#حب_من_رحم_الكراهية
الحلقه الثالثه عشر
جهاد:-
كنت مروح من العمل يوم الخميس أتصلت عليا اميمه فاطمه وقالتلي أن جدي عازمني أنا وسمر ع غدي الجمعه عنده وصلت للشقه وأنا محتار كيف بنقول لسمر فتحت الباب ودخلت :-
جهاد:-مساء الخير.
سمر:-
مساء النور..الحمد الله ع السلامه
جهاد:-
بأبتسامه واسعه الله يسلمك من كل شر.
سمر:-
ليش تبتسم كل هالابتسامه.
جهاد:-
عشان أول مره تقولي الكلمه هذه نقصد حمد الله ع السلامه.
سمر:-
بأرتباك احم بدل لعند مانوتيلك العشي.
جهاد:-
تمام 10 دقايق ونجي .
سمر:-
دخلت المطبخ وتيت العشي حطيته ع الطاوله شوي وجي جهاد
جهاد:-
ميت جوع تصدقي.
سمر:-
بأبتسامه هاديه معناتها اقعد وسمي بالله وابدأ.
جهاد:-
قعمزت نتعشي وبنص العشي شفتلها وقلتلها سمر.
سمر:-
امم نعم.
جهاد:-
احم نبي نقولك أن بكرا معزومين عند حوش جدي.
سمر:-
وقفت وشبحتله بصدمه نعم وين قلت.
جهاد:-
عند حوش جدي بكرا لموميه العيلة وعازمني انا وياك
سمر:-
جهاد انت قاعد تبصر صح
جهاد:-
والله اميمه فاطمه كلمتني وطلبت مني وانا نقدرش نردلها طلب
سمر:-
هذه مشكلتك مش مشكلتي بتمشي برا بروحك اما انا لا ..وماتقدرش تجبرني ع فكره
جهاد:-
أنا ماجبرتك ياسمر أنا طلبت منك
سمر:-
وطلبك مرفوض ياجهاد.
جهاد:-
ماتردي عليا توا فكري قبل وبعدها ردي .
سمر:-
قدمت منه خطوتين مش رح نفكر ومش رح نمشي.
جهاد:-
مش رح نعطلوا والله يادوب ساعتين او ثلاثه بالكثير ونروحو ..ورح تكون اول واخر مره صدقيني..عارف الموضوع صعب عليك بس مش مستحيل
سمر:-
اه يعني تو تبيني نردلك جميلك وزي ما انت دخلت لحوش اهلي حتي انا تبيني نخش لحوش أهلك صح.
جهاد:-
قدمت منها خطوتين بعصبيه وكنت نبي نمسكها من يدها بقوة بس قلبي ماطاوعني رفعت صبعي بوجهها سمر انتبهي لكلامك معاي فاهمه أنا ما حد تجرأ ودوي معاي بهالطريقه وسكتتله فاهمه وطلعت من المطبخ وانا معصب.
..............
عند الحاج عمران:-
كنت قاعد مع الحاجة.فاطمه بعد ماصلينا العشاء .
الحاجة فاطمه:-
أتصلت بجهاد وبلغته بعزومه غدوى ياحاج.
