إنصاف 🌻

#الحلقة 28 :

• نسيمة : راك عاقل ليث شحال كان غيث يهدر على الإنتقام ؟ هههه
• ليث : واه خصوصا كي كانو يتنمرو عليه وما نكونش تما جملته المفضلة هي
قالها هو ونسيمة ف وقت واحد ، سأنتقم من الجزائريين لوفاة أبي وأمي
• نسيمة : سأنتقم من الجزائريين لوفاة أبي وأمي .
• غيث : بركو ما تضحكو عليا راكم عارفين ظروفي ...
• ليث : ولا نهار لي ضرباته الأستاذة لأول مرة و قعد يسب فيها بالكورية ههههههه
• نسيمة : مصيرك جهنم ... ههههه  ، ولا هادوك لي كانو يتنمرو عليه ايا وزعما يطيح فيهم بالضرب حتى يطيبوه و كل ما يجي يزقي عليه عمي سفيان يلقاه هو لي تصوط هههه
• ليث : وكي نهدرو معاه يقولك هذا هو نصف انتقامي فقط هههههه و هو ف الأصل ني انتقام ني نصه شبع هراوة ههههه
• غيث : نفكركم ب الماضي تاعكم ؟ ليث نسيت بلي خطرة كنت ميت بالخوف من ماماك لدرجة بلت على روحك و قعدت مبلع على روحك ف الدوش باش ما تشوفكش نسيمة
• نسيمة : بصح ؟ وينتا هادي ؟!
• ليث : ياااا ما تكونش رخيس كيما هاك وعدتني تقعد سر بيناتنا ...
• نسيمة : حكووولي ما علاباليش بيها هاد القصة
• غيث : صايي خلي مين نكونو وحدنا نقولك
• ليث : موحال نخليكم وحدكم
ايا قعد غيث يغمز لمسيمة و يشالي ب يده زعما غدوة ان شاء الله كي يلهى مع مرته
• ليث : لي يشوفنا نهدرو هاكا و نتفكرو ف الماضي  يقول غادي نموتو في 3 هههه
• نسيمة : في راسك ...
• ليث : خليني اوموا نتزوج و ساهل الحال نخلي مرتي أرملة
• غيث : هههه ...
تعجبو منه كي شافوه يضحك
• ليث : مالك ؟
• غيث : علابالكم اليوم شاه ؟
• ليث : ليلة قبل عرسي ؟!!!
ضرباته نسيمة ب كتفها و خزرت فيه
• نسيمة : تاريخ وفاة والديك نيشان ...
• غيث : صح ... اليوم فاتت 20 عام على موتهم
• ليث : سمحلي غيث ...
• غيث : علاش نسمحلك ؟ ماشي عيب اذا نسيت خايف حتى انا يجي نهار ننسى فيه هاد التاريخ القعدة هنا ، الجزائر ، ناسها ، العايلة ... نسوني ف بزاف صوالح لدرجة انحرفت على المسار لي كنت باغيه كلمة انتقام كانت لاصقة ف فمي بصح فالحقيقة ما درت والو ... فالأولى كنت واثق من روحي بلي جامي نقد نتقبل هاد المجتمع ، بصح درك راني خايف قديت نتخطى هاديك الليلة ب حذافيرها ، لم أعد عالقا في تلك الليلة ... وهاد الحاجة لي خوفتني يا جماعة حسيت روحي نسيت انتقامي و قلبي راه صافي و كان لازم نبلع هاد الموضوع في شحال وللأبد واليوم غادي تكون نهاية لهاد الموضوع نتمنى .. .
• نسيمة : ربي يرحم والديك و ان شاء الله تضحياتك على خاطرهم  ودخولك الإسلام يمنحهم مقعد ف الجنة
• ليث : راني فرحان لي قديت تتخطاها هادي ماشي حاجة سيئة بالعكس ليقلك تكمل حياتك و توصل
• نسيمة : راني متأكدة بلي والديك ما كانوش باغينلك تتمشى ف طريق الإنتقام و مستحيل كانو غادي يخلوك تلحقهم بالطريقة الشنيعة لي ماتو بيها لوكان حوست ف موضوعهم بالاك كنت غادي تروح فيها ويقتلوك أحسن حاجة تخليها على ربي .
ف هاديك الفترة غيث حبس كتابة كتابه و دسه على جيهة قطع لياس من أنو قصته غادي تكمل و خلاها نهاية مفتوحة .

*** الوقت الحالي ***

• غيث : و هادي كانت نهاية القصة .
غير هو كمل جملته طارت عليه انصاف وعنقاته
• انصاف : عانيت بزاف أون وو ... أهئ أهئ... ، قعد يدبخ فيها ف ظهرها حتى لي كملت بكاء
• غيث : عندي شحال ما سمعتش هاد الإسم ، ما تبكيش انصاف و ما تخلينيش نندم لي حكيتلك ، بصح ليقلك توعديني بلي ما تخبري حتى واحد ب سري
حطت راسها فالأرض و هدرت بينها بين روحها
• انصاف : اصلا ما باقيليش بزاف ...
• غيث : كيفاش ما باقيلكش بزاف ؟
• انصاف : هههه غادي نسافر ...
• غيث : أووو مشي وليتي باش تخدمي عندي ؟ علاه ما خبرتينيش ؟
• انصاف : جات على غفلة هههه ، زعما تتوحشني ؟ هههه
كان رد غيث لطيف بزاف وماشي متوقع
• غيث : واه غادي نتوحشك ...
• انصاف : ر..را...راك منيتك ؟ لوكان علابالي غادي تدير تعبير ف وجهك كيما هاك كون راني سافرت هادا شحال هههه
حشم غيث و وذنيه حمارو ، عطاها بالظهر و لعبها يحوس على حاجة
• غيث : وينتا راكي رايحة ؟
• انصاف : غدوة ان شاء الله....
• غيث : ان شاء الله تروحي بخير وتجي ب خير ...
قعدت انصاف تطل عليه رايحة مولية و هي تتبسم
• انصاف : اممم هذا ماكان ما عندكش حاجة تقولهالي ؟ هههه ما باقيش بزاف ونشور للدار ساعل على الأكثر رانا حكينا بزاف وضاع الوقت ...
• غيث : نفهم من هدرتك ما استمتعتيش بالقصة ..
• انصاف : لا لا قصدي ما ريحتش معاك بزاف وحكينا ف مواضيع شخصية و خصوصا كي ما جا حتى حد يشري اليوم تمنيت لوكان اخر يوم كان شباب وفيه لي سوفونير بصح معليش هههه
ف هاديك اللحظة زيفط غيث ميساج ل ليث
• غيث : جيب معاك 4 سوندويتش و ليموناد و شوية باتيسري ويب معاك نسيمة دبر راسك نلقاك هنا مينبا نص ساعة تطول نقتلك ...
بعد ربع ساعة ...
• انصاف : الوقت راه ...باش نروح
حتى دخلت نسيمة و ليث و رافدين ف يديهم الماكلة
• نسيمة : هاي انصاف
• ليث : سلام ...
• انصاف : مرحبا بيكم ، غادي نبلعو اذا راك محتاجني غيث ... ، قعدت عين عليه و عين عليهم ما عرفتش شا تقول ...
• غيث : اقعدي راني متفاهم مع ليث و نسيمة ناكلو مع بعض البوم ف المكتبة فوتي معانا وقت وروحي على الأقل تتعرفي على ناس جدد كي تولي تكوني كاسبة معرفة جديدة .
• انصاف : بصح عيب ما نعرفهمش و نتوما غادي تتلاقو صحاب ...
• غيث : ديري لي قلتلك و اسكتي .
• ليث : بصح ليث نتا غير درك قلت....
ضربه ب بونبة للكرش ، قريب خرجله مصارينه من ظهره
• انصاف : علاه ...كان يقول ف حاجة
• غيث : لا ما كان يقول ف والو ...