#حب_من_رحم_الكراهيه
الحلقه الخامسه.
جهاد:-
بعد ماسكرت ف وجه حنان أختي سخنت من الأكل اللي ف التلاجه تغديت ودرت قهوتي وقعمزت نشتغل ع اللاب توب كلمت هديل البنت اللي تشتغل معاي تبعتلي بعض الأوراق الضروريه ع ايميلي كملت شغل المغرب وطلعت شوي فكرت نخبط ع سمر من جديد بس تراجعت ماحبيت نضايقها خذيت كم حاجة ناقصه ف الشقه وبعدها رجعت .
الساعه 11:00بالليل.
كنت قاعد بالصالون ونقلب ف التلفزيون وفجأه أنفتح باب الدار طلعت سمر وكانت لابسه بجامه أصفر مرسوم علاها ميك ماوس وشعرها مشدود ونصه نازل ع ظهرها كانت زي الطفله بس لاحظت أنها حتي وهيا مش مرتبه نفسها ملامحها حلوه حاولت قدر الأمكان نكتم ضحكتي عشان ماتعصب .
سمر:-
بعد خديت الحبوب. المنومه رقدت وماعاد حسيت بشي لعند فقت ع كابوس وشفت الساعه لقيتها 11بالليل طلعت المطبخ.
جهاد:-
اووى لا عرفت نقول صباح الخير والا مساء الخير .
سمر:-
حقه أحلف ترا.
جهاد:-
تعرفي أحسن شي يتماشى مع الوضع هو تصبحى ع خير..ايه حقه ف أكل ف التلاجه سخنى منه وكولى
سمر:-
كان جعت توا ناكل
جهاد:-
كيف كان جعتي!!وأنتي من الصبح ماكليتي شي.
سمر:-
مش عيله انا وقت نجوع تو ناكل
جهاد:-
يالطيف منك باهي براحتك..تشاو ومشيت خطوتين وقلتلها ع فكرة أتصلت حنان أختي وتسلم عليك.
سمر:-
قلت بصوت واطي غير نطيقك أنت بيش نطيق أختك.
جهاد:-
طلعت راسي من الباب ع فكرة سمعتك عيب فيك يا بنت
سمر:-
حسيت روحي سخنت ومشيت نجرى المطبخ.
..............
عند الحاج سليمان:-
فوزى:-
باس ع يد بوه كيف حالك يابوى.
سليمان :-
الحمد الله ع سلامتك يافوزى
فوزى:-
الله يسلمك يابوى .
الحاج سليمان:-
خالد كلمت أشرف ومروان وعبدالهادي زي ماقتلك.
خالد:-
ايه يابوى وجو من شوي وقاعدين ف الصالة.
الحاج سليمان:-
زين زين. إطلعو أستنوني ف الصالة وأبعتوهملي .
خالد:-
حاضر يابوي.
بعد شوي خبط الباب متع المكتب:-
الحاج سليمان:-
أدخل .
مروان :-
مساء الخير ياجدي.
عبدالهادى وأشرف:-
مساء الخير ياجدي.
الحاج سليمان:-
مسا النور
قربوا منه باسوا ع يده وقعمزوا.
الحاج سليمان:-
أنتم عارفين ليش طلبتكم وعارفين عملتكم السودة لوين وصلتنا و عشان هكي لازم تتعاقبوا .
