#حب_من_رحم_الكراهيه
الحلقه الثامنه.
جهاد:-
كنت راجع من الشغل وتعبان دخلت للشقه وكانت الساعه 3 الظهر لقيت الشقه هاديه ع الأخر دخلت المطبخ لقيته فاضي تعصبت ومشيت جهة دار سمر خبطت مره وأتنين ماردت فتحت الباب ودخلت كانت راقده نحيت الغطى من ع وجهها
جهاد:-
سمر سمر
سمر:-
بصوت ناعس نعم شن في
جهاد:-
نوضي ياسرك نوم عارفه الساعه كم توا 3 وانتي قاعده راقده بديت نحس انك خفاش ترقدي ف النهار والليل تقعدي فايقه
سمر؛-_
جهاد أطلع وسكر الباب.
جهاد:-
كنت بنتكلم لعند لاحظت فيه علبه حبوب ع الكنبه بجنبها..سمر هذا شني
سمر:-
فاقت مخلوعه وتذكرت أنها نست مادستش الحبوب خدت العلبه ودستها.وراء ظهرها ولا شي .
جهاد:-
قرب منها ومسك يدها بقوة وفك منها الحبوب ...سمر أنتي خذيتي المهدئات هذه امبارح بس والا ليك فتره مدمنه عليهم
سمر:-
بعصبيه شي مايخصك فاهم
جهاد:-
قرب منها بعصبيه ومسك يدها بقوة وقال بصوت عالي سألتك جاوبي الحبوب خذيتيهم امبارح بس والا ليك فتره مدمنه عليهم.
سمر:-
بعياط شي يخصني دخلكش فيه حياتي الخاصه وأنا حره فيها فاهم.
جهاد:-
هزها بقوه وهو قاعد ماسك يدها معناتها انتي مدمنه صح...أنا الغبي اللي مالاحظت هالشي من اول يوم لينا مع بعض الكسل وكثره النوم والهالات السوده اللي تحت عيونك وقلة الأكل.
سمر:-
زي ما انا ماندخلش ف حياتك حتي انت الزم حدودك وماتدخل ف حياتي فاهم ..وبالنسبه لقصه الادمان فاايه انا مدمنه وماليكش علاقه بهالموضوع
جهاد:-
أنا نعرف كيف نصحيك قرب منها ومسكها وقامها بحضنه ودخل بيها للحمام
سمر:-
جهاد حول يدك اطلقني جهاد انت نجنيت باينتك حول حول اطلقني
جهاد:-
أشت ولاكلمه وفتح ميه الدوش ودخل بيها تحتها لعند تبللت بالكامل وهو يحرك ف يده ع وجهها وشعرها .
سمر:-
بصوت يرجف جهاد اطلقني وحياتك الميه مصقعه تجمدت خلاص
جهاد:-
طلع بيها من الدوش وقفها قدام المرايا وعطاها منشفه نشفي شعرك ووجهك وقال بعصبيه "أنتي عارفه ياغبيه المهدئات هذه شن قاعده ادير بجسمك".
سمر:-
قتلك شي مايخصك ماتدخل فيه
جهاد:-_
قدم منها خطوتين وحاوط وجهها بيديه وقاال بنبره صوت كلها خوف ولهفه "أنا مستحيل نخليك اديري ف روحك هكي...مستحيل
نفقدك".
سمر:-
حطيت ايديا ع ايديه وجمدت بمكاني وأنا نشوف بعيونه ونشوف ف نظره الخوف جوات عيونه .
