بعيداً عن دار السلام

الخامس

بعد مرور ايام

كاعده انتظر النتيجة.

مهند راح دجيبها اليه ومتوتره كلشش.

خابرته

: الوو هااا هنودي بشر..
: بعدني دانتظر تطلع

: اففف شوكت تطلع حموت خوف

: يله شويه واتصل بيج،،
سده وراح.

وظليت احوص خبصت البيت خبص من الصبح لحد هسه بحيث امي كلساع تعيط بيه.

وتكول : لج خبصتيني،، لو مسويتلج شغله احسن من هلروحه والرده.

: ،،، استغفر الله ميخلون الواحد يتوتر براحته بكلشي واسيل تعاي اشتغلي

لميعه هزت ايدها ومشت..

ومها خابرت ياسر هم بلكت يطلعلي النتيجة. بس بعده كال مديحمل الرابط

واني ماكله هوى.

اندكت الباب بقووه  ورحت ركض دافتح وعطت

: هذااا مهند،، اكيد جابها النتيجه 

لبست شال وطرت فتحت الباب

فتحتها وطب اعصاااااار كاسح  " صهيب"

اول شي دفع الباب  قوي وثاني شي طب لطرمة

يرعد وويصيح بصوت عالي  ولازمه محمد " او ساحل محمد لان ميكدرله

: لككممم تخدعوني،،، تزوجوها وتقمشروني،،،،،، اليوم احرك البيت على روسكم  واندار عليه" ديلزمني واني خفت  ابتعدت عنه "

كال : وانتيييي،، كلبببة،، حقييررة،، من يمي تبيعين

ثكل،،، وهذاك ركضتي وافقتي،،، عندج شي وياه

مووووو،،، اي كولي بينكم علاقه  وينهم اهلج العارات

امي طلعت تركض وراها مها  عاطت بي : انجببب

لك،، بنتي اشرف منك،،،، ومن امثالك،، اطلع بره لا

اخابر عمك ومهند هسه يطلعوك سحل

عاط بأمي حيييل وهو صاير نار : انتيي سكتي طبعاً

تطمطميلها  و ذولا الي تهددين بيهم لو بيهم خيرر

مازوجها هلزواجة العارات اني اعلمهم  يسغفلوني،،

والله لاخرب هلزواجة،، واخذها اليه،، كتلكم اسيبببل

الي متصير لغيري،، بس مبين ماتفهمون الا اسويها

دمايه عليكم واشهركم بين العالم

كمل كلامه وباوعلي دفع محمد َاجه بتجاهي

داريد افلت منه للبيت وجرر ايدي وكام يسحل بيه

: امشييي ويايه،،، اليوم اطلكج منه هذا السافل  واخذج

عطت ودموعي تنزل يغزاره حسيت فعلاً حياخذني