إنصاف 🌻

#الحلقة 22 :

• سفيان : دي أون وو يريح شوية راه ديجا نخلع من لي شافه درك وانا غادي نروح للشومبغ نرقد شوية
• ميرا : تعال معي سأريك غرفتك
• Come With Me I Will Show You Your room
وراته الشومبغ تاعه لي هي مع ليث ، كي شافها دخلاته عنده شاط
• ليث هذا علاه جبتيه هنا ؟؟ خرجيها منا اخرج اخرج
• ميرا : تبلعه و لا نجي نزيدك صفعة وحدوخرا ؟
لا تتردد في طلب أي شيء مني اتفقنا ؟ أنت في منزلك الآن
• Feel free to ask me anything, okay? You are at home now
ربع يديه وجمع عاقل بصح مشنف و يخزر ف أون وو لوكان لقى كون قتله ،أما أون وو كان عاقل و هادي لدرجة كبيرة حطتله صوالحه تما و بدات تطويله ف قشه وهو حكم كتاب صغير و قعد يقرا فيه ، جبد ليث بي اس بي تاعه و قعد يلعب و يدير ف الحس بيه القفالي تاع البي اس بي كان قريب يطيرهم
• ميرا : كوله ... لا لا كوووووله و تهنى  النهار قاع ونتا تلعب شوف سيدك قاعد عاقل ويقرا
• ليث : جا غير اليوم ولا خير مني
• ميرا : ماشي خير منك بصح راه يقرا مع أنه ف بلاصة جديدة عليه هو أوموا يعرف 3 لغات على الأقل أما انت ، لعبتها باغي تضربه و هو غطى على وجهه
• ليث : ناناننانانانا ...
• ميرا : راني نشوف فيك ..
خرجت من الشومبغ تاعهم و بلعت الباب
• ميرا : ما عينك تحقره نقتلك ، حمرت عينها فيه عاود دارت عند أون وو ،إذا قام ليث  بإزعاجك أخبرني ، هز أون وو ب راسه تاع موافقة و تبسم
• If Laith bothered you, tell me
طلع ليث حاجبه و شاف فيه
• ليث : علاش راني حاس بلي ماما درك حمرت عينيها فيا و حرشاته عليا ؟! ، دار عنده و جا يهدده بصح أون و ما قيمهش نهائيا ، آآي نتا شوف فيا راني نهدر معاك .
شاف فيه أون وو و عاود حط عينيه ف الكتاب
• أون وو : غبي
• 바보 ( تطنق بابو )
• ليث : واش من بابور ؟ راك تعيب عليا يا مجبد العينين و نحكمك نقطعك راك تسمع ، رد عليا كي نكون نهدر معاك
تنارفا منه ليث بصح شا عنده يدير الشير ما يفهمش جزايرية و مهما هدده ولا حتى عايره تولي عليه غير هو بالضر لوكان تسمعه ماماه . أيا قرر يدير خطط جهنمية باش يحصل أون وو

*** الغدوة ***
جاو دار خو سفيان عندهم باش يشوفوه هوما فالأصف ساكنين ف دار  وحدة كبيرة بصح مقسومة على زوج شغل كاين باب بيناتهم بصح ما يدخلوش منه احتراما لحرمة بعضاهم ما غير النساء لي يدخلو ويخرجو كي يسحقو بعضاهم للضرورة
• عبد المالك :  خوياااا عاش من شافك هادي غيبة خمس سنين يا راجل خمس سنين ما شفناكش ،
• سفيان : خليتكم تتوحشوني علابيها  قلت نطول ، قعد يشوف  عند الباب و يميز ، ما تقوليش هادي ؟؟!
• عبد المالك : واه ههههه هادي هي بنتي ، نسيمة شفت شحال كبرت راهي تتشبهلي ياك
• سفيان : كيراكي نسيمة ، موحال تكوني عقلتي عليا  خليتك غير قد هاك ف الطول جيت لقيتك مراة الله يبارك ، لا لا عبد المالك خويا هادي شابة عليك و زينة أما نتا ....
• عبد المالك : ههههههه
ردت عليه نسيمة ب طريقة مؤدبة تبان عليها مراة صغيرة
• نسيمة : مرحبا بيك عمي راني مليحة  ، الحمد الله على سلامتك ما رانيش متفكراتك بصح أبي حكالي عليك بزاف
• سفيان :  ماشاء الله نعم التربية ،سمعت من كيرا بلي راكي تقري مع ليث نتمنى ما يكونش غابنك ،
دخل ليث و هو ينفخ ف صدره .
• ليث : ههه انا نغبنها ؟ ولا هي غابنتني لازم نتهلى فيها ...
• نسيمة : مستوى الذكاء تاعه بالنسبة لإنسان عادي متدني بصح عادي قديت نتعامل معاه ...
نخلع سفيان من ردها تبان روبو محفظينه شا يقول
• عبد المالك : ههههه سمحلي خطراتش نشك فيها اذا كسبت تخمامي ولا لا صراحتها فوق اللازم
راحت للشومبغ تاع ليث ، و هو موراها
• ليث : شا تقصدي ب ذكائي متدني
لقات أون وو مجمع و يقرا ف كتاب طلع عينيه فيها عاود كمل قراية
• نسيمة : شكون نتا ؟
• ليث : ما تعييش روحك معاه هذا ولد صاحب عمك جابه معاه من لهيه ما يفهمش هدرتنا و فالشك اذا يقد يهدر اصلا ...
• نسيمة : هل تجيد الإنجليزية ؟
• Are You Good At english ?
بلع أون وو الكتاب تاعه و شاف فيها و رد
• يي أون وو : نعم
• Yes
• نسيمة : انا اسمي نسيمة و أنت ؟
• My name is Nassima and you ?
يي أون وو : أون وو
• Eun Woo
• ليث : من وين دخلاتك الإنجليزية نتي ؟ وينتا تعلمتيها ؟
تجاهلاته وما ردتش عليه
• نسيمة : انجليزيتي سيئة جدا
• My English is very weak
• يي أون وو : حسنا لنتحدث بالعربية ، ليكون هذا سهلا عليك
• نسيمة : أنا منبهرة كونك تجيد العربية ههه سيكون هذا أسهل
قعد ليث بيناتهم كي الأطرش في الزفة
• ليث  : هاكا يا الحلاب ؟ بو نسيوات من صغرك  مين هدرت معاك انا ما قيمتنيش أما مين هدرت معاك هي وليت تعرف العربية و نتي يا الزرزومية المسمومة  منبهرة ياك ...
• يي أون وو : إن مستوى ذكائك منخفض جدا لهذا أفضل أن أتجنبك ف أنا لا أحب الأغبياء
• ليث : إذا أنت تفهم لغتنا ...
• يي أون وو : اااا أذا يعني هذا أني لم أخطئ ، لا لم أفهم كنت أحزر فقط
• نسمية : عنده الحق غبي ،  ما  رأيك أن أريك بعض  لأماكن ستعجبك ...
خرجو من الشومبغ باش يلعبو و ليث يلحق فيهم
• ليث : استنوني ، راني معاقب ما نقدش نخرج معاكم
• نسيمة : حد ما عرضك تخرج معانا
*.....* *.....* *.....* *.....*
• غيث : وهنا غادي نحبسو اليوم
• انصاف : لااا غيث كمللي الله يسترك ..
• غيث : اذا قعدت نحكي غادي يبلعو الروسطورون و نباتو هنا هه ، خلي غدوة ان شاء الله نكملهالك
• انصاف : بصح ما عنديش وين نتلاقاك !!
• غيث : رواحي للمكتبة ، وعد نكملهالك اذا جيتي ووليتي تخدمي
طلعت انصاف حاجبها و خزرت فيه و تتبسم
• انصاف : هادي أغرب طريقة شفت فيها مدير يطلب من عاملة تولي للخدمة فيها هههه نشوفو بالاك نجي
• غيث : عارفك غادي تجي غادي نستناك انصاف ...