#حب_من_رحم_الكراهيه
الحلقه الثالثه والعشرون.
سمر:-
فقت الصبح وانا طول الليل نفكر في كلام هاله وقررت أني ناخذ برايها ونمشي ادير تحليل وصلت للعيادة درت التحليل ونستني في النتيجه ..جواتي شعور حلو ومختلط نتمني أني نكون حامل بقطعه من جهاد شي يخليني نتمسك بيه ونغفرله لو مهما كانت أخطائه ..نتمني نعيش شعور الامومه وخاصه لما يكون الاب هو جهاد بوسط تفكيري.
الممرضه:-
سمر خالد
سمر:-
نعم
الممرضه:-
تفضلي دورك عند الدكتوره .
سمر:-
بأبتسامه وقلب ينبض كأنه بسباق دخلت ..السلام عليكم
د.مني:-
وعليكم السلام مرحبتين مدام سمر تفضلي أستريحي.
سمر:-
شكرا .
د.مني:-
أول شي مبروك يامدام سمر أنتي حامل بالشهر التاني .
سمر:-
بفرحة واضحه بجد تحكي يادكتوره.
د.مني:-
بابتسامه "والله جد".
سمر:-
الحمد الله يارب الحمد الله .
د.مني:-
بس في عندي شويه ملاحظات عزيزتي
سمر:-
خير يادكتوره ان شاء الله خير.
د.مني:-
كل خير .بالتحاليل اللي طلبت منك اديريها مرفقه بتحليل الحمل ظهر ان عندك فقر دم حاد وهالشي مش كويس وخصوصا.بمراحل الحمل الاولي عشان هكي رح نوصفلك شوي مقويات وفيتامينات عشان تاخديهم مع الاهتمام بالأكل والراحه.
سمر:-
أن شاء الله بعون الله دكتوره .
كتبتلي الدكتوره ع العلاج ونظام أكل معين عشان يعوض النقص اللي عندي وطلعت من عندها وأول شي درته أني أتصلت بهاله مره واتنين وبعدها ردت .
هاله:-
صباحو سموره
سمر:-
بصوت فرحان صباح الفل ياأحلي هلوشي بالكون كله
هاله:-
بسم الله سمر فيك شي امبارح كنتي تنفخي عليا
سمر -
هههه فرحانه ياهاله فرحانه وبنطير من الفرحه
هاله'-
ان شاء الله ع طول فرحانه ياقلبي بس شن سر هالفرحة الباين تصالحتي مع جهاد .
سمر:-
بتنهيده ياريت بس قريب ان شاء الله .
هاله؛-
بأستغراب أمالا شن سر هالسعاده من الصبح
سمر:-
باركيلي أنا حامل
هاله:-
كذابه احلفي .
سمر:-
هههه وحق ربي الا حامل تو كيف طلعت من الدكتوره
هاله:-
بفرحة الف الف الف مبرووك حبيبتي ان شاء عقبال نفرح بخلاصك وربي يسهل عليك الحمل
سمر:-
تسلميلي ياهاله ربي مايحرمني منك .
هاله:-
والله انحبك ياسموره ونتمنالك الخير وان شاء الله ربي يهدي سرك وتردي لزوجك وتعيشو حياتكم اللي تستحقوها انتم الاتنين.
