#حب_من_رحم_الكراهيه.
الحلقه الحاديه عشر .
جهاد:-
كنت طالع مع سمر بنرفعها تزور قبر خوها سامر كانت زي العاده طول الطريق ساكته وصلنا للمقبره وكيف طفيت السيارة صدمتني وحسيت روحي جمدت بمكاني لما سألتني:-
سمر:-
جهاد من وين عرفت مكان القبر والمقبره .
جهاد:-
ااه احم نسيتي ان المره الماضيه جبتك هنايا
سمر :-
ماهو هو هذا سؤالي تو تذكرت انت حتي المره الماضيه جيت من غير ماتسأل او شي .
جهاد:-
حسيت روحي سخنت وماعاد عارف كيف نتصرف ..اه سمر مش وقته الكلام هذا بالصدفه عرفت بأعتباره هنايا مقبره القبيله متعكم المهم هيا انزلي وبعدين نحكو.
سمر:-
تمام نزلت من السياره ومشيت لقبر سامر قعمزت بجنبه.
"اهلين حبيبي ...لو تعرف قداش استاحشتك يا روحي..اسفه لأن مازرتكش ليا فتره ..زي ما تعرف سماح ومواعيدها الخاربه قالتلي بنجي وماجتش ... نبي نقولك حاجه تفرحك...أنا خلاص بديت نتخلص من الادمان..احم ساعدني جهاد بها الشي..عارف ياسامر جهاد يشبهك هلباا هادي زيك وروحه مرحه نفس تصرفاتك لما يعصب..حنون معاي زيك ويهتم بيا هلبااا ف الوقت اللي اهلنا تخلو عليا فيه ... تزعلش مني ياروحي انا نحكيلك هكي مش معناتها اني نحبه لالا أنا مستحيل نخونك ونزعلك" ..
قداش استغربت روحي هالمره كيف كنت هاديه ونحكي فيه ودموعي ينزلو ع غير العاده بعياط وصوت عالي لعند ماننهار شوي وسمعت خطوات جهاد تقرب ومن بعدها قعدت نشم ف ريحة عطره.
جهاد:-
أستغربت من هدوءها هالمره كنت جايب معاي ورد من النوع اللي سامر كان يحبه قربت منها وقعدت ع ركابي بجنبها ومديت يدي وحطيتهم ع القبر.
سمر:-
بأبتسامه دافيه ودموع تعرف.ان سامر كان يحب هالنوع من الورد هلبااا .
جهاد:-
حقه تحكي !!
سمر:-
ايه كان لما يبي يهدي لحد ورد يهديه هالنوع .
قعدنا حوالي 10 دقايق تانيات وبعدها ودعت خوها ومشينا للسياره ركبنا وولعت السياره وشفتلها.
جهاد:-
تبي تمشي تزوري سراج.
سمر:-
بجديات رح ترفعني.
جهاد:-
ايه لو حابه ليش لا.
سمر:-
أكيييد يارييت أستاحشته هو وهاله هلبا.
.... ......
عند حوش عمران:-
الحاج عمران:-
مسكت تليفوني وأتصلت بمحمود ..
محمود:-
ألو اهلين ياحاج.
الحاج عمران:-
خمس دقايق وتكون عندي انت وخوك ناصر. .. وسكرت ف وجهه.
مر الوقت وبعد 10 دقايق جو محمود وناصر..
