بعيداً عن دار السلام

الثاني عشر

الساعة ٥ صباحاً

رن منبهي فتحت عيوني وسريع طفيته

لا يكعد من صوته لان نومته خفيفه

؛ شلعت نفسي شلع من الفراش لان الجو برد

والفراش دافي "افف داجاهد اني... بس مجبره"

رحت للحمام توضيت وصليت

كعدت بالهول فتحت محاظراتي

والقيت عليهن نظره

خفت يتراكمن عليه... بديت احفظ

ب ٧ الا ربع رغم ماخلصت بس ماظل وقت

توجهت للحمام وبيدي ملابسي بدلت

ورحت اكعد ماهر

كاام بعد ماصبح عليه

بديت احط مكياج وارتب وجهي

حظرته ملابسه لان فات يسيح

طلع بدل ونزلنه اخذت غراضي

لكيت حاطين الريوك..

ماكلت شي

لان علي مستعجل كال : المحاظرة تروح علينه...

عاد رحنه ودخلنه للمحاظرات

بالريست مريت لقسم منى

واخذتها ورحنه تريكنه هي" كيكة وعصير"..

اما اني لا يحبيبي ميصرفلي الكلام ده

طلبت فلافل "ماكو غيرها مع الاسف"

واكلت شويه وتركتها لان حشه النعمة "موكلش طيب... انما بس داتسد جوعي"

ردت واني بيدي الفه: منى افندي... اكول ليش تاكلين كيكة... طلعت الفه تشبه كلشي الا الاكل

ردت وهي تشرب عصير : يعني اذا كتلج موطيبه تقتنعين

رديت : لا طبعاً

: جاا ليش تلوميني

رديت بملل : افف... مداكدر اكملها... وجوعانه

كامت جابتلي كيكة وعصير

: كولي حماتي متدللني

رديت : ماكول بس انطيني

انطتنه وكعدت اكل

خلصنه الريست ورجعنه دك محاظرات

راسي انفخ... رجعنه للبيت

بدلت ونزلت داتغده بعدني باب المطبخ

واسمع خالتي تكول : بعد روحي وكليها للخاتون.. متنزل هي تصب لروحها...

منى بصوت ناصي : يمه شبيج نصي صوتج لتسمع...

بعدين اني خلصت وداصب لنفسي وهي ويايه..

شصار يعني

امها ردت بعصبيه : ماتنزل تصب هي.. لو خدامه

لخلفوها انتي .. ماوراها فايده العاكر