#حب_من_رحم_الكراهيه
الحلقه العشرون.
سمر:-
عارفين الشعور اللي نمر بيه حاليا ...بالمختصر حاسه أن روحي بتطلع مني وقلبي رح يوقف أنا حاليا رح نفقد كل شي من جديد رح يضيع جهاد من بين ايديا رح نرجع لدوامه الماضي ...كنت راقده بداره وع سريره وحاضنه وسادته ودموعي ولا راضيات يكفو ..بخاطري نمنعه بخاطري نقوله ماتمشي لموعدك بخاطري نقوله تعالي وخلك معاي بس في شي جواتي مانعني مسكت تليفوني كم من مره وكل مانقرر أني رح نتصل عليه نتراجع ..قلبي وعقلي رح يتفجرو والوقت قاعده نحسه يمر ببطء زي بطئ نفسي اللي ضاق بوسط صراعي مع نفسي وضياعي حسيت بحد واقف عند باب الدار تلفتت وكان هو ايه "جهاد" دخل من غير مانحس بيه تعدلت بتقعميزتي ومسحت دموعي وقمت وجهي وشفتله
سمر:-
مروح بدري اليوم
جهاد:-
وهو متكي ع الباب ومكتف ايديه قدام صدره " ماقدرت نشتغل"
سمر:-
كنت نشوف لملامحه التعبانه وصوته المرتجف ولما جت عيني بعينه شفت الحزن والتعب بوسط عيونه قتله بأرتباك"احم قابلتها!!"
جهاد:-
قربت منها وقعدت بجنبها ع السرير تنهدت وقلتلها"سمر عاجبك اللي نحن وصلناله "
سمر:-
بعصبيه "شنو ..حتي توا أنا السبب ف اللي وصلناله".
جهاد:-
وقفت بعصبيه وقلتلها "أضني انتي اللي مش قادره تحددي مشاعرك..أنتي اللي خذيتي موضوع الطلاق بجديه وقاعده تفكري فيه..أنتي اللي رفضتي ولسه رافضه أنك تعطيني ولو جزء من قلبك وأنا الحمار اللي عطيتك كياني وقلبي وروحي وكل شي فيا
سمر:-
عند هالكلمه وقفت بعصبيه وأنفجرت فيه:-
"لا مش أنا السبب...أنت اللي توقعت مني حاجات ماكان بقدرتي أني نعطيهالك ولما ماعطيتهالك زعلت وأتخذت موقف ...أنت تبيني نحبك ونبادلك نفس قوة المشاعر بس نسيت أن انت مشاعرك مش وليده شهر أو شهرين اللي عشناهم مع بعض أنت مشاعرك اتجاهي ليها 3 سنوات ومش جديده عليك عشان هكي شايف حبك وتعبيرك عنه شي طبيعي...بس أنا ليا نعرفك بس 4 شهور كيف تبيني نحبك بنفس قوة المشاعر خلال هالفتره القصيره...أنا وأنت نختلف ياجهاد ..مختلفين لدرجة أن أنا نتوجع بكل مره نشوفك كيف تعامل فيا بحنيه وماتشوف مني الا الجفا ..أنا أنسانه مش فاهمه حتي نفسي ...من يوم توفي سامر خوي وأنا صرت أنسانه ميته بس مع هذا أنا تغيرت عشانك...وتخليت ع أدماني عشانك..وعشت من جديد عشانك".
قعدت ع الأرض وماعاد قدرت نوقف من كثر ماجسمي يرتعش وحاسه روحي بتطلع مني شفتله وكان واقف جامد بمكانه .
"أمي عرضت عليا حريتي ياجهاد...أني نبعد ونعيش حره بعيد عن أي شي ييربطني بعيله سليمان أو عمران ...كان بأمكاني نوافق ع طول وناخذ سراج وهاله ونبعد وننسي كل شي يربطني بالماضي اللي يوجع..
ماسألت نفسك أنا ليش ماوافقت ع عرضها ع طول ..ليش قررت أني نفكر ..مافكرت أني نبي نقعد بحنبك ...أني مستعده نرفض جميع العروض بس عشان تكون معاي وجنبي ع طول بغض النظر عن طبيعه الحياة اللي نعيشوها أو الناس اللي رح نتعايش معاهم سواء من عيلتي أو عيلتك"
