إنصاف 🌻

#الحلقة 26 :

• سفيان : ليث تخرج من الدوش ولا لا ؟ ، قعد يهدر بالشوية مع غيث ، أخبره أنني غادرت
• غيث : لطنه ليس غبيا لتصديقي ..
غمزله سفيان و درق مور الباب
• غيث : ليث اخرج بس عة قبل أن يعود سفيان بسرعة اسرررع
حل ليث الباب وجا خارج
• ليث : شكرا ....
• سفيان : شكرا تاع مك هادي فوت قدامي .
خزر ليث ف غيث و قعد يحلف فيه
• ليث : ضربني لا راك باغي تضربني
غمض عينيه و ستنى الضربة تجيه ، هود سفيان عنده و عنقه
• سفيان : سمحلي لي ما كنتش معاك من صغرك حتى لدرك ، حسيت بالنقص من جهة حنان الأب بسبابي بصح نتا تقعد ولدي و نبغيك .
• ليث : أهئ أهئ حسبتك ما تبغينيش ... قاع صحابي عندهم باتهم يخرجوهم معاهم غير انا لا ، قاع صحابي كانو يقولولي باك سمح فيك وما يوليش ، كان عندي بزاف صوالح نحكيهملك كلاصيت مع الأوائل من الإبتدائية لدرك ... سمحلي بابا درت المشاكل باش تزقي عليا و نحس روحي بلي راجل ، بغيت نوريك بلي كبرت وما رانيش نبكي
• سفيان : بصح راك تبكي درك هههه
• ليث : لا هادي ما تنعدش ...أهئ أهئ
جا غيث رايح حكمه سفيان من تريكوه من رول ، و جبده عنقهم في زوج
• سفيان : أنتما أعز ما أملك الآن أعتنيا ببعض و أحسنا التصرف  اتفقنا ؟ !
• غيث : امممم
• سفيان : يا المسخ الديقولاص بركا ما تمسح ف خنونتك ف تريكويا ، وخر عليا وخر
• ليث : هههههه أهئ ، و طلع خناينه ...
رجعت المياه ل مجاريها بصح هاد الحاجة ما غيرتش حقيقة التنمر لي عانى منه غيث ب سباب شكله فاتت السنين و البز ولو رجال
*** بعد 6 سنوات ***
ليث : هات من يدك غيث ما تهبلنيش
• غيث : لا
• نسيمة : ليث خليه ...
• ليث : مالكي مالكي نتي تدخلي في روحك صامطة غادي
• غيث : خليها ليث..
قعد ليث مريح و حاط الكيتمان ف وذنيه يسمع ف الراب ، راحت نسيمة جمعت حدا غيث
• نسيمة : غيث ... علابالك الإثنين شاكاين ؟
• غيث : عيد ميلادك ...
فرحت نسيمة و قعدت تدرق ف فرحتها ، اممم ايا ؟
• نسيمة : راني باغية نتلاقو هاداك النهار تقد  ؟
• غيث : حنا دايما نتلاقو بغيت نبغي ولا ما نبغيش ف الدار فورصي ...
• ليث : يااااا قييييو نشعهااا .
• نسيمة : بلع ... ، لا بغيت نتلاقو برا ...
• غيث : ما نقدش نسيمة عندي قراية ، اقتربت الامتحانات يجب عليا أن أذاكر و أنت أيضا يجب عليك ذلك فأنا أريد منافسة شريفة بيننا
• ليث : مازالك تهدر بالفصحى هههه
• غيث : نسيمة انا نخليكم ...
• ليث : اااا ستنوني راني جاي معاكم وين راه كرطابي ...
و للمرة الألف يتجاهلو وجود ليث هههه ، ولو للدار مع بعض بعد هاد المدة لي فوتوها مع بعض ولو صحاب أنتيم فيما بيناتهم  الثلاثي الذكي ، و قاع الليسي يخافو منهم ليث الواعر لي اذا طاح ف واحد يخمجله وجهه بصح عنده معجبات ، و غيث العاقل لي يقرا غايا و قاع الشيرات يحلمو بيه أما نسيمة فهي ، الشابة تاع الليسي و الوقحة ذات اللسان السليط يعني تعطيك زوج كلمات عند وين تسرط
• ليث : تبدلت غيث تعقل كيفاش كنا نصوطو الشاشرة برا ، و حط يده على كتف غيث بعدله يده
• غيث : كنا صغارا آنذاك ، و عفى الله عما سلف ...
كي وصلو للدار ، نسيمة شافت فيهم ب نظرة تاع قادرة تقتلهم
• نسيمة : ما تنسوش نهار الاثنين الكادو تاعي و حفلتي تاع عيد ميلادي .
• ليث : اييي ،  حسيت بالهالة تاعها ولا أنا الوحيد لي حكمتني القشعريرة ، غدوة الإثنين علاش لازم تكون رسمية لهاد الدرجة
• غيث : انا ايضا ..
كان موجدلها ليث كادو ف الخفاء و شافه غيث كي كان يغلف فيه
• ليث : علاش ما تطبطبش كي تدخل للشومبرة
• غيث : و لما يجب علي أن أدق باب غرفتي قبل الدخول
• ليث : اوه ما شافهش ...
• غيث : على كل حال دبوس شعر ، و خاتم جميل لكن ألا يعتبر إهداء خاتم  لفتاة دليلا على أمر رسمي معين ؟ لكن ما هو يا ترى لما لا أستطيع التذكر ؟!!
ضربه ليث ، و تنارفا بصح ف نفس الوقت وجهه حمار
• ليث : بركا ما تهدر بالفصحى يا البقااااق يا بووو راس القراي بو عينين مجبدين
• غيث : ولك بالمثل يا صاحبي هه ...
خرج غيث وخلا ليث وحده مع الكادو ماض عند المراية ، تأكد مليح بلي واحد ما راه يسمع فيه ولا يشوف فيه و قعد يهدر مع روحه
• ليث : عيد ميلاد سعيد نسيمة ، اممم علابالي هادي الخطرة الاولى لي نجيبلك فيها حاجة كيما هاك بصح عندي سبة ، ما راميش عارف كيفاش نبداهالك ...انا ، أنا ... نبغيك نسيمة وؤاني باغي نكمل حياتي معاك ..... خدوده حمارو وحشم ، ويا صعيبة بزاااف موحال نقد نقول هاد الهدرة ايا نخليها على ربي و صايي ليقلي نروح للتوالات درك ، كان مقلق راح بلخف و حط الخاتم فوق وحد الرف ف الشومبرة تاعه و بين الرف والحيط كاين فايجة ( ثقبة ) طاح الخاتم منها و ما شافهش ليث كي طاح
*** في الجهة الأخرى ***
كانت نسيمة مدوشة و خارجة تنشف ف شعرها و تلبس كانت تطلي ف البومادا ف الكور تاعها
• نسيمة : غيث ، تعرفني ما نبغيش المقدمات الوغ باغية نقولك نبغيك ، لا لا هادا اعتراف رسمي بزاف و محترم خاصني حاجة تكون اعتيادية شوية ، احم احم غيث ، نبغيك  زعما مشي مختصرة بزاف ؟!