجبوري
.
.
.
اسيل تفتر بتوتر ومها لازمة التلفون وتتصل
لحد ما سمعوا الباب اندكت
وتلفون مها دك رقم امها
راحت اسيل تركض فتحت الباب
ونصدمت بشكل امها وجهه احمر وسانديها صهيب وابو مهند
اسيل لزمت امها بدال صهيب وهو ابتعد
: عززززه بعيني .. ماما شبيج .. شصاير عفيه احجي كلبي وكع
ابو مهند بحيل مهدود : دخلي امج جوه تعبانه
دخلوا جوه واجتهم مها نفس الصدمة
بس راحت تركض جابت مي وغسلت وجه امها الي بس تبجي
اسيل كامت تنزل دموعها وياه دموع امها : الله يخليكم احجووا
شصاير .. وين هنودي .. ليش ما اجه
صهيب فهم البنات الوضع وطلن يبجن مقهورات
لميعة تبجي بقهر : سعد فدوة اروحلك لاتعوفه .. طلعه لو اعرف ابيع البيت واكعد بشارع بس اريد ابني .. هذا سندي ولك سعد
ابو مهند بقهر وجها اصفر : ماعوفه .. ان شاء الله اطلعه وارجعله االج
صهيب : عمي بس تعال احجي وياك بره
طلعواا بره يحجون
: عمي سئلت كالوا نكدر نطلعه بكفاله .. هسه اني راح اطلع ادور كفيل واحد من جماعتي
ابو مهند رد الدم بوجهه : صدك ابني .. لعد ليش مابشرتني
صهيب : عمي مو الا الكه كفيل يله .. المهم هسه اترخص .. وانت وعمتي لاتقهرون روحكم اطمئن محلوله ان شاء الله روح طمنهم
ابو مهند : الله يطمئن كلبك .. الله وياك وليدي
طلع صهيب وطب ابو مهند بشرهن عاد شويه ارتاحوا
وره يومين
عاشوها بقلق لكوا كفيل خطيب مها
وكدر يطلعه بس وصلهم للبيت واستأذن منهم على العصر يجيهم
واكفين بالباب ينتظرونه بس البنات ديحظرن الغده
طب ملهوف على امه حضنها وهي تشم بي وتبجي بقهر
وانوب اجني البنات يركضن لحضنه باسهن براسهن
ولميعه عاطت بيهن : امشن اركضن حظرن ملابسه ديغسل وحده تحظر الغده .. 
عاد بيت عمه سلموا عليه واستأذنوا وبقوا بس العائله
.
.
.
.
وره كم يوم اجاهم رجال من طرف ماهر
بلغهم يريد يتفاهم وياهم
استبشر ابو مهند خير بهلمقابله عسى ولعل يخفف المبلغ او يعرف ابنه مظلوم
راح هو واخوه وصهيب بس ماقبلوا صهيب يدخل خاف يتهور
دخلوا لمكتبه بس الامل والتفائل الي بكلب ابو مهند
اختفى بمجرد النظر للكتلة النار المتمركزة خلف المكتب
بعد السلام
دخل مباشرتا
: يمتى ناوين تسلمون المبلغ
ابومهند : بويه الولد مظلوم مو بس هو يشغل هنا وياه تلاثه ليش التهمة لزكت بي غير نفتهم
ماهر سكت للحظات تحسهم دهر
ونطق : هو اعترف
ابوصهيب : يابويه .. انت سئلته هو قابل يجذب عليك .. اذا ذولاك جذبوا ابنه نطقله كلمة انذبت براسه
ماهر : انه جبتكم ... لان اريد المبلغ
ابومهند : بويه المبلغ يكسر الظهر منين اجيب اني
ماهر بستفزاز وبرود : حجي الاهمال وخيانة الامانه ثمنها غالي  .. او السجن يتنظره
ابوصهيب : وليدي ماينفع هذا الكلام .. الحك يكول ينقسم بينهم المبلغ مو كله براس هلمكرود
ماهر باوع لساعته : ماعندي غير هذا الكلام.. استأذن عندي شغله بعد اقل الدقيقة
ظلوا مبهوتين لوقاحته وعدم احترامه لعمرهم
وطلعوا اعصابهم فايره