إنصاف 🌻

#الحلقة 24 :

ميرا و سفيان فرحو بالهدرة لي قالها أون وو و كانت بداية موفقة ليه
• سفيان : حسنا بما أنك لا تعلم كثيرا عن الأسماء ما رأيك لو نترك الإختيار على رفاقك الجدد .
شاف فيه أون وو ب تعجب
• يي أون وو : رفاقي ؟
• ميرا : أجل رفاقك ، نسيمة و ليث ..
• يي أون وو : هل أنتم متأكدون ؟
قعد يتخيل ف راسه كي غادي ليث يسميه جاته ف راسه صورة تاع خنزير و ليث من بعيد يضحك عليه
• سفيان : لا تقلق سنساعدكم اذا لم تجدوا اسماء مناسبة .
عيط سفيان ل نسيمة و ليث • ميرا : بما أنو أون وو ما يفهمش الدارجة تاعنا غادي نحكي باللغة العربية ، قررنا أنا وسفيان أن نغير إسم اون وو ب موافقته طبعا و نريد منكما أن تختارا معه اسم مناسب
• ليث : هههه علاش ما نسموهش شادي
• ميرا : ليييييث ...
قعد ليث مشنف كل ما يجي باه يهدر معاه ما يشوفش فيه ، خلاوهم وحدهم معاه و قعدو يخممو ف كاش اسم
• نسيمة : سأكتب لك قائمة اسماء و أخبرني برأيك  ايهم أعجبك ..
• يي أون وو : هل لكل إسم في لغتكم معنى ؟
• ليث : هل أنت غبي أم ماذا بالتأكيد لكل إسم معنى
• يي أون وو : اذا ما المعنى من إسمك ؟
تفاخر عليه ليث و قعد يعرض ف كتافه
• ليث : معنى إسمي الأسد ، بالطبع ...
قطعتله نسيمة هدرته
• نسيمة : بالطبع في الإسم فقط ف لا شجاعة لديهو لا يجيد قيادة نفسه ف ما بالك ب مجموعة من الناس ...
• يي أون وو : أتفق معك
• ليث : هااااااي نسيمة ما تناااارفينيش خيرما ...
• نسيمة : تجاهله فقط ..
• يي أون وو : ماذا عن اسمك انت ؟
حشمت نسيمة ، و ليث مخلوع فيها
• ليث : مالكي ماااالكي نسيمة تظيري هاك ما تخوفينيش
• نسيمة : معنى اسمي الريح العليلة ، أو اللينة ...
• يي أون وو : متطابقة  مع اسمك تماما ف أنت ك الرياح لا تدري متى تعصفين و متى تهدأين
قعدت نسيمة تشوف فيه و ما عارفاش اذا هذا مدح و لا ذم بصح ف نفس الوقت فهمتها ك مدح و زادت اعجابها بيه
• نسيمة : اشكرك لمدحك
• ليث : ما شكيتش بلي مدحك يا الحلابة ...
فوتو النهار قاع ب طوله و هوما يخممو ف إسم وما لقاوش حتى لي جا الليل كان ليث راقد ف الأرض و معنق الوسادة و نسيمة مريحة ف الطابلة هي و أون وو
• يي أون وو : أريد إسما رائعا مثل اسم ليث ...اسم شخص يكون له تأثير كبير على المستقبل ، أفهمتي ما أقصد ؟
• نسيمة : قلت أنك تريد إسما ك ليث ... مهلا لحظة ، ليث ؟ ليث !! وجدتهااااا
ناض ليث مخلوع ..
• ليث : هاه ، واه... واه راني نايض ما رقدتش أصلا ...
• نسيمة : ما رأيك ب إسم غيث ؟!
• يي أون وو : و ما معناه ؟
• نسيمة : معناه المطر الغزير ... ف أنت تشبهه يسقط حزينا ب طريقة لامعة تسحر العيون ، كما أنه متناسب مع اسم ليث ستبدوان أفضل أخوين
• يي أون وو : أحببته شكرا نسيمة ... ، لم أظن أنك ستنطقين اسم ليث و أنت تبتسمين
• نسيمة : هذه أول مرة تنطق فيها إسمي أنا فرحة لأنه أعجبك ، حسنا ... أنا فقط ... لا أحب حماسه الشديد ب شأني لو عاملته بلطافة ، لكن هذا لا يعني أني أكرهه ...
• ليث : اااااه ، قعد يتثاوب ،  مبروك عليك اسمك الجديد يا صاحبي ... يليق بك
• يي أون وو : صاحبي ؟ شكرا أيها الغبي
كانت ليلة حماسية ليهم فوتوها غير ضحك و لعب قاع الليل فرحانين باسم اون وو الجديد ، مع الصباح كي دخلت عليهم ميرا لقاتهم راقدين ب طريقة مخربشة
• ميرا : سفيان جري جري
• سفيان : شا كاين ؟؟؟
• ميرا : ششششت نقص من صوتك ، عندك كي راهم راقدين
كان أون وو معنق ليث و راقدين ف الأرض و نسيمة راقدة بعيد عليهم ف السداري ( السرير )
• ميرا : صداقة كبيرة غادي تكبر بيناتهم يا ريت يقعدو هاك
• سفيان : وي حبيبتي يا ريت

*** فاصل ***
شافت انصاف ف غيث و فمها محلول
• انصاف : راك منيتك ؟ غيث نتا هو أون وو ؟
• غيث : تخليني نكمل القصة ؟! ولا نحبس ف النص ؟
• انصاف : كمل كمل ...

*** عدنا ***
بعد شهرين جرا عليه سفيان باش يحول اسمه من أون وو ل غيث وحطه على إسمه مع أنو عارف هاد الشي حرام بصح ما كانش قاد يخليه يضيع هو كان السبة ف لي صرا ف امه و باه كان لازم يكفر الذنب تاعه مع أنو غرس ذنب جديد بصح ... ، أول يوم ل غيث ف القراية ما قبلوهش
• سفيان : تقد تختبره و راني متأكد 1000 بالمية بلي مشتواه أعلى من التلاميذ لي هنا
• المدير : بصح عنده مشاكل ف الدارجة ما يفهمهاش نهائيا
• سفيان : يعرف الفصحى و الإنجليزية و الفرنسية ، أذا جات مشكلة ف الدارجة مكانش مادة الدارجة  و كل المواد تستلزم اللغة العربية عطيه امتحانات جربه و شوف
• المدير : اذا رسب ما نقدش نقبله ...
داروله امتحانات ف اللغة العربية ، والرياضيات الإنجليزية ، الفرنسية ، العلوم ، الفيزياء ... ، و كانت النتائج تاعه أكثر من ممتازة كلها 19.5
• سفيان : لقد نجحت غيث
• غيث : لقد كنت الأول في مدرستي ... و لأني كنت متفوقا تقدمت ب فصلين
• المدير : كان يجب أن يجعلونك في صف مناسب ل عمرك
• غيث : كان يجب أن يضعوك في صف يتناسب مع عمرك ، هذه هي الترجمة الصحيحة لما كان يجب أن تقوله
• المدير : صااي غير جيبلي أوراقه تاع القراية و الملف تاعه ، و ديه من قدامي ما قديتش نزيد نتقابل معاه
• سفيان : شكرا شكراااا بزااااف ، خرج مع غيث و طاير بالفرحة يعنق فيه و يعاود ، لقد فعلتها ... انت عبقري بالفطرة ، أنت و ليث في نفس المستوى
• غيث : أنا أذكى منه هو غبي ...
• سفيان : ههههه لا يهم دعنا نذهب و نبشرهم بالأخبار المفرحة
احتفلو ب الدخول المدرسي تاعه ...

*** يوم الدخول المدرسي ***
وصلهم سفيان للمتوسطة
• سفيان : نتا الكبير ليث ألوغ تهلى فيهم في زوج و ما عينك يحقرو أون .... غيث
• ليث : هه ، غيث هو ولدك .. وانا ...
دخلو يقرو و طاحو ف قسم ما يعرفو فيه التلاميذ الا بعض العناصر ، كانو قاع الشيرات مخلوعين من شكل غيث و يتغامزو عليه أما الشاشرة كرهوه قبل ما يتعرفو عليه ، ليث كان كاره حياته باسكو كان مريح حداه غيث في بلاصة نسيمة باسكو كل عام كانت تريح حداه و مينداك دابزو على شكون يريح حدا شكون قررو يديرو  [ حجر ورقة مقص  ] و طاح غيث مع ليث
• ليث : لا أعلم كيف انتهى بي الأمر جالسا ب جانبك ...
• غيث : لا تشوش علي قراءتي أيها الغبي الجبان
• ليث : سأقتلع لسانك من مكانه أون ...
خزرت فيه نسيمة ،  أقصد غيث .. ، و حط راسه على الطابلة ...
حتى جاو وحد 4  شاشرة  عند غيث واحد فيهم ضرب الطابلة ب كراعه
• جواد : عندك شنوي راه يقرا معانا ههههه
• طارق : ويييييي الشنويييي  ، ههههه تاكل الدود  ... هاتله هاتله دودة
ناض ليث طلع راسه فيهم
• ليث : شاوا ؟ راك تحقر فيه ؟ لا قول والله لا رانيباغي نحقره ؟
• نسيمة : راك باغي نحكي مع الإدارة عليكم
• طارق : ها روحي يا الخباشة خير ما نخسرلك وجهك
ليث وصلت معاه الريشة للأحمر و ناضله