إنصاف 🌻

#الحلقة 25 :

حكمه من فمه و جره جره جره حتى للحيط دخله فيه  و ب نظرة واعرة
• ليث : واقيلا جامي حكاولك عليا ؟
• ؟؟؟ : يال...
خسر عليهم غير خزرة .. خلتهم يروحو لبلايصهم و شاف فيهم قاع بالواحد
• ليث : لي جابته مه وعرفت شا تجيب يقرب من غيث اخر تحذير و لي ما يعرفنيش يسقسي عليا
• نسيمة : صايي ليث .. ، هل أنت بخير غيث ؟
• غيث  : أنا  بخير ما يزعجني أني لا أستطيع فهم ما يقولون ... ، شاف غيث ف ليث
• نسيمة : لا تهتم بما يقولون ففي كل الأحوال ليس كلاما مهما
• غيث : شكرا ..
• ليث : لم أفعل هذا لأجلك ،  وقعد يشوف ف نسيمة كيفاش كانت تشوف ف غيث و  هاد الحاجة لي زادت حماته على باش يضرب اي واحد يقرب منه . كي خرجو من السيام لقى هاداك الشير لي جبدله البلا جايب صحابه و تحامو فيهم شبعوهم ضرب ، حتى خرج جار من جوارينهم سلك عليهم
• الجار : عاودت مشكلة وحدوخرا ليث ؟ فوت معايا لعند باك نخبره
• ليث : بصح هوما لي بداوها مشي حنا ...
كانت نظرات ليث تاع واحد مقلق وخايف
• غيث : مالذي يقوله هذا العم ؟
• ليث : يظن أننا من افتعلنا الشجار
راح معاهم للدار وقعد يطبطب ف الدار حتى لي حلت ميرا الباب درقت مور الباب ولغات ل سفيان
• ميرا : سفيان جري جري ...
خرج و قعد يشوف ف ليث وغيث قشهم مغبر ة حالتهم ما تبشرش ب خير و جاره حاكمهم من التريكو ومنارفي
• سفيان : سلام جاري شاكاين ؟؟
• الجار : كانو مدابزين عند داري ... كل يوم ولدك يدير دبزة كل يووووم بزاف الواحد ما يرقد ما يريح
• ليث : ما تكذبش ما كناش مدابزين هوما لي طاحو فينا تحامو فيا انا وغيث
حمر سفيان عينيه ف ليث
• سفيان : سمحلي جاري ما تخممش غادي نتفاهم معاهم
• الجار : اذا تعاودت الخطرة الجاية راني نوصلها بعيد
• غيث : لم تكن غلطتنا ...
• ليث : وكأنه سيتفهم الوضع ...
• سفيان : دخلو للدار و منبعد نهدرو ...ادخل غيث
• ميرا : ليث باغي تكلب ؟ هاد الدبازي لي خرجولي تاني ؟ هااا من لي جا باك كل يوم الشيكايات يوصلوني ما راكش باغي تحشم ؟؟؟
هرب ليث و بلع على روحه ف الدوش
• ميرا : نتا خارج خارج كي تبان نتفاهم مع ملتك ... ، غيث تعال الى هنا واشرح لي موقفكم لا تجبرني على أن أنادي نسيمة
قعد غيث ساكت و ما بغاش يهدر لغات ميرا ل نسيمة و حكاتلها كلشي ، ف هاداك الوقت كان قاعد ليث مع غيث فالشومبرة
• غيث : لو لوم تدافع عني لما حصل كل هذا ...
• ليث : أجل لم نفسك على كل هذا
• غيث : لماذا لا تصارحه ب مشاعرك ؟
• ليث : من تقصد ؟!!! ..
• غيث : أنت تفعل كل هذا فقط لأجل جلب انتباه
بلعله ليث فمه
• ليث : اصمت حرف أخر و سأبرحك ضربا ...
لحقت نسيمة دخلت عليهم راحت عند غيث قعدت تواسي فيه
• غيث : هو يستحق الرعاية أكثر مني
• نسيمة : لماذا تورط نفسك في شجارات لا يمكنها حلها
• ليث : جات الحلابة ...
• غيث : ليس أمرا مهما ..
• نسيمة : من بمثل عمرك لا يجدر بهم رد الكلام على من هم اكبر منهم ...
• ليث : شا صغره ؟ شاراكي تقولي ؟؟
خزرت فيه نسيمة ..
• نسيمة : ما تقوليش غير ما علابالكش بلي أون وو صغير علينا ؟
قعد ليث يشوف فيه ويشووووف و قريب عينيه خو من بلاصتهم
• ليث : شااااوااااا ؟؟ واه اصلا ما أمنتش كيفاش يبان طري بزاف و وحجمه صغير
• غيث : هل يمكنكم الحديث بلغة أفهمها ؟!
• ليث : كم عمرك ؟
• غيث : 9 سنوات ...
• ليث : لااااا راك تترشق بيا نتا !!! 9 سنين صغير علينا ب عامبن و تقرا معانا و تعايرني ملفوق وانا ساكتلك !!!
راح يجري و نقز عليه قعد يجيف فيه و نسيمة تسلك بيناتهم بعد مدة من الدبزة تاعهم ، ليث كان فضولي من جهة غيث بصح ما بغاش يبين
• ليث : اذا ... لم تحكي لنا عن عائلتك ...
• غيث : هههه هل أنت فضولي ب شأني
جبد ليث بعيد و قلب وجهه
• ليث : لا تتحدث لست مهتما ..
• نسيمة : بلع ليث ، أخبرنا أين والديك ؟
• غيث : لم يعودا في هذا العالم
شافت مسيمة ف ليث ورد عليها ب نظرة مانيش فاهم شاراه يقول
• غيث : لقد قتلا
ردة فعل ليث كانت أقوى من نسيمة
• ليث : شاااواااا ؟ كيفاش .. اعني ماذا حصل لهما ؟
• نسيمة : منذ متى ؟
• ليث : راكي متأكدة بلي نتي شيرة ؟! ماشي نورمالمون شيرات ينخلعو ويبكو ف هاد المواقف ؟
• نسيمة : اذا لم تستطع ان تتحدث فلا مشكلة
عاودت تجاهلاته مرة أخرى
• غيث : قتلا على يد عصابة جزائرية ، لا تسألوني عن التفاصيل ف أنا نفسي لا أعرف ما حصل  ، كل ما أذكره أني عندما رجعت من الخارج وجدت كليهما مستلقيين على الأرض و الدماء حولهما ...لم أستطع فعل شيء وكذلك سفيان
ليث قعد يبكي مع أنه انسان عنيف بصح حساس ف هاد المواقف ولكن نسيمة لم تحرك ساكنا ،
• ليث : لابد ان الأمر كان صعبا عليك ..
• غيث : امسح دموعك لقد تخطيت الموقف والدموع ، لكني لا أزال عالقا في تلك  الليلة...
• نسيمة : هل تسعى للإنتقام ؟
بلا ما يخمم قاللها واه كان متوقع بلي غادي يكرهوه و يوقفو ضده بصح لا
• ليث : منذ اليوم أنت أخي غير الشقيق ، سأساندك في كل ما تريد فعله
• نسيمة : سنساندك ..
• ليث : ستساعدني على خطتي و أنا سأساعدك في انتقامك
• غيث : اتفقنا ...
تخمامهم كان تخمام بز ما كانوش فاهمين اصلا الإنتقام شا هو و اذا حاجة مليحة ويقدو عليها ولالا
• ليث : نسيمة مالها ماما ما ضربتناش؟ كاش ما قلتيلها ؟
حتى دخل عليهم سفيان
•  سفيان : نسيمة روحي للدار باباك راه يسقسي عليك
• نسيمة : تصبح على خير عمي
جا ليث خارج ما خلاهش سفيان يخرج وقعد يهدر معاهم غير بالشوية
• سفيان : عندي هدرة معاكم نتوما زوج
• ليث : ما عندي ما نقولك ما تقولي
• غيث : .....
• سفيان : راك كبير ليث نورمالمون نتا تكون القدوة الحسنة ل غيث ما تكرههش فينا كثر من هاك ، علاش ما راكش تسمعلي انا باك وعارف مصلحتك خير منك
• ليث : علاش نتا وينتا كنت اب ليا ؟ ها خبرني ولا غير دركا بانتلك تكون با ،وين كنت مين كنت صغير  حتى كبرت جيت و جايب معاك ضيف شغل خويا
• سفيان : علابالي ظلمتك نتا وماماك ... و قصر معاكم
حما القلال ف ليث و بدا يزقي و يتوغ ...
• ليث : علاش راك تساعف فيا ؟ علاااااش ما راكش تزقي علياااا  ،حسسني بلي نتا با علاش راك دير  هاكا وتعاملني كي انا كي هو انا ولدك الحقاني ماشي هوو شحال ليقلي ندير من مشكلة باش تزقب عليا
• غيث : لا تصرخ ليث
• ليث : بلع فمك نتا تاني
و خرج يجري من الشومبرة للدوش وبلع على روحه
• غيث : سفيان ،انا اعتذر كل هذا كان ب سببي  ليث لم يخطئ كان يدافع عني فقط ...وهو يريد لفت انتباهك لذلك هو يشاغب ...
مسحله سفيان على راسه
• سفيان : أعلم ذلك أون وو أقصد غيث شكرا لك لأنك قبلت به ك صديق