စေလိုရာစေ ( Completed )

Part (11)

Unicode

💝စေလိုရာစေ 💝

Part ( 11)

နဒီလည်း သူမှုံ့အား စနောက်ချင်သော​ကြောင့် ရိုက်ထားသည့် ဓာတ်ပုံပျက်သွားသည့်အတွက် ဆူပုတ်ပုတ်ဖြစ်နေစဥ် ခန့်ပိုင်က

'' ကဲ မင်းတို့ဟာကလည်း စာလုပ်မယ်ဆို မသွားကြသေးဘူးလား... ''

ခန့်ပိုင်ပြောလိုက်သည့် စကားကို အားလုံးကထောက်ခံပြီး
သွားမည်ဟု ပြုလုပ်နေစဥ် မှုံကကြားဖြတ်ကာ

'' ဒီနေ့ ဘာအစီအစဥ်လဲ... ''

မှုံပြောလိုက်သည်ကိုနားမလည်သည့်အတွက်အားလုံးတယောက်ကိုတယောက် ကြည့်နေကြစဥ် မှုံပြောလိုက်သည်ကို နားလည်သွားသည့်ထက်ယံက

'' အရင်ဆုံး Presentation အတွက်လိုတဲ့စာလေးတွေလုပ်မယ် ။ ပြီးရင် ငါတို့ ပြည်သူ့ရင်ပြင်သွားကြမယ် ။ အဆင်​ပြေတယ်မလား ။ ''

သူများတွေစကားပြောနေတဲ့အချိန် သူနဲ့မဆိုင်သလိုနေသည့် ထက်ယံကအခုကြတော့ စကားဝင်ပြောရုံတင်မက အပြင်ပါသွားမည်ပြောသောကြောင့် မှုံကလွဲ၍ ကျန်တဲ့သူတွေအားလုံးက ထက်ယံအား မယုံနိုင်သောမျက်ဝန်းများဖြင့်ကြည့်နေကြသည် ။

မှုံကတော့ သူလိုလားတောင့်တနေသည့်အရာကို အကောင်အထည်ဖော်နိုင်လိုက်သည့်အတွက် ပါးလေးဖောင်းလာသည်အထိပြုံးလိုက်ပြီး အားလုံးအား ခန ဟုဆိုကာ အိမ်ထဲပြန်ဝင်သွားသဖြင့် သီရိက

'' မှုံ နင်ဘယ်သွားအုံးမလို့လဲ... ''

'' ခနလေး ခနလေး ငါ မေမေ့စီကနေ ပိုက်ဆံသွားတောင်းမလို့... ''

အမေစီက ပိုက်ဆံပြန်သွားတောင်းဖို့ဆိုပြီး အားလုံးကို လက်ခနပြကာ အိမ်ထဲပြန်ဝင်သွားလေသည် ။

အပြင်မှာရှိနေတဲ့ လူတွေကတော့ မှုံလုပ်ပုံတွေအား အသဲယားနေလေတော့သည် ။ ထက်ယံလည်း စည်သူ့ကို မျက်စပစ်ပြကာ သီရိတို့ကို Cafe စီဆို့အရင်ခေါ်သွားခိုင်းလိုက်လေသည် ။

အရိပ်အကဲ နားလည်သည့် စည်သူက ခန့်ပိုင်အား ဂုတ်ကနေဆွဲခေါ်သွားပြီး သီရိတို့အနားကိုသွားကာ ...

'' သီရိ ငါတို့အရင်သွားနှင့်မယ်လေ ။ ငါတို့စာသွားလုပ်တဲ့ Cafe က လူအရမ်းများတာ တော်ကြာ နေရာမရမှာစိုးလို့... ''