بعيداً عن دار السلام

العاشر

يا يوسُفيَّ الرّوح إني في هواكَ زُليخة.

متمددة بحضن امي وبطني توجعني

شرفت الافنديه " الدورة الشهرية" ومن تجي

اتنحس فدنوب واظل بس متمددة فنمت بحضن امي

وهي تلعب بشعري وتسئلني على احوالي هناك

خرطتهن كلهن الها

كالت : اكسبي رجلج وعمتج... والباقي معليج بيهم

وسئلت : والحجية

ردت : الحجية بين معدنها وياج.. وهي مالها دخل

الشور كله من راس عمتج ورجلج

رديت : اي صح والله... عمتي الامر والناهي ورجلي

ماعرف بس يعيط عليهم.. وهم يخافون من يعصب

كالت : اي يمه لعد شوره ماشي عليهم ... انتي زعلتي

منه وهو تعذرلج هاهي من ترجعين انسي

بس اتعلمي من عصبي وضايج لا تحاجي بكلمه ترا

يفرغهن بيج

رديت : شحده يمد ايده.. الا اكسرها

دمغتني براسي : اي تكسرها... هو انتي مهيوة

الفاهيه تخليج تبجين.

: يممه مابجي

:. انجبي َواكعدي... بعدين اذا

مد ايده عليج خابريني اني اطيح حظه

جريت ايدها وبستها : هذا الحجي العدل

جتي مها وكالت : ها شداتخططن...

رديت : نسيطر على مستعمرة ال مناف "جد ماهر"

مها : على ذكر المستعمرة... شدعي عليج انتي

وعيالج

: عاصفه ترابيه تمرغل بيتهم تمرغل... وكون هسه لان

يمكم وهن ينكربن بي... بس ليش

ردت : ياسر خبصني من يوم عرسج لحد هسة.. يريد يقدم الزواج...

ردت امي : مو كلتي بعد زواجكم يتأخر..

: يمعوده تخبل عليه... يكول اختج تزوجت بسرعه

ماعترضوا اهلج... علينه يعترضون

كلت : بس انتو متفقين من البداية... اني عيالي من