بعيداً عن دار السلام

الثاني

أهذه معركة ام حياة !
#بريق_الجبوري
.
.
.

يوم جديد
كعدنه من الصبح باستعداد من لموعه وسعودي
ياربي شلون يوميه من غبشه كاعدين

وانا كلعاده يوم اصير حبابه واكوم اسويلهم ريوك وعشره اعند وماكوم

ظليت اتكلب وسمعت عمتي وجهالها كعدوا
الساعه بثمانيه كلت خل انزل عندي امتحان اريد

اقره مابقه شيء ونكعد للعطله مال اربعين يوم تعرفون احم احم اني سادس ادبي

وكوه مدبرتها .. لوما زن ونصايح لميعه جان اني بعدني

اناضل بثالث متوسط

نزلت لكيتهم دينظفون عمتي وامي

لميعه : اسوله يلا امي حبيبتي كومي تريكي وساعدينه

اسيل تنهدت بملل واني اضرب على الوتر الحساس : شساعدج يمه ولله عندي امتحان يعني شلون
ابطل واكعد يله ترتاحون

لميعه بشهكة ضربت صدرها : عزه بعيني شتبطلين ... اكسر راسج غير يله روحي اقري عوفي اني اعزل

اسيل ابتسمت بنصر لان اعرف بأمي كلشي ولا تكوليلها ابطل

تريدنه نرفع راسها لان هيه انحرمت من دراستها
سويتلي لفة جبن واكلاص جاي لان مابيه حيل ازعبل ولازم انظف وراها

وخلصت بساع ورحت اقره

قريت لحد الساعه ١٢ سمعت يصيحوني

: اسيييييييييل .... لج اسيييييييييل
انهبطت نزلت ركض

: هاااااا .. هاااااا ... شكوو منو مات عزه العزاكم

عمتها :عوذا منج .. محد مات كومي ساعدينه حيجون بيت عمج على الغده

اسيل طيرت عيونها وظلت تدردم بينها وبين نفسها
لان عيب ترزل عمتها بعدهي خطار.

اسيل بصوت ناصي تمتم : افففف .. هسه تعيط وخبصتني تالي يطلع بيت عمج يجون نزلي ساعدينه "وهي تقلد صوت عمتها "

جتها دبغه على راسها من مها حزرتها معناها عيب

: لج سلوله متدرين .. مو ماما كالت لبابا على استاذ ياسر وبابا عزم عمي ديكوله ويسئلون عليه

اسيل بحماس : واووو ... اكول الانسه مها غايبه وداتنظف وهي ساكته

مها ترمش بعينها : طبعاً اذا مو لخاطر يسوري انظف لخاطر منو

اسيل تهز بيدها وتعوج بحلكها
وكمل تنظيف

صبوه غدى واجوي بيت عمهم

المكون من عمهم ومرته ولدهم اثنين واحد بكد مهند واسمه صهيب

والثاني بعمري واسمه محمد
دخلنه نسلم عليهم