إنصاف 🌻

#الحلقة 19 :

صونا تيليفون غيث
• غيث : سمحيلي دقيقة ..
• انصاف : دي وقتك ...
• غيث : ألو واه ؟ امممم صحا...صحا ... لا لا مارانيش لاهي ... أوك راني جاي 10 دقايق ونكون عندك ...ايا سلام ..
• انصاف : مالك شاكاين ؟
• غيث : عيطولي ف الجامعة
• انصاف : الجامعة ؟! علاش راك عادا تقرا
قعد يضحك ...
• غيث : حقا ما خبرتكش .. ماشي هادي خدمتي أنا أستاذ نقري الأدب العربي في الجامعة أما هادي خدمة ثانوية فقط
• انصاف : منيييييتك ؟! ما تبانش عليك ...
• غيث : خلي دهشتك لوقت وحداخر ليق نروح درك
• انصاف : والسر ؟؟
• غيث : خممي فيه مليح هههه
• انصاف : لا خبرني دؤك قبل ما تروح
• غيث : ما نقولكش
ما عيات تحلل فيه ما بغاش يقولها ، ايا كي جار خارج حكماته من يده و ما خلاتهش يخرج
• انصاف : حكيلي ...
• غيث : انصاف
نطق اسمها مع خزرة خلتها تطلقله يدها و هي ساكتة
• انصاف : صايي دوك نخمم فيه ... ، هو راح و هي قعدت تهدر مع روحها
علاش جاي واعر معايا قاع هاك ؟! زعما غير مينداك قلتله  بلي راه عاجبني ايا راه يديرلي هاك ، الرجال ازعاج ، بصح إلا غيث كل ما يعاملني ب برودة كل ما نحس ب لي اعجابي بيه زاد كبر ههههه هوسي بالشخصيات الشريرة أثر فيا بزاف ، امم جاتني فكرة مادامني قاعدة و قاتلني الفيد نشوف كاش كتاب يكون مليح للقراية ، باسكو هاداك راها باينة فيه ما راه عينه يكملي القصة ،
كانت غارقة ف تخمامها و تحوس حتى لقات كتاب يحكي على الأساطير ، كان في قنت من رف من الرفوف وهاداك الرف باين بلي مغبر جامي حوست من تما كي حلاته لقات فيه ورقة مطبقة ( مطوية ) ، و هاديك كانت صدمة اليوم ليها  ، حكمت بلاصتها ف الكونطوار و جمعت تقراها
• انصاف : يعني ...
عاود قعدت تضحك ضحكة شريرة و بلعت فمها ب يديها زعما حشمت ، طلعت تيليفونها عندها وشعلاته ، دخلت ف الNote و قعدت تشوف ب نظرة ذابلة ، اليوم تاني ...حتى لي دخلت وحدة تشري حطت تيليفونها فوق الكونطوار
• إنصاف : وي ختي فاش نقد نعاونك ؟

*** في الجهة الأخرى ***
كان غيث قاعد فالجامعة يستنى و كل 5 دقايق يشوف ف تيليفونه ، حتى لي جا الشخص لي كان يستنى فيه
• غيث : طولت ...
• ليث : داتني عيني سمحلي
جات من موراه نسيمة ضرباته ب كتاب للراس كان ف يدها
• نسيمة : نفس طبايعك حتى بعد ما راك ف الثلاثينات
• ليث : مام نتي نفس البرودة  ...
• غيث : نسيمة كيراكي ؟
قعدت تهدر مع غيث و ما قيماتهش
• نسيمة : غاية و نتا ؟ شفتك جيت بكري عندك قسم تقريه ؟
• غيث : عيطولي ف الإدارة علاجال وحد الوراقي و زيد ليث كان مسحقيني
• ليث : جماعة راني هنا !!! نسيمة قاع ما تتبدليش كي تشوفي غيث شغل تنعزلي على العالم الخارجي أولد عمي قيمينا
• غيث : ما تنساش راهي مراة راجل درك ...
• نسيمة : انا نخليك درك غيث تهلى نتلاقو ف الدار ...
• ليث : عندك عندك ... راك تشوف فيها كي راهي تديرلي ... قلبها جليد ...
راحت و هي تتبسم ...
• غيث :  ما تنساش بلي كنت تبغي هاد لي قلبها جليد ههه
حكمه ليث من رقبته و قعد يتلفت موراه و يبلعله ف فمه
• ليث : اسكت... اسسسسسكت خير ما تسمعك جهان نولي ف عداد الأموات
غيث خرج لسانه ..
• غيث : خواف ..
• ليث : ها ؟! راك تضحك عليا ؟! ما حكيتليش قصة الشيرة لي راهي تخدم عندك
• غيث : حمبوك ... ما تقوليش حكاتلك ؟ يا ربي ما نقدش نشاركها ب سر بلا ما تحكيه
• ليث : ههههههههه هادي هي ماما ، باينة دارتلك العفسة تاع " سرك ف بير حكيلي ولدي " و مسحتلك ظهرك ب يدها نيشان ؟
• غيث : والله لا كاينة منها ههه .
• ليث : ايا حكيلي
• غيث : خلينا نكملو الخدمة لي جبت على خاطرها و هاد المواضيع منبعد نهدرو فيها ،
سبقه غيث للمكتب تاعه و ليث يلحق فيه
• لسث : كذاب كذاب دايما تديرهالي وبعديها تحشيلي ما تحكيلي والو

*** الغدوة ***
ماكانش عنده دروس ف الجامعة راح غيث للمكتبة حلها و سقم الصوالح قبل ما توصل انصاف
• غيث : كانت تبان عيانة لبارح زعما تكون مريضة ؟ نعاونها شوية ماجاياش نتكل عليها ف كلشي نخليها تريح شوي
موراها ب نص ساعة حتى جات كانت تبان صفراء شوية ف وجهها بصح كانت تتعامل معاه ب طريقة عادية
• انصاف : صباح الخير ، كيراك ؟
• غيث : مليح
و قعد خطرة على خطرة يخطف نظرة عليها
• انصاف : هادو الكتوب شكون لي ستفهم (رتبهم ) هنا ؟راني متأكدة بلي خدمتي ما كملتهاش لبارح ؟
• غيث : ن...نسيمة جات و عاوناتك فيهم ..
• انصاف : نسيمة جات صباح ربي ؟  شا جات تدير ؟
• غيث : واه  ... كيفاش هادي شا جات تدير كان عندها صوالح معايا
• انصاف : اممم صحا ، غيث عندك وذنيك راهم حمر بزاف ... ،
كانت تهدر حتى لفت انتباهها الكتاب تاع "انصاف" كان محطوط فوق الكونطوار باسكو ف العادة يكون غيث داسه في عينيه و ما يخليهاش تشوفه
• غيث : راكي غال...
• انصاف : شا راه يدير هنا هاد الكتاب ؟
• غيث : تقدي تديه ...
• انصاف : راك منيتك ؟ قول والله ؟ غيييث رااااك منيييتك ؟؟
• غيث : اذا ما راكيش باغية هاتيه ...
كي جا باغي يديه سبقاته و رفداته عنقت الكتاب و فرحت و هو حشم كي شافها تعنق فيه هاكا
• غيث : ما كنتش  حاسب كتاب غادي يفرحك قاع كيما هاك ..
• انصاف : باينة بلي غادي يفرحني باسكو عطاهلي بنادم نبغيه ... و ف نفس الوقت الكاتب المفضل تاعي
• غيث : كيفاش ؟ شا راكي تقصدي ب هدرتك ؟
• انصاف : نتا هو لي كتبت انصاف نيشان ؟ كنت عارفتها من الأولى شكيت فيك ، بصح الحاجة لي محيرتني علاش كنت تعاير ف روحك ؟
• غيث : مشي أنا لي كتبته ...
• انصاف : عندي الدليل ما تعاندنيش ..
• غيث : لي هو ؟
راحت للكتاب تاع الأساطير حلاته و جبدتله الورقة كانت عنوان كتاب
• انصاف : شاهو تفسيرك ل هاد الحاجة ؟
• غيث : هذا عنوان كتاب انصاف وين راه الجديد في الموضوع ؟
• انصاف : اقرا هنا شاراه مكتوب ؟!
• غيث : الكاتب غيث ... يا انصاف مانيش الوحيد ف الدنيا لي إسمي غيث
• انصاف : علابالي مانيش غبية ، قصدي لي قبلها ؟!
سمطت عليه حتى قراها ...
• انصاف : مكتوبة هنا " يي غيث "
• غيث : أيا والمغزى  ؟
• انصاف : المغزى هو نتا الكاتب ... اذا كنت ماشي نتا علاش قطعت الصفحة هاديك و دسيتها ف كتاب قديم و ف رف بعيد ماكانش لي يجبده باين مغبر ؟؟! ، و زيد نتا جامي قلتلي لقبك حتى مين تعرفت عليك و ما قلتليش ؟! و حتى ف المعلومات تاعك تتجنب تمد لقبك و لقب الشخصيات تاع جونغ مو و سو آن و أون وو هو " يي " هادي كيفاش باغيني نفسرها ؟! 
• غيث : نتحيلك على تحليلاتك ، علاش ما خدمتيش محققة  ولا محللة اجتماعية ؟
غلبها الضحك ...
• انصاف : كنت متمنية ههههه بصح أعصابي ما تسمحليش نخدم هاكا ههههه
• غيث : بصح للأسف غادي نقولك بلي راكي غالطة هاهو إسمي كامل
عطاها لا كارت ناسيونال تاعه و قرات إسمه
• انصاف : بصح ...بصح ...